Jeremiah 9:10 - Syin Chin Bible

¹⁰ Keima in, “Mualte atu in khuangai a mau in, ngamsung lohingna munte atu in ka kap tu hi. Banghang ziam cile tua munte kongaw a, kuama khualhawin kaantan ngawl hi, ngannote haamna aw kiza nawn ngawl hi; vacimte le ngamsate tai siat zo hi,” ka ci hi.

Jeremiah 9:10 Iomraidhean Croise

Isaiah 41:15

A hiam, ha thak a nei ancilna bangin kong vawt tu hi. Note in mualpite cilin na susia tu uh hi; mualnote leivui suak tu hi.

Isaiah 49:19

“Na ngam sia lalcipin kinusia a — ahihang tu in tualai ah a teang tu hong pai mite atu in toi lei tu hi. A siacipin nang hong nusia mite in nang taw a kikhuala na ah kikhiin tu uh hi.

Jeremiah 12:10

Hong uk ngamdangmi tam mama in ka sapithuan siasak uh hi, amate in ka lote tuanhcil zo uh hi; a dei huai ka leitang sennealngam suaksak uh hi.

Jeremiah 12:11

Amate in ka ngam sia ngam tawngtol suaksak uh a; ka mu tangin ngamkhing mun suak hi. Ngam buppi sia sennealngam suaksak a, kuama in awlmawk ngawl hi.

Jeremiah 12:4

Ih ngam sia bang tanvei kongaw tu a, lo theampo sungah lopate bang tanvei kongaw tu ziam? Nganhingte le vacimte thi dektak uh hi, banghang ziam cile ih mite ii seksolna hang hi a, ih mite in ‘Pathian in ih sep ih vawtte hong mu ngawl hi’ a ci uh hang ahi hi.”

Jeremiah 14:6

Ngam laate in mualte dawn ah dingin ngam uite bangin husamh in hu diik vahut uh hi; a neak tu lopa om ngawl ahikom a mitte khuamu thei ngawl uh hi.

Jeremiah 2:15

Amate in tawpi bangin ama hawk san uh hi; amate in ama ngam sennealngam suaksak zo hi, a khuate siasak zo a, kinusia cip zo hi.

Jeremiah 2:6

Keima in amate Egypt ngam pan suatakin duisung ngampa: sennealngam le dumkhuk sung, lei kongaw a, kuama teen ngawl, a lau huaina mun le kuama khual zongh a haw ngawl natu mun kaantanin amate keima in lampui hi napi amate in kei, hong awlmawk ngawl hi.

Jeremiah 23:10

Tua ngam sia Topa tungah a thumaan ngawl mihingte taw kidim hi; amate sia a seksol nuntakna taw nungta in a vaang neina uh zangh khial uh hi. Topa ii haamsiatna hangin hi ngam sia khuangai in om a, ngamsung lonote kongaw hi.

Jeremiah 50:3

“Saksang panin minam khat Babylon sim tu in hong theng zo a tua sia sennealngam suaksak tu hi. Mihing le nganhingte taikeak tu uh a, tua munah kuama teang ngawl tu hi,” hong ci hi.

Jeremiah 7:29

“Jerusalem mite awng, kap vun; Na sam uh at tan vun a, vawk vun. Mual dawnah mithi vuina lasa vun, banghang ziam cile keima Topa ka thin uuk a, ka mite ka nial zo hi.

Jeremiah 8:18

Ka khuangaina kidamsak thei ngawl hi; ka thin na mama hi.

Kaa late 1:16

“Tua hu in ka mittangte thitui taw kidim leet hi. Kuama in hong heeneam thei ngawl a; kuama in hong hanthawn thei ngawl hi. Ngalte in hong zothal a; ka mite in bangma nei nawn ngawl uh hi.

Kaa late 2:11

Ka ka kaana in ka mitte paat zo a, ka thin na mama hi. Ka mite lalna hangin hee in ka tha zawm ngawp hi. Patangnote le nausente khuapi lampite ah butthi uh hi.

Kaa late 5:18

Zion Mual sia ngamkhing ngamdai in kinusia ahikom tua a kisia sa munte ah ngam uite vak hi.

Ezekiel 14:15

“Tua ahibuale mihing te a that tu in ngamsa te ka paisak tu a, kuama ngam sungah khualhaw in a kaantan ngam ngawl dongin ka lauhuaisak mama tu hi,

Ezekiel 27:2

“A thithei mihing awng, Tyre atu in mithi vuina la khat sa in,

Ezekiel 29:11

Mihing ahizong, nganhing ahizong, tua ngam kaantan in pai ngawl tu hi. Kum sawmli sung tua ngam ah kuama teang ngawl tu hi.

Ezekiel 33:28

Keima in tua ngam sia a kinusia ngamtongta ka suaksak tu a, a kiphatsak pui a vaangletna bo tu hi. Israel mualte sia dui thukpui suak tu a, kuama in khualhaw in kaantan thei ngawl tu hi.

Ezekiel 6:6

A biaknataute theampo le a milimte a kisukthap natu, a ngimnamtui halna biaknataute a kisaatthapsak natu le, a vawtsa uh theampo a bo cimit natu in Israel khuapite theampo kilalthamsak tu hi.

Hosea 4:3

Tua ahiciang a ngam kaanghko tu a, ngam sungah nuntakna nei theampo thi tu hi. Nganhingte, vacimte theampo le ngasate ngawngawn thi tu hi,” ci hi.

Joel 1:13

No, biaknatau ah naseam thiampite awng, khau-ip puan silhin kap vun! Biakinnpi sungah tumin, zankhuateak khuangai vun! Na Pathian na piak tu uh antang, ahibuale sapittui om ngawl hi.

Joel 1:19

Topa awng, nang kong ausan hi, banghang ziam cile mei ii halthap bang keakin nganthana le thingkungte kongaw hi.

Amos 5:1

Israel mite awng, note atu in hi mithi vuina la kong sak sia ngai vun:

Amos 5:16

Tua ahikom Vaanglianpipa Topa Vaanglianbelpa in, “Khuapi lampite ah heena, kaana le tauna om tu hi. Lotho mite ngawngawn zongh a khuangaipui tu in a kicialte taw ma in mithi kaa tu kisam khawm tu hi.

Micah 2:4

Tua hun a tun ciang, mite in no sia tuasiatna huvau sonteena in hong nei tu hi, noma thuakna teng khuangai la in na sa tu uh hi: Eite ih lalcip dikdek zo hi! Topa in ih ngam ih lei la zo a, tuaciang ei hong mante tungah tuasia kipia zo hi,” ci tu uh hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.