Jeremiah 9:16 - Syin Chin Bible

¹⁶ Amate ahizong a taanghpupite ahizong ii a zaak ngeingawl minamte sungah amate ka thethaang tu a, amate ka siatcipsak siat matengin a do tu in ngalkap honte ka puak tu hi,” ci in zo hi.

Jeremiah 9:16 Iomraidhean Croise

Nehemiah 1:8

Nangma ii Moses tungah: ‘No Israel mite ka tungah nong thumaan bua uh le minam dangte sungah kong thethaang tu hi.

Psalm Late 106:27

a suan a paalte Pathian he ngawlte kawm ah a kithethaangsak natu ahizong, ngamdang ah a thisak natu ahizong ama in a ciliap huai kidop thei natu thupia hi.

Thuhilsya 12:5

Mun saangna ah na kiinta tu a, na lampai ciang lauhuai tu hi. Na puakkaang tu a; nangma le nangma kikai vakiat in, na lungngul theampo bo tu hi. Eite in a khakbel ih tawlngak natu mun ih zuan tu a, lampite ah mauna om tu hi.

Jeremiah 13:24

Sennealngam pan a hong va vui in taangphaw a muutkeak bangin Topa in note hong thethaang tu hi.

Jeremiah 24:10

Amate le a taanghpupite tungah ka piaksa ngam sungah amate khat zongh a taang nawn ngawl dongin ngal kidona, kialpi tunna le natna ngilo ka tungsak tu hi,” hong ci hi.

Jeremiah 25:27

Tuaciang Topa in keima tungah, “Mipite tungah son in. Keima, Vaanglianbelpa Topa, Israel ii Pathian in, amate tungah ngal ka thetsak hu in amate kham in a luak dong, pukin a thaw kik zawk ngawl za dong a neak tu in thu ka piak sia son in.

Jeremiah 29:17

Vaanglianbelpa Topa in, ‘Keima in amate tungah ngal, kialpi le natna ka tungsak tu a, amate sia neak thei ngawl theinga muat bang ka hisak tu hi.

Jeremiah 44:27

Note a nuamsa ngawlin kong vawt tu hi, bek dom ngawlin kong susia tu hi. Note khat zongh kikhe ngawlin, ngal taw ahizong, natna taw ahizong na lalcip tu uh hi.

Jeremiah 7:29

“Jerusalem mite awng, kap vun; Na sam uh at tan vun a, vawk vun. Mual dawnah mithi vuina lasa vun, banghang ziam cile keima Topa ka thin uuk a, ka mite ka nial zo hi.

Jeremiah 8:19

Ngai vun! Ngamsung mun theampo ah ka mite ii kaana aw ka za hi, “Zion khua ah Topa om nawn ngawl ziam? Zion ii kumpipa tua munah om nawn ngawl ziam?” ci in kap uh hi. Amate ii kumpipa ahi, Topa in zo kik a, “Banghangin na milimte na biakna le a man nei ngawl na ngamdang pathiante na paaina uh taw in kei hong thin uuksak nu ziam?” ci hi.

Ezekiel 11:17

“Tua ahikom, Keima, Vaanglianpipa Topa in ka ci teng amate tungah son in. Ngamdang ah ka thethaang na munte panin amate ka khawmtua kik tu a, Israel ngam ka pia kik tu hi.

Ezekiel 12:15

“A dang minamte sung le ngamdang te ah ka thethaang tak ciang amate in Kei, Topa ka hi hunlam hong he tu uh hi.

Ezekiel 14:17

“Tua ahibuale, tua ngam ah ngal ka thengsak thei tu a, tuaciang mihingte le ngannote a kibangin ka maaimot natu in a susia thei ngalhiamte ka puak tu hi.

Ezekiel 20:23

Tua ahikom sennealngam ah kamciam dang khat ka pia hi. Amate leitung theampo ah thethaang tu in ka kiciam hi.

Ezekiel 27:2

“A thithei mihing awng, Tyre atu in mithi vuina la khat sa in,

Ezekiel 5:12

Na mite sung pan khen thum sua khen khat sia khuapi sungah natna taw le ngilkialna taw in thi tu hi; a dang khen thum sua khen khat sia khuapi pua sangah namsau taw kisaatvawk tu hi; tuaciang a khakbel khen thum sua khen khat sia hui sungah ka thethaang tu a, namsau taw ka zuizen tu hi.

Ezekiel 5:2

Khen thum sua khen khat sia hong uumcina a ven ciang, khuapi sungah hal in. A dang khen thum a khen khat sia khuapi puasang na va kawkoaina ah na namsau taw tan neen in. A om lai khen thum teng sia vui sungah the in a, ka namsau taw ka delkot tu hi.

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.

Amos 5:16

Tua ahikom Vaanglianpipa Topa Vaanglianbelpa in, “Khuapi lampite ah heena, kaana le tauna om tu hi. Lotho mite ngawngawn zongh a khuangaipui tu in a kicialte taw ma in mithi kaa tu kisam khawm tu hi.

Micah 2:4

Tua hun a tun ciang, mite in no sia tuasiatna huvau sonteena in hong nei tu hi, noma thuakna teng khuangai la in na sa tu uh hi: Eite ih lalcip dikdek zo hi! Topa in ih ngam ih lei la zo a, tuaciang ei hong mante tungah tuasia kipia zo hi,” ci tu uh hi.

Zechariah 7:14

Amate ngamdang ah a teang tu in, vuipi suangval bangin ka niil keak hi. Hi ngampha na sungah a teang om ngawl a, ngamtongta in kinusia hi,” ci hi.

Thuhil kikna 28:25

“Topa in na ngalte in hong zosak tu hi. Note in mun khat pan na sim tu uh a, ahizong mun theampo ah na tai tu uh hi, note tungah thupiangte a mu uh ciang leitung mihingte theampo lau mama tu hi.

Thuhil kikna 28:36

“Topa in nangma le na kumpipa sia nangma le na taanghpupite ii a teen ngeingawlna ngamdang ah hong paipui tu hi; tua munah thing le suang taw a kivawt pathiante ii na, na seam tu uh hi.

Thuhil kikna 28:64

“Topa in note sia leimong khat pan mong khat dong, minamte theampo sungah hong thethaang tu a, tualai ah noma le na taanghpupite ii biak ngeingawl pathiante, thing le suang taw a kivawt pathiante na, na seam tu uh hi.

Thuhil kikna 32:26

Keima in amate ka mon siat tu a, tua hile kuama in amate ciamtee ngawl tu hi.

Thuhil kikna 4:27

Minam dangte sungah Topa in hong thethaang tu a, no tawm bek na suakta tu uh hi.

James 1:1

Pathian le Topa Jesus Christ ii naseampa James in: leitung bup ah a kithethaang Pathian mite kong paupui hi.