Jeremiah 9:12 - Syin Chin Bible

¹² Keima in, “Topa awng, hi ngam sia kuama khualhaw ngawl natu in banghangin kisia cip a sennealngam bangin kongaw ziam? Akua in hi bang thute a tel thei tu za in ciim tu ziam? Midangte tungah sonsawn thei tu in akua tungah na thiang son zo ziam?” ci in ka dongh hi.

Jeremiah 9:12 Iomraidhean Croise

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Psalm Late 107:43

A ciimte in hi thute ngaisun thei tahen; Topa ii itna kip ngaisun thei tahen.

Isaiah 42:23

Note sung pan akua in hi thu ngai tu nu ziam? Tu pan kipan pha takin, na ngai tu uh ziam?

Jeremiah 23:10

Tua ngam sia Topa tungah a thumaan ngawl mihingte taw kidim hi; amate sia a seksol nuntakna taw nungta in a vaang neina uh zangh khial uh hi. Topa ii haamsiatna hangin hi ngam sia khuangai in om a, ngamsung lonote kongaw hi.

Jeremiah 23:16

Vaanglianbelpa Topa in Jerusalem mite tungah, “Kamsaangte ii thusonte ngai heak vun; amate in a maan ngawl lam etnate hong dimh uh hi. Amate in keima ii ci ahi ngawl, amate ii ngaisut tawmte no tungah hong son uh hi.

Jeremiah 23:22

Amate in ka ngaisutna thuku te he hi thong ka pole ka thupuak sia ka mite tungah thangsak zo tu uh a, nuntakna siate le a seksol ngamtatna te nusiasak siat zo tu hi.

Jeremiah 23:28

Tua mangman kamsaang pa in hi thu sia mang bekma hi ci tahen a, ahihang ka thupuak a za kamsaang pa in ka thupuak sia maan takin thangsak tahen. Taangphaw le zungtaang tang teengat tu pha ziam?

Jeremiah 9:20

Keima in, “Topa thu ngai vun, no numeite awng, a kammalte nadon vun. Na tanute sia kaa tu dan hil vun a, na lawmte sia mithi vuina lasak zia hil vun.

Ezekiel 14:23

tuasia ciangin na ka vawt peuma sia ahang pha khat om ci sia na he tu hi.” Vaanglianpipa Topa in son zo hi.

Hosea 14:9

Miciimte in hi sung a, a ki atte tel tahen a, a thinsung uh ah ciing thei tahen. Topa ii lampite maan a, thutang mite in tuate a zuina taw nungta uh hi, ahihang mimaw mikhial te lutu in puk uh hi, banghang ziam cile amate in tua thute awlmaw ngawl uh hi.

Hosea 4:10

Note in sangaw biakpiakna pan, na satel te ne tu na hi uh hang na ngil uh kial veve tu hi. Ta nei theina pathiante bia tu na hi uh hang ta na nei tuan buatu uh hi, banghang ziam cile note in pathian dangte nungzui tu in kei nong nung ngat zo uh hi,” ci hi.

Joel 1:11

No, lothote awng, khuangai vun; sapithuan cingte awng kap vun, banghang ziam cile zungtaangte, mangtaangte, ankung theampo kisusia hi.

Zephaniah 3:6

Topa in “Minam theampo ka maaimot zo hi; a khuapite ka susia a, a luphungte le a tausaangte a siacip sa in ka nusia hi. A khuapite kitaisan a; lampite a tawn om ngawl a — mihingte kuama om nawn ngawl hi.

Matthew 24:15

“Kamsaangpa Daniel ii son ‘A kiitakhuai mama sia’ na mu tu uh hi. Tua in a thiangthona munah ding tu hi.” (Hi lai a sim sia in tel tahen!)

Thuhil kikna 32:29

Amate in a ngallelna ii ahang sia mu ngawl a; thupiangte tel zo ngawl uh hi.

Thupualaakna 1:3

Hi thubu sungah a ki at laite a simte le maisang thu kisonkholna kammal a zuite in mihing lungdamte ahi hi! Banghang ziam cile hi thute hong tun tu hun hong nai zo hi.