Jeremiah 8:2 - Syin Chin Bible

² A ngute khawmtua a, kiphumsak tu ci thada, lei ah eak vawk bangin pheang om tu hi. Tuate sia a it le a na a sepsak, thu a dok le a biak uh ahi ni, tha le aksite mai ah kipheangpha tu hi.

Jeremiah 8:2 Iomraidhean Croise

2 Kumpite 17:16

Topa a Pathian ii thukham theampo amate in paltan uh a, amate in thik taw a kivawt khuital nii ii lim a biak tu in vawt uh hi; amate in Asherah numeipathian ii milim zongh vawt a, aksite bia in, Baal pathian ii naseam uh hi.

2 Kumpite 21:3

A pa Hezekiah ii a suksiatcip sa doai biate ii biakpiakna munte ama in sa kik hi; Israel kumpipa Ahab ii vawt bang keak ma in ama in Baal biak natu biaknataute sa in, Asherah numeipathian ii milim vawt hi. Manasseh in aksite zongh bia hi.

2 Kumpite 21:5

Biakinnpi ii leitualte nii sungah aksite a biak natu biaknatau te vawt hi.

2 Kumpite 23:5

Ama in Judah khuapite le Jerusalem nai ah a om sangaw biakpiakna le doai sepna taute tungah a seam Judah kumpi masa te ii kipsak thiampite — Baal tung a sangaw biakpiakna a pia, ni, tha, solh le aksi te biakna ah a seam thiampi theampo heamkhia hi.

Psalm Late 53:5

Ahihang amate in nidangin a thuak ngeingawl uh launa nasia thuak tu uh hi, banghang ziam cile Pathian in a mite ii ngalte ii ngute sia thethaang tu hi. Pathian in amate nial zo ahikom, Israel in amate zothal siat tu hi.

Psalm Late 83:10

Endor ah nangma in amate na zothal a, amate luang lei ah a muat uh hi.

Psalm Late 83:11

“Pathian neisa leitang theampo eima atu in la tawng” a ci Oreb le Zeeb tungah na vawt bangin amate lampuite tungah vawt in; Zebah le Zalmunna te na zaw thal bangma in amate a ukte theampo zo thal in.

Thuhilsya 6:3

Mihing khat in ta zakhat nei in, a khansau kale, bang tanvei po a nungta zong, ama ii tel tu lungdam na a nga bua a, a thi ciang pha tak a kiphum buale, nausen a thisa in a suak sia phazaw lai hi, ka ci hi.

Jeremiah 14:16

Amate ii hi thute a sonna mihingte, hi bangma in kithatlum tu hi. A luangte sia Jerusalem khua lampi tungah kilawn thal tu a, a phum tu kuama om ngawl tu hi. Hi thu sia amate a vekpi — a zite, a tapate le a tanute theampo tung zongh ah tung tu hi. Amate ii seksolna thaman amate in ka thuaksak tu hi.”

Jeremiah 16:11

Tuasia ciang Topa ii hi bangin a ci sia amate tungah va son ta'n hong ci hi, ‘Na taanghpupite in kei kung pan puapial a ngamdang pathiante bia in a na seam uh hi. Amate in kei hong nusia a ka hil thute ni ngawl uh hi.

Jeremiah 16:4

Amate a lauhuai natnate taw in thi tu uh hi, kuama in amate kaa ngawl tu, phum ngawl tu hi. Amate ii luangte lei ah eaklei bangin kithu tu hi. Amate sia ngal sungah kithat tu a, ahibuale ngilkial pukthi in thi tu hi, a luangte sia vacimte le ngamsate ii an hi tu hi.

Jeremiah 16:6

Hi ngam ah a hau le a zawngte thi tu uh a, kuama in amate phum ngawlin, kaa ngawl tu hi. A khuangaina a lak natu in kuama in ama le ama nam taw ki at ngawl tu a, a sam uh meet ngawl tu hi.

Jeremiah 19:13

Jerusalem khua a innte, Judah kumpite ii innte, a tatakin ci leang inn theampo ii khuvumte tung pan aksite atu ngimnamtui hal biakna a kipiakna innte le pathian dangte tungah biakpiakna sapittui a kibuakna munte — tua teng theampo Topheth bangza ma in a nin suak siat tu uh hi,” a ci sia amate tungah son tu in keima hong sawl hi.

Jeremiah 22:19

Laa khat a thi ciang a kiphum bangin ama luang kikaikeak in Jerusalem ii kongpite pua sangah kivawk tu hi.”

Jeremiah 25:33

Tua ni in Topa ii thalup sa mithi luangte sia leimong khat panin leimong khat ah kithethaang in om tu hi. Kuama in amate kaa ngawl tu a, a luangte phaam in phum ngawl tu hi. Amate sia ninthuk kiseng bangin lei tungah kiseng tu hi.

Jeremiah 31:40

Mithi phumna le ninteak vawkna leikuam buppi le Kidron lui tungsia ah lote theampo, nisuana sang Siphu Kongpi ciang dong, keima a tu in mun thiangtho hi tu hi. Khuapi sia kipheltham, kisusia kik ngei nawn ngawl tu hi,” ci hi.

Jeremiah 36:30

Tua ahikom Topa Keima in tu in nang Jehoiakim kumpipa tungah David ii kumpi ngam sia na suan na paalte kuama in uk ngeingawl tu hi kong ci hi. Na luang sia sunin nisa, zanin daaitui thuak tu in kivawk tu hi.

Jeremiah 9:20

Keima in, “Topa thu ngai vun, no numeite awng, a kammalte nadon vun. Na tanute sia kaa tu dan hil vun a, na lawmte sia mithi vuina lasak zia hil vun.

Jeremiah 9:21

Thina sia ih khelkite tawnin hong pai a, ih kumpi inn sung hong tum hi; Thina in lampite ah patangte le sumbukte ah tangvalte vaatlum hi.

Jeremiah 9:22

Mithi luangte sia, lo sungah eak vuum bang, anlate in taang at a, a nusiat bangin, kuama ii laak ngawl ankung bangin, mun theampo ah kithethaang kawkoai hi. Hi thu son tu a Topa ii kei hong sawl ahi hi,” ka ci hi.

Ezekiel 29:5

Sennealngam sungah tua ngasa theampo taw kong vawk khawm tu hi. Na luang sia lei ah kisial tu a, kiphum ngawlin kinusia tu hi. Vacimte le nganhingte an tu in na luang ka pia tu hi.

Ezekiel 39:5

Amate lozau sungah thi tu uh hi. Keima, Vaanglianpipa Topa ka pau zo hi.

Ezekiel 6:5

Israel mite ii mithi luangte ka thethaang tu hi; amate ii ngu le taangte biaknatau kiim theampo ah ka thethaang tu hi.

Ezekiel 8:16

Tua ahikom ama in Biakinnpi suum, a sungnung ah hong paipui hi. Tua mun thiangtho tumna nai, biaknatau le kongzin kilaklaw ah pasal kul le nga khawng a om hi. Amate in biakmun thiangtho sia nungngat in, nisuana sang nga in kunsuk a, nisuak sia bia uh hi.

Zephaniah 1:17

Topa in, “Mihingte tungah tuabang tuasiatna ka tungsak tu a, a vekpi in mittawte bangin lei a zawt tu uh hi. Amate in kei tungah hong maw zo ahikom tu in a chisan uh tui bang in luang tu a, a mithi luangte lei ah kisial in a muat tu hi,” ci hi.

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Sawltakte 7:42

Tua ahikom Pathian in amate nungngat in, kamsaangte laibu sungah, a om bangma in, van a aksite bia tu in thazau hi: ‘Israel mite awng! Kum sawmli tawntung sennealngam sungah, sa na ngo uh a, nganhing taw biakpiakna, na vawt uhte sia, kei tungah hong vawt na hi bua uh hi.

Thuhil kikna 17:3

Topa tungah maw in a thuciamna palsat in, Topa thupiak a langpan ahi hi,

Thuhil kikna 4:19

Note in van ah na mu — ni, tha le aksi te bia tu in hong kitheam thaak ngawl natu uh kidawm tavun. Hite sia Topa na Pathian in midangte theampo tungah a biak tu in pia zo hi.