Jeremiah 9:1 - Syin Chin Bible

¹ Ka lu sia tuikhuk hi hen a, ka mitte thitui ii naak khat hi le uuk ing, tua hi thong le a kithatlum ka mite atu in a sun a zanin ka kap zo tu hi.

Jeremiah 9:1 Iomraidhean Croise

Psalm Late 119:136

Mihingte in na thukham hong zui ngawl hu in ka thitui ngun bangin luang hi.

Psalm Late 42:3

“Na Pathian koi sungah om na ziam?” ci in ka ngalte ii hong dok hunsung bup, sun taw zan taw kapin ka thitui bek an in ka nei hi.

Psalm Late 55:7

A khualana ah ka leang tu a, duisung ah ka teang tu hi.

Isaiah 16:9

Tu in Jazer atu ka kaa bangma in tu in Sibmah ii sapitkungte atu in ka kap hi. Mihingte lungdamsak natu in anlaak poai om ngawl ahikom Heshbon le Elealeh atu in ka thitui taak hi.

Isaiah 22:4

Ka mihing a thite theampo atu in nasia tak ka kaa thei natu in, tu in keima nguak hong nusia ta'n. Hong heeneam heak in.

Jeremiah 13:17

Ka thu nong ngai bua uh le na kiphatsak na uh hangin ka kap ku tu a; thitui luangin nasia takin ka kap tu hi, banghang ziam cile Topa ii mite sia ngalmatte bangin kipaipui zo hi.

Jeremiah 14:17

Topa in ka khuangaina thute mipite tungah hi bangin son tu in kei hong sawl hi: “Sun zong zan zong ka thitui luang tahen, tawp hun nei ngawlin kap ka tong, banghang ziam cile ka mite nasia tatakin kiliamsak a, na sa uh hi.

Jeremiah 3:10

Hi bang teng zawkciang Israel ii a thumaan ngawl, a suapuinu Judah in ka kungah heak kik tu in hong kinei theam bek a; a thin tatak taw hi ngawl hi. Topa, keima in ka son zo hi,” hong ci hi.

Jeremiah 4:19

Na hi! A na ka thuak zo bua hi! Ka lungtang! Ka lungtuk ngam vasat hi! Thim khipkhep in ka ommuang thei bua hi; lemle aw le ngal simna aw ka za hi.

Jeremiah 5:7

Topa in, “Ka mite ii mawnate banghangin maisak tu khi ziam? Amate in kei hong nusia in pathian tatak ahi ngawlte bia zo uh hi. ka mite sia a ngilva dong ka vaak a, ahihang amate in palngul khialna vawtin pumpi kizuakte taw a hun zangh uh hi.

Jeremiah 6:26

Topa in a mite tungah, “Khuangai in, Khau-ip puan silhin vut sungah kilumliik vun. Tapa khat a nei sun sia in a thi san hu in thitui luang in kap vun, banghang ziam cile no hong susia tu hong pai pa in thakhat thu in hong sim tu hi.

Jeremiah 8:18

Ka khuangaina kidamsak thei ngawl hi; ka thin na mama hi.

Jeremiah 9:18

Mi honpi in, “Ih mittangte thitui taw a kidim mateng le, ih mitkhute kaana taw a kawt mateng amate hong manlang in, mithi vui la ei hong sak natu son vun,” ci uh hi.

Kaa late 2:11

Ka ka kaana in ka mitte paat zo a, ka thin na mama hi. Ka mite lalna hangin hee in ka tha zawm ngawp hi. Patangnote le nausente khuapi lampite ah butthi uh hi.

Ezekiel 22:12

Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa Topa in son zo hi.

Hosea 7:4

Amate a vekpi thutuum ngawlin citakna nei ngawl uh hi. Anluum em pa in anvui thau in, a em thei hun mateng anluum emna mei sawk ngawlin a mei a khep bangin a ki etsatna iip phot hi.