Jeremiah 8:6 - Syin Chin Bible

⁶ Pha tak ma in ka ngai hi, ahihang thumaan na son bua uh hi. Na seksolna uh hu in khat zongh na khuangai bua uh hi; ‘Bang khialna vawt ka na khi ziam’ ci in khat zongh in na dongh bua uh hi. Siphu khat ngal sim tu a nawtai bangin, a kuama theampo a uuk bang po ngamta tan uh hi.

Jeremiah 8:6 Iomraidhean Croise

Job 10:2

Hong puavawk heak in Pathian awng. Kei nong mawsakna a bang hi thong ziam? Hong son ta'n!

Job 34:31

Job awng, na mawnate Pathian tungah pualaak zo ni ziam, tuaciang na maw kik ngawl natu in kamciam pia zo ni ziam?

Job 34:32

Na khialnate hong lak natu in Pathian tungah ngen zo ni ziam? siatna vawt a kheal tu in na thukim zo ziam?

Psalm Late 14:2

Mihing khat po a ciim a om ziam, ama a bia khat po a om ziam ci in, Topa in vantung panin mihingte ensuk hi.

Isaiah 30:18

Tuabang hi napi note hong hesuak tu in Topa in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. Topa tungah muanna a nei te in mi lungdamte ahi hi.

Isaiah 57:17

Amate ii mawna le duhopna hu in amate tungah ka thin uuk hi, tua hu in amate daan pia in ka nusia hi. Ahihang amate a thin uh pui in a ngamtat ngei bangin ngamta veve uh hi.

Isaiah 59:16

Zawthawk vawtna a thuak mite a hu tu in mihing khat beak zong om ngawl a mu ciang Topa in lamdang sa hi. Tua ahikom amate suatak tu le ngalzawna nga natu in ama in a vaangletna zangh tu hi.

Jeremiah 23:25

Amate mang sungah ka thupuakte hong pia zo hi ci a keima min suangin leilot thu a son kamsaangte ii thusonte ka he hi.

Jeremiah 3:5

Kei tungah nong thin uuk tawntung buatu a; kei tungah na thin nong ngam tawntung buatu hi’ nong ci hi. Israel awng, tua in nangma ci hi a, ahihang a sia na vawt thei theampo na vawt hi” ci hi.

Jeremiah 5:1

Jerusalem mite awng, na lamdungte zui in tai vun! Na kiim na paam khuadakin en vun! Noma tatak ma na mu vun. Vanh zuakna munte zong vun! A maan a ngamta le Pathian tungah thumaan tu a hanciam mihing khat na mu thei uh ziam? Na mu thei uh ahile Topa in Jerusalem ii mawna maisak tu hi.

Ezekiel 18:28

Ama in a sep le a vawtte phawkin mawna a vawt sia kheal ahikom ama thi ngawl het in nungta tan lai tu hi.

Ezekiel 22:30

Keima in ka thin uukna taw ka suksiat ciang kulh a vawt zo tu, kulh a cipna munah ding a, amate ngam a hu zo tu khat ka zong hi, ahizong kuama ka mu zo bua hi.

Daniel 9:11

Israel mite theampo in na thukhamte paltan in na son thute ngai nuam ngawl uh hi. Nang tungah kong maw uh hi, tua hu in na naseampa Moses ii thukham sungah a ki at haamsiatnate ko tungah nong tungsak hi.

Micah 7:2

Ngam sungah thumaan mihing khat zongh taang ngawl a, Pathian tungah kuama thumaan ngawl hi. A kuama po in ngual a thalup thei natu hunpha ngak hi. A kuama po in a mipuite savai bangin vai hi.

Zephaniah 3:7

Ka ngaisutna ah tuasia ciang ka mite in kei hong thasia tu a, tuaciang ka tek nate hong saang tu hi, ka hilnate mangil ngeingawl tu hi ci in ka tuat hi. Ahihang hai ngawlin a ngamtat siat ngei ma in, a sia ngamta veve uh hi.

Haggai 1:5

No tungah bang thupiang cisia mu ngawl nu ziam?

Haggai 1:7

Hisia a pian theina thu he ngawl nu ziam?

Malachi 3:16

Tuasia ciang Topa a kiitate khat le khat kipaupui hi, tuaciang Topa in amate son teng ngai in za hi. Ama mai ma ah Topa a kiitate le a zaktate tepteena sia laibu khat sungah ki at hi.

2 Peter 3:9

Mihing pawlkhatte ngaisut bang hi ngawlin, a kamciamte a tunsak natu in, Topa haisaang ngawl hi. Ama, no tungah a thinsau hizaw hi, banghang ziam cile ama in, kuama lalcipsak nuam ngawl a, a mawna uh pan kisiiksak siat nuam hi.

Thupualaakna 9:20

Hi ngimna liante ii thalup mong a taanglai mihingte in amate khut taw a vawttawm uh nate panin a kikheal kik nuam bua uh hi. Doai biakna tawp ngawlin, khamh, ngunn, taau, suang le thing milim khuamu thei ngawl, khuaza thei ngawl, lampai thei ngawlte a biak uh zongh a kheal bua uh hi.