Jeremiah 8:11 - Syin Chin Bible

¹¹ Ka mite ii liammate sia a vuntham bak bang bek, amate in sua uh hi. Pha siat ngawl napi amate in ‘Pha siat hi!’ ci uh hi.

Jeremiah 8:11 Iomraidhean Croise

1 Kumpite 22:13

Tua laitakin Micaiah sam tu in a pai ulian pa in, “Kamsaang dangte theampo in kumpipa zawna tu bebek son zo hi, nang zongh tuabang ma son hamtang lete pha tu hi,” ci hi.

1 Kumpite 22:6

Tua ahikom Ahab in kamsaangte 400 bang samin, “Kei pai in Ramoth sim tu khi ziam maw, sim ngawl tu khi ziam?” ci in dongh hi. Amate in, “Sim in, Topa in zawna hong pia tu hi,” ci in zo hi.

Jeremiah 14:13

Tuaciang keima in, “Vaanglianpipa Topa awng, kamsaangte ii hi ngam ah ngal kidona ahibuale kialpi tunna om ngawl tu hi, banghang ziam cile nangma in ih ngam sungah kilemna bek om tu in hong kamciam ci in mipite tungah a son sia na he hi,” ka ci hi.

Jeremiah 23:17

Ka ci bang hong ngai nuam ngawl mihingte tungah na theampo amate atu in pha tu zam ci tan lai uh hi. Amate in mihing thinpui khat sim tungah tua siatna in ama thutha ngeingawl tu hi ci in son uh hi,” a ci hi.

Jeremiah 6:14

Ka mite ii liamna mate sia a vuntham bak bang bekin amate in ngaisun uh hi. Pha siat ngawl napi, ‘Pha siat hi,’ ci uh hi.

Jeremiah 8:15

Kilemna le ciidamna hun khat ih lamen hi, ahihang bangma kimanna om ngawl a; launa hong theng zaw pumsai hi.

Kaa late 2:14

Na kamsaangte in leilot thu ngawl po nang tungah son tu nei ngawl hi. Na mawna a pholaak ngeingawl amate thuhilna taw nang hong theam ahi hi. Amate in na kisii kik tu a kul ngawl tu dongin hong ngaisunsak hi.

Ezekiel 13:22

Ka liamsak nop ngawl mihing phate, na leilotna taw thinkiamsak nu hi. Mihing ngilote a siatna nusia in, a nuntakna uh a kihut natu pan na khaktan uh hi.

Micah 2:11

“Hi mihingte ahile, ‘Sapittui le zu no atu in hong luang tu hi ci in kamsaanna kong son hi’ ci in leilot thu bebek sonin a vak, ngualtheam kamsaang namte, dei uh hi.

1 Thessalonica te 5:3

Mihingte in, “Na theampo thim khipkhep hi, lungmuanna om hi,” a ci laitakin thakhat thu in, siatna sia amate tungah hong theng vat tu hi! Nau a suak tu numei khat sia nautun a, a nat bangin thakhatin hong pai tu hi, tuaciang mihingte a suakta buatu uh hi.