Jeremiah 9:11 - Syin Chin Bible

¹¹ Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Jeremiah 9:11 Iomraidhean Croise

Nehemiah 4:2

A lawmte le Samaria ngalkapte mai ah ama in, “Hi a huathuai Jew te in bang teng vawt kisa ziam? Khuapi puua kik nuam ziam? Sangaw biakpiaknate piakna taw ni khat sungin nasep zo thei tu in kingaisun ziam? Uksuang tawng kaanghmong teng taw inn sak natu suang vawt thei tu ki um ziam?” ci hi.

Psalm Late 107:43

A ciimte in hi thute ngaisun thei tahen; Topa ii itna kip ngaisun thei tahen.

Psalm Late 44:19

Tua hi napi ngamsate kawm ah a cimaw in nong nusia hi; a thukbel khuazing sungah nong nusia hi.

Psalm Late 79:1

Pathian awng, Pathian he ngawlte in na ngam hong sim zo hi. Amate in a thiangtho na Biakinn sia ninsak uh a, Jerusalem sia a zaancip in nusia uh hi.

Isaiah 13:22

Tausaangte le kumpi innte sungah ngam ui le ngiate auna aw hawl tu hi. Babylon khuapi a siat tu hun theng zo hi! A nite cing dektak zo hi,” ci hi.

Isaiah 25:2

Khuapite na siasak zo a, a kulhte na lalcipsak zo hi. Ih ngalte ii sak kumpi innte bo zo hi.

Isaiah 34:13

Kumpi innte theampo sung le luphung taw ki uum khuapite sungah lingte le a mulnei lingkungte po in, ngia le simbute tua ii sungah teang tu uh hi.

Isaiah 44:26

Ahihang ka naseampa in thuson kholna khat a nei ciang, ka ngealnate pualaak tu in, kamtai khat ka puak ciang tua ngealnate le sonkholnate ka taangtungsak hi. Jerusalem ah mite teang kik tu hi ci in Jerusalem tungah ka son a, Judah ngam khuapite kisa kik tu hi ci in Judah ngam khuapite ka son hi. Tua khuapite sia a siatcipnate sung pan tho to tu hi.

Jeremiah 1:15

banghang ziam cile saksang ah a teang minamte theampo hong pai tu in ka sam hi. Amate ii kumpite in a kumpi tokhumte uh sia Jerusalem kongpite le, luphung kiimkot ah ahizong, Judah khuapi dangte ii kiimkot ah ahizong phut tu uh hi.

Jeremiah 10:22

Ngai vun! Thu khat hong theng zo hi! Saksang ngam khat sungah buaina lian khat om hi; a ngalkaphon in Judah ngam khuapite sia ngiate teenna sennealngam suaksak tu hi,” ci in ka zo hi.

Jeremiah 16:10

“Hi thu teng amate tungah na son ciang, amate in, banghangin keima in daan nasia mama piak tu in khensat khi ziam ci sia nangma hong dongh tu hi. A khialna lian sia a bang hi a, Topa, a Pathian tungah bang mawna khialna vawt ziam ci sia amate kidongh tu uh hi.

Jeremiah 25:11

Hi ngam buppi a siathamin kinusia tu a, a ngamkhing mun suak tu hi, a kiim ah minamte in kum sawmsali sung tawntung Babylon kumpipa ii na seam tu uh hi.

Jeremiah 25:18

Amate sennealngam khat, a lauhuai, diipkuathuai mun a sua natu le, mihingte ii ama te min sia haamsiatna in a zak natu in — tu hun dong a kizak lai bangma Jerusalem le Judah ngam khuapite theampo, a kumpite uh le a lampuite uh taw tua hai sung panin kidawnsak hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 26:9

Banghangin Topa min suangin hi Biakinnpi sia Shiloh khua bang suak tu a, tuaciang hi khuapi kisusia cip in kuama teang ngawl tu hi ci ni ziam,” ci in au keak uh hi. Tuaciang mihonte in kei hong uumci uh hi.

Jeremiah 34:22

Keima in thu ka pia tu a, hi khuapi ah amate hong heak kik tu uh hi. Amate in tua khuapi simin la tu a, mei taw haltham tu uh hi. Keima in Judah ngam khuate sia kuama ii teen ngawlna sennealngam khat bang ka suaksak tu hi. Keima, Topa in ka son zo hi,” hong ci hi.

Jeremiah 4:27

( Topa in leitung buppi duisung ngampa suak tu hi ci hi, ahihang siacipsak ngawl tu hi.)

Jeremiah 44:2

Vaanglianbelpa Topa Israel ii Pathian in, “Jerusalem khuapi tung le Judah ngam khuapi dangte theampo ii tungah suksiatna ka thetsak sia noma mama in na mu zo uh hi. Tua khuapite sia tu dong ma in siacip lai a, kuama teang ngawl hi,

Jeremiah 49:33

Hazor ngam sia a tawntungin sennealngam kisuaksak tu a, ngiate bek tua munah teang tu hi. Tua munah kuama teang kik ngeingawl tu hi. Keima, Topa in ka son zo hi,” ci hi.

Jeremiah 50:3

“Saksang panin minam khat Babylon sim tu in hong theng zo a tua sia sennealngam suaksak tu hi. Mihing le nganhingte taikeak tu uh a, tua munah kuama teang ngawl tu hi,” hong ci hi.

Jeremiah 51:37

Tua ngam sia ngamsate teenna ninthuk suak tu hi. Tua mun sia thaadam huai mun hi tu a; kuama teang ngawl tu hi, a mute theampo in lau tu uh hi.

Jeremiah 8:22

Gilead ah zatui om ngawl ziam? tua munah syavuan te om ngawl ziam? Tua ahile banghangin, ka mite kidamsak ngawl thong ziam?

Kaa late 1:4

Ni thiangtho nite ah biakna vawt tu in, Biakinnpi ah kuama hong pai ngawl hi. Tua munah lasa ngaknute in ngim thuak a, a thiampite mau vangui thei bek hi. Khuapi kongpite hawm a, Zion in ngim thuak hi.

Kaa late 2:2

Topa in Judah ngam khuano theampo hesuak ngawlin lalthamsak a, Ngam huukna kulhpite baltham hi. Ama in kumpi ngam le a ukte maizum pia hi.

Kaa late 3:47

Kote in tuasiatna le siatna ka thuak zo uh a, launa le kiitakna sungah ka nungta uh hi.

Thiampite 26:32

Na leitang ka lalcipsak tu a, tuasia a lua na ngalte inghsak tu hi.

Micah 1:6

Tua ahiciang Topa in, “Samaria sia ngam taanzauna sung a siasa teng kholna mun, sapitkung ciin natu mun ka suaksak tu hi. A khuapi sungah suangte zongh kuam sungah ka sungsuk tu a, a khuapi tawphate ka lawtsak tu hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Micah 6:16

Hi bang hong piang tu hi, note in Omri kumpipa le a tapa Ahab kumpipa ii ngamtat siate na zui uh hang ahi hi. Amate ngamtat ziate zomto na hi uh ciang kong siacipsak tu a, a kuama po in note hong zawngsak tu hi. Mite in mun theampo ah note hong zawnsak vawt tu uh hi,” ci hi.

Thuhil kikna 29:23

Na lote kolh siat tu a, kaan le ci taw kidim tu hi; bangma kiciing thei ngawl tu a, lopa ngawngawn po ngawl tu hi. Na ngam uh sia, Topa ii a thinso lai in a lalcipsak Sodom le Gomorrah, Admah le Zeboiim khuapite taw kibang tu hi.

Thupualaakna 18:2

Ama in nging takin au a, “A lian Babylon khuapi cim zo hi! cim zo hi! Ama sia tu in doaite le thaa ninte in teenna in nei hi; a kiihuai le a ngaimawkhuai vacimte zongh a sungah teang hi.