Jeremiah 8:10 - Syin Chin Bible

¹⁰ Tua ahikom a lote sia ngual lo nei thak te ka pia tu a, a zite sia pasal dangte ka pia tu hi. A lian a no a vekpi in thumaan ngawlin sum vawt sawm uh hi. Kamsaangte le thiampite ngawngawn ngualtheam uh hi.

Jeremiah 8:10 Iomraidhean Croise

Job 31:10

tuasia ciang ka zi in pasal dang khat ii an huansak tahen a, pasal dang khat ii lupna ah lum tahen.

Isaiah 28:7

Kamsaangte le thiampite ngawngawn zu kham in hoi vatut uh hi. Sapittui le zuhang tam ne lei ahikom amate lungmangin lutu uh hi. Kamsaangte zukham lei ahikom Pathian ii a musak khol thute tel zo ngawl uh a, thiampite zongh zukham lei ahikom amate kungah a kipuak thute khensat thei ngawl uh hi.

Isaiah 57:17

Amate ii mawna le duhopna hu in amate tungah ka thin uuk hi, tua hu in amate daan pia in ka nusia hi. Ahihang amate a thin uh pui in a ngamtat ngei bangin ngamta veve uh hi.

Jeremiah 14:14

Ahihang Topa in, “Tua kamsaangte sia keima min suangin leilot thu son uh hi; amate ka sawl bua a, amate tungah thupiak ka nei bua hi, amate kam khat beak zongh ka paupui bua hi. Amate ii a son mukholna sia kei kung pan hi ngawl hi; mailam thu piang tu a sonkhol thute sia amate ngaisut tawm, kimanna a nei ngawl thu ahi hi.

Jeremiah 14:18

Lote sungah ka pai ciangin, ngal kisimna a, a kithat mithi luangte ka mu hi; khuate sungah ka pai ciangin a pukthi mite ka mu hi. Kamsaangte le thiampite in amate ii nasep tek seam uh ahihang, amate in bang seam ci zongh he meal ngawl uh hi.”

Jeremiah 17:11

Thu maan ngawl a sum nga pa sia ama ii tuui ngawlbul tuui dang a op vacim khat taw kibang hi. A khan tungto laitak ma in a haunate taan tu a, ama sia a tawpna ah bangma ahi ngawl a mawmaw khat suak tu hi.

Jeremiah 22:17

Ahihang nang sia nangma kaangsung tu bek na mu thei hi; a mawbaang ngawlte na thatlum a na mite nasia takin na zawthawk vawt hi. Topa in ci zo hi.

Jeremiah 32:32

banghang ziam cile Judah mite le Jerusalem khua mite in a kumpite le a lampuite, a thiampite le a kamsaangte uh taw a sia a vawt uh hang ahi hi.

Jeremiah 38:22

Tua ka mukholna ah Judah kumpi inn sungah a kinusia numeite theampo Babylon kumpipa ii uliante kungah a kipaipui ka mu hi. Amate a pai kawmin, a thusonte ngai vun: ‘Kumpipa ii lawm phabelte in ama lampui khial a, amate in ama zothaw hi. Tuaciang tu in ama peangte buan sungah tumsuk zo a, a lawmte in ama nusia zo uh hi,’ ci uh hi.” ka ci hi.

Jeremiah 42:1

Tua zawkciang ngalkap lampuite theampo, Kareah ii tapa Johanan le Heshaiah ii tapa Azariah le mihonte a lian a no ka kungah hong pai uh a,

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Kaa late 4:13

Ahihang hisia thu piang hi, banghang ziam cile a kamsaangte maw a, a thiampite in mawnei ngawl mihingte a a thisak uh hang ahi hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Amos 5:11

A zawngte na nengniam uh a, a antangte na suttol uh hi. Tua hu in noma saksa suanginn phate sungah na teang buatu uh a, noma ciin sapithuan hoite pan sapittui na ne buatu uh hi.

Micah 2:4

Tua hun a tun ciang, mite in no sia tuasiatna huvau sonteena in hong nei tu hi, noma thuakna teng khuangai la in na sa tu uh hi: Eite ih lalcip dikdek zo hi! Topa in ih ngam ih lei la zo a, tuaciang ei hong mante tungah tuasia kipia zo hi,” ci tu uh hi.

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Micah 3:5

Sum a pia zote tungah kilemna om tu hi ci in kamciam pia a, ahihang a pia zo ngawlte tungah ngal om tu hi ci in a tawng kamsaangte ii theamna sia ka mite in thuak hi. Hi kamsaangte tungah Topa in,

Habakkuk 1:6

Tua a kiitakhuai a om thong thei ngawl Babylon te tungah vaangletna ka pia tu hi. Amate in ngamdangte a zawthal natu in leitung theampo ah kuan tu hi.

Zephaniah 1:13

Amate nei le lamh kisuttol in, a innte kisusia tu hi. Amate in a sak tu innte sungah teang ngeingawl tu a, a ciin tu sapitkungte pan sapittui ne ngeingawl tu uh hi,” ci hi.

Titus 1:11

Maizum maw in sum nga nopna bek taw, a kilawm ngawl thute a hilna uh taw, innkuan bubup buaisak ahikom, a thuson ih khaktan kul tu hi.

Titus 1:7

Banghang ziam cile Pawlpi lampui khat sia Pathian ii nasepna a uk ahikom, ama sia paubanna nei ngawl tu hi. A ma sia a kihisak, a thintom, zukham thei, a ngoltol, ahibuale sum lamsang a duhop hi ngawl tu hi.