Jeremiah 8:13 - Syin Chin Bible

¹³ “Anlapa in a lo an a kaikhop bangma in, keima in ka mite ka kaikhawm nuam hi; ahihang amate sia a nga nga ngawl sapitkung khat bang, a nga nga ngawl theikung khat bang ahi hi; a teete ngawngawn vul zo hi. Tua ahikom, hi ngam a la tu in a puasang mite thu ka pia zo hi.”

Jeremiah 8:13 Iomraidhean Croise

Isaiah 5:10

Sapitkung hectare sawm ciinna leitang in sapittui litre liat bekma piangsak tu hi. Anci litre za le sawm liat in vaimim litre sawm le liat bek piangsak tu hi,” a ci ka za zo hi.

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 14:15

Keima, Topa in ka sawl ngawl bulin ka min suangin hi ngam ah ngal kidona le kial tung ngawl tu hi ci a, a son kamsaangte tungah bang law tu khi ziam ci sia no tungah kong son hi — ngal kidona le kialpi taw amate ka thatlum tu hi.

Jeremiah 17:8

Amate sia luihui ah a po luitui sungah zung a tha thingkungte bang ahi hi. A teete hing tan ahikom khuakhaal nisat hun hong thet ciang phamaw sa tuan ngawl hi; ngua a zu bua hial zonghin amate in thinngim tuan ngawl hi; a nga nga tan hi;

Jeremiah 5:17

Amate in na ankungte le na an uhte hong khawnsak tu uh a; na tapate le na tanute thatlum tu uh hi. Amate in na tuu le na khuihonte ngo tu uh a, na sapitkungte le na thei kungte susia tu uh hi. Na muan mama uh kulh taw a ki uum khuapite a ngalkapte in susia tu uh hi.

Jeremiah 7:20

Tua ahikom Vaanglianpipa Topa keima in, hi Biakinnpi tungah ka thin uuk mama na sia ka buak tu hi. Mihingte le nganhingte, tuaciang thingkungte le ankungte tung ngawngawn zongh ah a kibangin ka thin uuk tu hi. Ka thin uukna sia kuama sukmit thei ngawl meikuang bang hi tu hi.

Ezekiel 22:31

Amate ii ngamtatna teng hu in ka thin uukna meikuang bangin a tungah ka thaa tu a, ka lalcipsak tu hi,” ci hi. Vaanglianpipa Topa in son zo hi.

Hosea 2:12

A pumpi a kipiak ciang, a lawmpate ii saapna in hong piak hi a ci sapitkungte le theikungte ka siasak tu hi. Ama ii sapithuante le a thingnga huante duipui ka suaksak tu a; ngamsate in susia tu hi.

Joel 1:7

Amate in ih sapitkungte susia zo a, ih theikungte khimtham zo hi. Amate in thingbaakte a kaang dongin a haw khok keak hi.

Thiampite 26:20

Hanciam in na nasepna theampo a luithawthong hi tu hi, banghang ziam cile na leitang pan an piang ngawl tu a, thingnote a nga nga ngawl tu hi.

Habakkuk 3:17

Theikungte nga ngawl a, sapitkungte a nga bua zong, olive kungte nga ngawl a, lote sungah an a piang bua zong, tuute thi siat a, khuibukte a hawm zong,

Haggai 1:11

Keima in leitang tung — a mualte, anciinna lote, sapithuante, olive ciinnate tung — lei pan a piang an namcin tung, mihingte le ngannote tung, na ciin sa theampo tungah nguatui kong hangsak hi,” ci hi.

Haggai 2:17

Na ciin sa na theampo lalsak tu in vuisa le ngialtang kong puak hi, ahizong na kisiik kik tuan bualai uh hi.

Malachi 3:11

Lungnote in na lo ante a lalsak buatu a, na sapitkungte sapitnga taw kidimsak tu khi hi.

Matthew 21:19

Ama in lamhui ah theikung khat mu in vil a, ahihang a tee simngawl bangma a mu bua hi. Tua ahikom thingkung tungah, “Nang sia nga kik thei nawn ngawl tu ni hi!” ci hi. Thakhat thu in theikung kongaw cip paih hi.

James 1:11

Ni hong suak a, nisa in a kung hal a; a paak pulin a hoina teng siacipsak hi. Tuasia bangma in mihaupa sia a nasepna ah, a sep laitakin kisusia tu hi.