Jeremiah 9:4 - Syin Chin Bible

⁴ A kuama po in a lawmpa tungtaang a kikep kul tu hi, kuama in a suapuipa muang thei ngawl hi; banghang ziam cile suapui theampo sia Jacob bangin ngualtheam thei a, a kuama po in a lawmte sonsia hi.

Jeremiah 9:4 Iomraidhean Croise

Pianciilna 32:28

Tua pa in, “Na min Jacob hi nawn ngawl tu hi. Nangma in Pathian le mihingte taw na kibuan a, nangma in zo ni hi; tua ahikom na min Israel hi tu hi,” ci hi.

Psalm Late 101:5

Ngualdang khat po a thimtham in a ngensia thei te ka pawlvawt buatu hi; a kiphasak a kisathei mihing khat sia ka dual zo buatu hi.

Psalm Late 15:3

tuaciang ama in ngualdangte ngensia ngawl tu hi. Ama in a lawmte tungah tat khialna nei ngawl tu a, a innpaamte huvau kamleang kizelsak ngawl tu hi.

Paunakte 10:18

Mihing khat ama ii etsatna a phualseal sia in leilot pa ahi hi. Thu nawnsan a kizelsak sia in mihing mawmaw ahi hi.

Paunakte 25:18

A maan ngawl kimawsakna sia, namsau, moltawng, ahibuale thaltang hiam bangin kiitakhuai hi.

Paunakte 4:16

Mi seksolte sia a maan ngawl ngamtatna khat peuma a vawt bua uh le mutthip thei ngawl uh hi. Khat po a liamsua bua uh le amate mutthip thei ngawl uh hi.

Paunakte 4:17

Seksolna le ngoltolna sia amate atu in an le tui bang ahi uh hi.

Paunakte 6:16

Topa ii a etsat le a dual zawk ngawl thu nam sali om hi: Kiphatsakna maipuak, a theam thei leei, mawnei ngawlte a thatlum khut, seksol sawmin a ngaisun thinsung, siatna vawt tu a, a zuan ngang peangte, leilot thu khat zawkciang khat a son tetti, lawm le ngual sungah buaina pian natu a heltua pa cite ahi hi.

Isaiah 59:13

Nang kong langpan uh a, hong nialin, na nung kong zui bua uh hi. Midangte zawthawk vawtin nang kung pan lam ka pial uh hi. Ka ngaisutnate uh khial hi; ka thu son uhte leilot thu ahi hi.

Isaiah 9:16

Hi mihingte lampuite in amate lamkhialsak a, lungmang bikbeksak hi.

Jeremiah 12:6

Na suapuite le na innkuan puite ngawngawn in nang hong leeheak zo hi; amate sia nang hong dote taw kikop hi. Amate in kamthum taw hong paupui uh zong um heak in,” ci hi.

Jeremiah 6:28

Amate a vekpi in a thinpui, ngaltho nuamte hi a, a thin uh sia taau le thik bangin sak uh hi. Amate sia a ngamtat sia siat uh a, vak kawkoai in heltuana laklaw thu poai kawkoai uh hi.

Jeremiah 9:8

Amate ii leeite sia thi theina thaltangte bang ahi hi; leilot thu veu son uh hi. mi simin a innpaamte tungah kamthiam pau hi, ahihang thaang siana kam hi nginge hi.

Ezekiel 22:9

Na mite pawlkhat in midangte thi daan a thuak natu in leilot thu a son uh hi. Pawlkhat te in milim biakpiakna sa a ne uh hi. Pawlkhat te sia cii le sa deinate a lungkimsak tawntung uh hi.

Thiampite 19:16

Khat pawpo taw kisai in leilot thu sonsawn heak vun a, mihing khat ii nuntakna le thina thu a kison ciang na tetti panna in ama a hu thei tu a ahile, son khe in. Keima in Topa ka hi hi.

Malachi 2:10

Eite theampo in a kibang pa nei kana ngawl hi ziam? A kibang Pathian in eite theampo hong bitphua kana ngawl ziam? Tua ahile eite khat le khat, ih kamciamte banghangin paltan a, ih taanghpupite taw Pathian ii a vawt thuciam sia banghangin zawnsak vawt tu hi ziam?

Matthew 10:17

Kidawm tavun, banghang ziam cile mihingte in hong man tu a, zum ah hong then in, synagogue te ah hong vel tu hi.

Matthew 10:21

“Mihingte in a suapuite thalup tu in aap tu a, pate zongh in tate tungah tuabang ma in ngamta tu hi; tate zongh in nute pate langpan tu a, thatlumsak tu uh hi.

Luke 21:16

No sia na nu na pate, na suapui pate, na mealheakte le na ngualtamhte in hong aap tu a, note pawlkhat thina na thuak tu uh hi.

1 Thessalonica te 4:6

Tua ahikom hi thu tungtaang ah, kuama in ama ii Tapidawpuipa tungah khial ngawl tu a, hamphatna in la thei ngawl tu hi. Hi thu kong son ngei zo uh a, tuabang a ngamtate Topa in daan pia tu hi, ci in nasia takin kidop natu kong son zo uh hi.