Jeremiah 9:5 - Syin Chin Bible

^5-6 Amate theampo in a lawmte lampui khial uh a, kuama in thumaan son ngawl hi; amate in a leeite uh leilot thuson hil uh a mawna khialna a vawt uh sia thasua peuma ngawl tu hi. Amate in ngoltol ngamtatna khat zawkciang khat vawt uh a; theamna taw a ngamtatnate khat zawk khat kizom hi. A mite in ama nial hi Topa in ci hi.

Jeremiah 9:5 Iomraidhean Croise

Pianciilna 19:11

Tuaciang amate in innkha a mu thei ngawl natu in innpua sangah a om mi theampo a mit uh tawsak hi.

Job 11:3

Job awng, koma in hong zo kik thei ngawl tu hong um ni ziam? Nong nunauna kammalte in kote pau ngawlin hong koi tu ziam?

Job 15:5

Na seksolna sia na pauna panin kilangh hi; na pilna kammalte taw kiseal sawm ni hi.

Psalm Late 140:3

Amate ii leeite sia hong thisak thei ngulte taw kibang a; amate kammal in ngulsok ii nguu bang ahi hi.

Psalm Late 50:19

Ngitlona thuson tu in a tawntungin a kinging sa in na om uh hi; Leilot thute na son tu na haisaang ngei bua uh hi.

Psalm Late 52:3

Siatna sia phatna sangin na lamnai zaw uh a, thumaan sangin a maan ngawl thu na deizaw uh hi.

Psalm Late 64:3

Amate in a leei uh namsau bangin taat hiam uh a, tuaciang kamsia pau tu in thaltang kap tu bangin eal uh hi.

Psalm Late 7:14

Mihing seksolte in bangbangin ngitlo tu ngaisun ziam ci sia he in; ngimna vawt nuam a, leilot thu zangh hi.

Paunakte 12:5

A thumaan mihingte in a kilawm bangin hong vawt tu hi; mihing seksolte in theam tu bek hong sawm hi.

Paunakte 4:16

Mi seksolte sia a maan ngawl ngamtatna khat peuma a vawt bua uh le mutthip thei ngawl uh hi. Khat po a liamsua bua uh le amate mutthip thei ngawl uh hi.

Isaiah 5:18

Note a lal na hi uh hi! Na mawnate uh pan suatak natu in na kisaan zo bua uh hi.

Isaiah 57:10

Tua pathian dangte na zonna uh in na toi uh a, ahizong na tawp thong ngei bua uh hi. A mu thada huai na milimte uh in thahatna hong pia ci in ngaisun na hikom na tha a zawm ngei bua uh hi.

Jeremiah 12:13

Ka mite in zungtaang ciing uh a, ahihang lopa bek kaikhawm uh hi; amate nasep hanciam mama ahi uh hang bangma nga ngawl uh hi. Ka thin a uuk mama hu in a ankungte sia hi,” ci hi.

Jeremiah 12:6

Na suapuite le na innkuan puite ngawngawn in nang hong leeheak zo hi; amate sia nang hong dote taw kikop hi. Amate in kamthum taw hong paupui uh zong um heak in,” ci hi.

Jeremiah 13:23

Mihing civom pa khat in a civom sia theak thei tu ziam, pawlbeam khat in a pawlna vawk thei tu ziam? A theak thei uh ahile siatna simngawl vawt dang a nei ngawl no zongh in a pha vawt tu sin thei tu nu hi.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Jeremiah 51:58

A thahat Babylon luphungte lei ah kilawnsuk tu a, A saang khuapi kongpite kihaltum tu hi. Minamte ii nasepna sia bangma in kimang ngawl hi; a hanciamnate kaanghtum hi. Keima, Vaanglianbelpa Topa in ka son zo hi,” ci hi.

Jeremiah 51:64

tuaciang, ‘Hi bangin Babylon tungah tung tu hi — Babylon sia tui sungah tumsuk tu a lawtto kik ngeingawl tu hi. Banghang ziam cile Topa in suksiatna sia Babylon tungah a thetsak tu hang ahi hi,’ ci in,” ka ci hi. Jeremiah ii kammalte sia tu teng ahi hi.

Jeremiah 7:28

Amate Topa Pathian, keima ii thu hong ni ngawl minam hi a, kihil in daan a kipiak hang tel thei tuan ngawl uh hi ci in amate tungah son in. Thumaanna bo a, son zongh in kinei nawn ngawl hi.

Jeremiah 9:3

Amate sia leilot thu son tu in kinging tawntung uh hi; thumaanna taw sangin thumaan ngawlna taw ngam uk zaw uh hi. Topa in, “Ka mite in thusia khat zawkciang khat vawtin kei sia a Pathian bang zongh in hong sim bua uh hi,” ci hi.

Jeremiah 9:8

Amate ii leeite sia thi theina thaltangte bang ahi hi; leilot thu veu son uh hi. mi simin a innpaamte tungah kamthiam pau hi, ahihang thaang siana kam hi nginge hi.

Ezekiel 24:12

ahizong tua kheangh theampo meikuang sungah bo tuan ngawl tu hi.

Micah 6:12

Na mihaute in mizawngte duupkang a, note theampo leilot thusonte na hi uh hi.

Micah 6:3

Topa in, “Ka mite awng, note tungah bang hong vawt zo khi ziam? Note atu bangbangin vanh ngit khat suak zo khi ziam? Hong zo tavun.

Habakkuk 2:13

Na zawthal minamte in a tha a ngal uh a thawthong in bosak a, amate saksate theampo kaanghtum siat hi. Hi sia Topa Vaanglianbelpa ii vawt hi.

Malachi 2:10

Eite theampo in a kibang pa nei kana ngawl hi ziam? A kibang Pathian in eite theampo hong bitphua kana ngawl ziam? Tua ahile eite khat le khat, ih kamciamte banghangin paltan a, ih taanghpupite taw Pathian ii a vawt thuciam sia banghangin zawnsak vawt tu hi ziam?

Ephesus te 4:25

Tua ahiciang, leilot thu son nawn heak vun! Mihing sim in a thu uppuite tungah thumaan son tahen, banghang ziam cile eite in Christ ii pumpi sungah nate ih hi khawm siat hi.

1 Timothy 4:2

Tuabang hilciannate sia leilot theite in theamna taw kizelsak hi, amate thinsung sia thiksa taw hal bangin thi hi.

Thukhente 2:10

Tua khang bup mi theampo zongh thi siat zo a, tuaciang a khang kikte in Topa le ama ii Israel atu a sep a vawtte mangil uh hi.