Jeremiah 8:9 - Syin Chin Bible

⁹ Na mipilte uh mai zumin om hi; amate lungmangin a ci a law he ngawl uh hi. Amate in ka kammalte nial zo hi; tu in amate in bang pilna nei uh ziam?

Jeremiah 8:9 Iomraidhean Croise

2 Kumpite 17:15

Ama ii hilnate nit tu nial hi, a taanghpupite taw thuciamna a vawtte zongh keam ngawl uh a, kidop natu a piakte zongh thu in sim ngawl uh hi. Amate in a mannung ngawl milimte bia uh a, amate mama zongh a mannung ngawl suak uh hi, amate in a kiim a paam ah mite ii ngeinate zui uh a, Topa ii zui heak vun ci in a thupiakna sia ni ngawl uh hi.

Job 5:12

Ama in mihing kukalte ii ngealnate lumleesak a, miciimte zongh a tup a sawmnate sung ma ah thaangsia hi, tuabangin amate ii sepna bangma a taangtung ngawl tu in vawt hi;

Psalm Late 19:7

Topa thukham sia cialcing a; thahatna thak a pia hi. Topa thupiaknate sia muan thamman a, a kitaangsamhte atu in ciimna pia hi.

Isaiah 19:11

Zoan khua lampuite sia mi mawmawte ahi uh hi! Egypt mipil belte in a mawmawthuai ngaisutna pia uh hi! Amate in taanghlai mipilte le kumpite zalaih tu ka hi uh hi ci in bangbangin kumpipa tungah son ngam ziam?

Isaiah 29:14

Tua ahiciang keima in amate muanmawk khol ngawlin a kiitakhuai tuasiatna, khat zawkciang khat ka tungsak tu a, lamdang ka sasak tu hi. Mihing ciimte a mawmaw suakin, a pilna theampo sia kimanna nei ngawl tu hi,” ci hi.

Isaiah 43:27

Na taanghpupi masa belpa uh maw hi; na lampuite ka tungah hong khial hi,

Isaiah 8:20

Amate tungah, “Topa in no hong hilna thute ngai vun! Thaa sam theite thu ngai heak vun — amate hong son thute ngimna taw hong kipealsak thei ngawl tu hi,” ci in zo vun.

Jeremiah 15:6

No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 19:7

Hi munah Judah le Jerusalem mite ii ngealnate theampo ka khak tu hi. A ngalte in ka zosak tu a ngal kidona ah ka thatlumsak tu hi. A luangte sia vacimte le ngamsate ii an tu in ka pia tu hi.

Jeremiah 2:8

Thiampite in, ‘Topa koisung om ziam?’ ci in zongh dongh ngawl uh hi. Keima ii thiampite mama in kei hong he ngawl uh hi. Ngam ukte in kei hong langpan uh a; kamsaangte in Baal min suangin thuson uh a, tuaciang bangma kimanna a nei ngawl milimte bia uh hi.

Jeremiah 49:7

Vaanglianbelpa Topa in Edom te ii thu hi bangin son hi: “Edom mite in a thumaan a khen thei na sia bosua zo ziam? Ngaisutna a pia theite in a vawt tu bangin son thei nawn ngawl ziam? A pilna theampo bosua zo ziam?

Jeremiah 6:15

Hi a kiihuai nate a vawt uh hu in amate a maizum ziam? Hi ngawl hi, maizum dek ngawl a; maizum natu zia zongh he ngawl uh hi. Tua ahiciang midangte ii puk bangma in amate puk tu uh hi; amate daan ka piak ciang, amate bona hi tu hi. Keima Topa in ka son zo hi,” hong ci hi.

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Ezekiel 7:26

Tuasiatna khat zawkciang khat hong kizui tu a, thusia lasia zongh piangin tui bang hong luang tu hi. A mu kholnate hong pualaak natu in kamsaangte tungah na ngen tu uh hi. Thiampite in mite a hil tu bangma nei ngawl tu uh a, tuaciang upate in ngaisutna a piak tu nei ngawl tu uh hi.

Amos 2:4

Topa in, “Judah mite maw kikik khial kikik ahiciang amate daan ka pia tatak tu hi. Amate in ka hilnate thusim ngawl a ka thupiakte zui ngawl uh hi. A taanghpupi ii biak a maan ngawl pathiante ma in amate lam pialsak hi.

Zechariah 13:4

Tua hun hong thet ciang kamsaang kuama in a mukholna hu in kiphasak ngawl tu a, kamsaang khat bangin ngamta ngawlin, kamsaangte puan hampuite ngualtheam natu in silh ngawl tu hi.

Thuhil kikna 4:6

Thumaan takin zui vun, tua hile hisia in minam dangte tungah, na ciimna uh lak tu hi. Hi thukhamte theampo a zaak uh ciang, amate in, ‘Hi minam liante sia bangza in ciim a thu he zen ziam?’ ci tu uh hi.

2 Timothy 3:15

Jesus Christ ih upna tungtawnin ngupna thu sungah hong lampui ciimna hong pia thei Lai Thiangtho sia na no ciang a, na heaksa thu ahi hunlam ciamtee ta'n.