Jeremiah 9:7 - Syin Chin Bible

⁷ Tua ahikom Vaanglianbelpa Topa in, “Ka mite leisung sumpiang bangin ka thiangsak tu a, ka sittel tu hi. Ka mite in a sia vawt zo a — amate bang law tuan thei tu khi ziam?

Jeremiah 9:7 Iomraidhean Croise

2 Samuel 13:26

Ahihang Absalom in, “Tua ahile pha hi, ka suapuipa Amnon beak nong paisak buatu ziam?” ci hi. “Banghangin ama hong pai kul tu ziam?” ci in kumpipa in dongh hi.

2 Khangtaanghthu 36:15

A taanghpupite ii Pathian, Topa in amate le a Biakinnpi a huuk nop manin a mite kidop thei natu in kamsaangte tatsat ngawlin paisak hi.

Psalm Late 120:4

Ngalkapte thaltang hiamte le meikam sa taw daan hong pia tu hi.

Psalm Late 55:22

Na ngimna uh te Topa nusiat vun, tua hile ama in hong hung tu hi; ama in mihing thumaante bangma hunin lelna thuaksak ngeingawl hi.

Psalm Late 62:5

Keima in Pathian bek ka suang hi; ama ii sungah ka lametna ka koi hi.

Isaiah 1:25

Note tungah thu kong vawt tu hi. Thik sia mei taw a kithiansua bangin note kong thiansua tu a, na thiantho ngawlna theampo kong hepsak tu hi.

Isaiah 48:10

Meikhuk sungah ngunnte a kisit bangma in note sia meisa thuakna sungah kong sit zo hi. Ahihang note sia bangma man nei ngawlin kong mu zo hi.

Isaiah 59:3

Note in leilot thu sonna, thazaw suanna, le mihing thana taw na maw uh hi.

Jeremiah 31:20

“Israel awng, nang sia ka thangaibel ka tapa na hi a, ka itbel ka ta na hi hi. Na min ka law simin itna taw kong phawk hi. Nangma kong ngaisun tawntung a; kong hesuak tu hi.

Jeremiah 5:1

Jerusalem mite awng, na lamdungte zui in tai vun! Na kiim na paam khuadakin en vun! Noma tatak ma na mu vun. Vanh zuakna munte zong vun! A maan a ngamta le Pathian tungah thumaan tu a hanciam mihing khat na mu thei uh ziam? Na mu thei uh ahile Topa in Jerusalem ii mawna maisak tu hi.

Jeremiah 6:27

Jeremiah awng, leisung sumpiang na sit tu bangin, ka mihingte sit in a, amate bang taw kibang ziam cisia telthiang in.

Hosea 4:1

Hi ngam sungah a teang mite tungah Topa in mawsakna khat nei hi. Israel awng, ama pauna ngai vun: “Hi ngam sungah thumaanna hikale ki itna hikale om ngawl a, mite in keima Pathian in hong saang ngawl hi.

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Malachi 3:3

Ama in ngunn a thiangsak pa khat bangin thukhen tu in hong pai tu hi. Thik seakpa in khamh le ngunn a thiansak bangin a maan biakpiakna te Topa kungah hong paipui natu in, Topa kamtaipa in thiampite thiansua tu hi.

1 Peter 1:7

Tua haksatna thuaknate ii tupna in na upna uh a maanna a kilak natu ahi hi. A kisia thei khamh ngawngawn zongh meisa taw kisit lai hi; tua ahikom khamh sangin tam mama in a man nei zaw na upna uh zongh a kip thei natu in hong kisit tu hi. Tua hile Jesus Christ hong kilaak Ni tak ciangin pokna, minthanna le vaang piakna na saang tu uh hi.

1 Peter 4:12

Ka it lawmte awng, a haksa ze etna na thuak uh hu in, lamdang sa heak vun, a piang ngeingawl thute no tungah hong piang bangin ngaisun heak vun.