Jeremiah 9:3 - Syin Chin Bible

³ Amate sia leilot thu son tu in kinging tawntung uh hi; thumaanna taw sangin thumaan ngawlna taw ngam uk zaw uh hi. Topa in, “Ka mite in thusia khat zawkciang khat vawtin kei sia a Pathian bang zongh in hong sim bua uh hi,” ci hi.

Jeremiah 9:3 Iomraidhean Croise

Pianciilna 39:16

Joseph ii topa, inn ah hong cia dong ama in Joseph puantual keam hi.

Paunakte 12:5

A thumaan mihingte in a kilawm bangin hong vawt tu hi; mihing seksolte in theam tu bek hong sawm hi.

Isaiah 1:3

Khuite in a topa he uh a, laate in a topa ii an piakna mun he hi. Ahihang ka mihing Israel te in tua za in he ngawl hi. Amate in tel vet ngawl uh hi,” ci hi.

Isaiah 3:5

Mihing theampo khat le khat tungnut kituu in meetna la tu hi. Khangmoite in khanghaamte zakta ngawl tu a, a mannung ngawl mihingte in a tungsia te zakta ngawl tu hi.

Isaiah 6:5

Keima in, “Kei atu bangma lam et om ngawl hi! Kei a lal hi ing, banghang ziam cile ka muk pan a pusuak kammal sim sia mawna veu hi a, a kampau sim mawna veu ahi mite sungah ka teang hi. Tuabang teng ahitazong, Kumpipa, Vaanglianbelpa Topa sia ka mittang vateak taw ma in ka mu zo hi,” ka ci hi.

Isaiah 9:18

Mihingte ii seksolna in lingkungte le a mulnei lingkungte a kaanghtumsak mei bangin kuang hi. Meikhu lomtangh a piangsak ngamkaang bangin kuang hi.

Jeremiah 12:6

Na suapuite le na innkuan puite ngawngawn in nang hong leeheak zo hi; amate sia nang hong dote taw kikop hi. Amate in kamthum taw hong paupui uh zong um heak in,” ci hi.

Jeremiah 22:16

Ama in mizawngte tungah a pha in thukhen a, tuaciang ama atu in na theampo a pha suak hi. Tuabang ahi theina in Topa a heak hang ahi hi.

Jeremiah 31:34

Topa a heak natu uh in amate sia a mipuite kuama ii thu hil kul ngawl tu hi, banghang ziam cile a nobel pan a lianbel dongin kei hong he siat tu uh hi. Keima in amate ii a mawnate ka maisak tu a, a khialnate ka ciamtee nawn buatu hi. Keima, Topa in ka son zo hi,” ci hi.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Jeremiah 5:4

Tuasia ciang keima in, “Hite sia a zawng bangma a he ngawlte bek hi. Amate in a mawmawthuai in ngamta uh hi; amate sia a Pathian ii a kat sia he ngawl a, Topa ii a sepsak nop sia zongh he ngawl uh hi.

Jeremiah 5:5

Mihingte kungah vaangletna taw ka pai tu a, amate taw thu ka son tu hi. A tatakin ci leang amate in a Pathian ii a kat sia he takpi a, amate ii a sep tu, Topa deina sia he uh hi,” ci in ka ngaisun hi. Ahihang amate theampo in Topa ii thuneina nialin, a thu ni nuam ngawl uh hi.

Jeremiah 6:28

Amate a vekpi in a thinpui, ngaltho nuamte hi a, a thin uh sia taau le thik bangin sak uh hi. Amate sia a ngamtat sia siat uh a, vak kawkoai in heltuana laklaw thu poai kawkoai uh hi.

Jeremiah 7:26

Ahihang kuama in thu ngai ngawl, nadon ngawl uh hi. Na taanghpupite uh sangin na thin uh pui zaw in langpan kan zaw nu hi.

Jeremiah 9:5

Amate theampo in a lawmte lampui khial uh a, kuama in thumaan son ngawl hi; amate in a leeite uh leilot thuson hil uh a mawna khialna a vawt uh sia thasua peuma ngawl tu hi. Amate in ngoltol ngamtatna khat zawkciang khat vawt uh a; theamna taw a ngamtatnate khat zawk khat kizom hi. A mite in ama nial hi Topa in ci hi.

Jeremiah 9:8

Amate ii leeite sia thi theina thaltangte bang ahi hi; leilot thu veu son uh hi. mi simin a innpaamte tungah kamthiam pau hi, ahihang thaang siana kam hi nginge hi.

Ezekiel 8:13

Tua zawkciang, Topa in kei tungah, “Tuate sangin a kiihuai zaw lai a vawtte na mu tu hi,” hong ci hi.

Daniel 11:27

Tua zawkciang tua kumpite ngeal sabuai khat ah an nekhawm tu uh hi, ahihang a ngaisutnate sia khawm uh a, khat le khat kitheam tu uh hi. A hun theng ngawl lai ahikom a dei bang nga ngawl tu uh hi.

Thiampite 19:11

“Nguta heak vun a, ngualtheam ahibuale leilot thu son heak vun.

Mark 8:38

Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.

John 17:3

Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

Sawltakte 24:9

Jew te in hi mawna a kisotna sungah, hong pawm hon uh a, hi thu theampo maan hi, a ci uh hi.

Romete 1:16

Lungdamna thupha sungah a kicingin muanna ka nei hi; tua in a umte theampo kingup natu Pathian ii vaangletna hi a Jew mite atu hi photin, tua zawkciang Gentile te atu zongh ahi hi.

Romete 1:28

Pathian huvau heakna maante sia mihingte in khua ngaisut in nei nuam ngawl ahikom Pathian in amate ngamtat tuak ngawlte ngamtat theina ngaisutna sungah thazau hi.

Romete 3:13

A kampau te in thi theina kitheamna thu taw kidim a; a leei uh panin leilot thu pusuak hi, a lauhuai tawnnate ngulnguu bangin a muk uh panin pusuak hi;

1 Corinth te 15:34

Ahi tu bangin khua hong phawk kik tavun a, na mawnate kheal vun. No pawlkhat in Pathian he ngawl na hi uh kom a maizumhuai na hina uh kong hesak hi.

Philippi te 1:28

Na ngalte na kiita heak vun; na thinlian tawntung tavun, tua hile amate in hong lel tu a, noma in na zo tu uh hi, banghang ziam cile zawna hong pia sia Pathian ahi hi.

2 Timothy 3:13

Tuaciang mihing ngilote le a kimealsealte in, phat ngawlna pan, phat ngawl seseam na ah zuan tu uh a, ngual theamin amate le amate dongin theam thuak tu uh hi.

Jude 1:3

Ka it lawmte awng, ih nei khop tek ngupna huvau hong at nuam ing, ka ci laitakin, Pathian ii mihingte tungah a tawntung atu in khatvei a piak upna huvau ngal ih sim kul lai hi, ci in hanthot nopna ka thinsung ah thakhatin hong suak hi.

Thupualaakna 12:11

Ih suapuite in Tuuno chi le thumaan thutang a thansakna uh taw zawna nga zo uh hi; amate in a nuntakna uh pia in thi ngam hi.

Thukhente 14:17

Mopoai sung ni sali tawntung a zi kap hi. Ahihang a ni sali ni ciang a nakheng cimh manin ama in thukheldokna ii khiakna son hi, Tuasia ciang a zi in Philistine te tungah son hi.

Thukhente 2:10

Tua khang bup mi theampo zongh thi siat zo a, tuaciang a khang kikte in Topa le ama ii Israel atu a sep a vawtte mangil uh hi.

1 Samuel 2:12

Eli ii tapate sia mihing phelphol vive hi. Amate in Topa a awlmaw bua uh hi,