Jeremiah 8:5 - Syin Chin Bible

⁵ Tua ahile, ka mite awng, banghang kei kung pan puapial in hong heak kik nawn ngawl nu ziam? Na milimte uh ma len lingleng in hong heak kik nuam ngawl nu hi.

Jeremiah 8:5 Iomraidhean Croise

Paunakte 4:13

Na sinsate a tawntungin ciamtee in. Na sin pilna sia na nuntakna ahi hi — pha takin keamcing in.

Isaiah 1:20

Ahihang kei nong langpan uh le note thi tu nu hi. Keima, Topa in ka son zo hi,” ci hi.

Isaiah 30:10

Amate in kamsaangte a thim khipkhep natu in sawl uh hi. Amate in, “A maan sia bang ziam ci in ko hong son heak vun. Koma zaak nopte bek hong son tavun. A maan bua zong koma ii om ngei bangin hong omsak tavun.

Isaiah 44:20

Ama sia vut ne te taw kibang lel hi. Ama ii mawmawt ngaisut nate in lamkhialsak zo a ama sia kihu zo nawn ngawl hi. A khut sungah a toai milim sia pathian hi vet ngawl hi, ama in ci nuam ngawl tu hi.

Jeremiah 14:7

Ka mite in kei hong oksan in, ‘Ka mawnate uh in ko maw hong suan ahitazong, Topa awng, nong kamciamsa bangma in kote hong hu ta'n. Kote in nang kung pan tamvei ma ka puapial zo uh a; nang tungah kong maw zo uh hi.

Jeremiah 2:32

Ngaknu khat in a kizepna suang manphate, ahibuale mothak khat in a mopuante mangil thei ziam? Ahihang ka mite in a kisim zo ngawl ni tam mama sung hong mangil zo uh hi.

Jeremiah 3:5

Kei tungah nong thin uuk tawntung buatu a; kei tungah na thin nong ngam tawntung buatu hi’ nong ci hi. Israel awng, tua in nangma ci hi a, ahihang a sia na vawt thei theampo na vawt hi” ci hi.

Jeremiah 5:27

Savaipa khat in a bawm dimteak vacim a khum bangin amate ii a sutol vanhte taw a inn dimh zo uh hi. Tua ahikom amate sia thahat in hau a,

Jeremiah 5:3

Topa in thumaanna zong takpi hi. Ama in no hong saat hi, ahihang no in phamaw na sa bua uh hi; ama in no hong hualcip hi, ahihang thuhilna na ngai tuan bua uh hi. Na thin uh pui in na mawnate uh panin na kikheal bua uh hi.

Jeremiah 5:6

Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.

Jeremiah 6:17

Tuaciang kidop natu lemle aw ngai tu in Topa in ngalvilte koi hi. Ahihang amate in, “Ngai ngawl tu khu hi!” ci uh hi.

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Daniel 9:11

Israel mite theampo in na thukhamte paltan in na son thute ngai nuam ngawl uh hi. Nang tungah kong maw uh hi, tua hu in na naseampa Moses ii thukham sungah a ki at haamsiatnate ko tungah nong tungsak hi.

Hosea 11:5

“Kei kungah hong heak kik nuam ngawl ahiciang, Egypt ma ah a heak kik uh kul tu a; tuaciang Assyria te in amate uk tu hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Hosea 13:2

Mihing ngaisutna le mihing khut taw a suai ngunn milimte — thik milimte a biak tu in a vawtna taw amate maw thua seseam uh hi. Tuasia zawk ciang amate in, “Tuate tungah sangaw biakpiakna pia vun!” ci hi. Bangbangin akua in tua milimte — khuital lim a, a kivawtte — namh thei tu ziam!

Hosea 4:16

Israel mite sia laate bangin thinpui hi. Bangbangin amate lopa hingna sungah tuuno bangin taasak thei tu khi ziam?

Zechariah 7:11

“Ahihang ka minamte thinpui in hong nangai ngawl uh hi. Amate in a thinsung kongkhate khakin,

John 5:40

Tua hi napi nuntakna na nga natu in kei kungah nong pai nuam bua uh hi.

1 Thessalonica te 5:21

Na theampo na sittel vun: a pha teng na keam tavun,

Hebrew te 12:25

Tua ahikomin kidawm vun a, a sonpa sia ngai nuam ngawlin, nial heak vun. Pathian thu leitung ah a son pa nadon ngawl a, a nialte a suakta bua hi. Vantung pan hong sonpa na thusim buale bangbang suakta thei seseam tu hi ziam!

Thupualaakna 2:25

Ahihang kong pai mateng na neisate uh kip takin na kep uh kul tu hi.