Jeremiah 9:2 - Syin Chin Bible

² Ka mite taisan thei in sennealngam sungah om natu mun khat nei leng ka uuk hi. Amate sia a thu maan ngawl vive, ngual a leeheak honkhat hi uh hi.

Jeremiah 9:2 Iomraidhean Croise

Isaiah 59:3

Note in leilot thu sonna, thazaw suanna, le mihing thana taw na maw uh hi.

Jeremiah 12:1

“Topa awng, nang taw ka thu ih kinial ciang, nang na maan zaw tu hi. Ahihang nang tungah thukhaikimna thu huvau kong dongh tu hi. Banghangin mi seksolte nuamsa ziam? Banghangin thu maan ngawl mite a tup uh taangtung ziam?

Jeremiah 12:6

Na suapuite le na innkuan puite ngawngawn in nang hong leeheak zo hi; amate sia nang hong dote taw kikop hi. Amate in kamthum taw hong paupui uh zong um heak in,” ci hi.

Jeremiah 13:22

Banghangin, hi thute theampo na tungah hong piang ziam — banghangin na puante hong kileamkeak sakin, hong kibuan a, hong kikhialpui ziam ci in na dongh le — na mawna a nasiat lei lawlawm hang ahi hi.

Jeremiah 23:10

Tua ngam sia Topa tungah a thumaan ngawl mihingte taw kidim hi; amate sia a seksol nuntakna taw nungta in a vaang neina uh zangh khial uh hi. Topa ii haamsiatna hangin hi ngam sia khuangai in om a, ngamsung lonote kongaw hi.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Jeremiah 5:1

Jerusalem mite awng, na lamdungte zui in tai vun! Na kiim na paam khuadakin en vun! Noma tatak ma na mu vun. Vanh zuakna munte zong vun! A maan a ngamta le Pathian tungah thumaan tu a hanciam mihing khat na mu thei uh ziam? Na mu thei uh ahile Topa in Jerusalem ii mawna maisak tu hi.

Jeremiah 5:11

Israel mite le Judah mite in kei hong leeheak cip zo uh hi. Topa keima in ka son zo hi,” ci in dongh hi.

Jeremiah 5:2

Topa ka bia tu uh hi na ci uh hangin, na thin tatak uh taw na ci uh hi ngawl hi.

Hosea 4:2

Amate in kamciamte pia a, paltan hi; amate leilot in, mihing that a, nguta in, kipalngul uh hi. Khialna liante khang a kithalupna khat zawkciang khat om hi.

Hosea 5:7

Amate Topa tungah thumaan ngawl a; a tate Topa neisa hi ngawl hi. Tua hi a, tu in amate le a ngam a lei kisusia pal tu hi.

Hosea 6:7

“Ahihang amate in Adam ngam sungah a tum po ciang amate taw thuciamna ka vawt sia paltan uh hi.

Hosea 7:4

Amate a vekpi thutuum ngawlin citakna nei ngawl uh hi. Anluum em pa in anvui thau in, a em thei hun mateng anluum emna mei sawk ngawlin a mei a khep bangin a ki etsatna iip phot hi.

Micah 6:12

Na mihaute in mizawngte duupkang a, note theampo leilot thusonte na hi uh hi.

Zephaniah 3:4

Kamsaangte in sep nop vacin nei ngawl a, thimthel uh hi; thiampite in a thiangtho nate ninsak in, Pathian thukhamte amate phattuam natu in deikai uh hi.

Malachi 2:11

Judah mite in Pathian tungah a kamciamte paltan a Jerusalem le ngamsung bup ah a thasiathuai mama khat vawt uh hi. Amate in Pathian ii a it Biakinnpi sia ninsak uh hi. Pate in ngamdang pathiante a bia numeite teenpui zo hi.

Malachi 2:14

Banghangin hong kisaang nawn ngawl ziam ci in na dongh uh hi. Tua thu in na khanmoi lai a na teenpui na zi tungah na kamciamna paltan zo na hi sia a heak hu ahi hi. Na zi sia na koppui hi a, ama tungah a thumaan pasal ka hi tu hi ci in Pathian mai ah kamciam pia napi na paltan zo hi.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

Thukhente 2:10

Tua khang bup mi theampo zongh thi siat zo a, tuaciang a khang kikte in Topa le ama ii Israel atu a sep a vawtte mangil uh hi.