Jeremiah 7:9 - Syin Chin Bible

⁹ Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Jeremiah 7:9 Iomraidhean Croise

1 Kumpite 18:21

Elijah in mite kungah paito in, “Na thin uh na khensat natu in bang tanvei hai lai tu nu ziam? Topa sia Pathian ahile ama bia vun; ahihang Baal sia Pathian ahile bia vun!” ci hi. Ahihang mite in kam khat zongh pau ngawl uh hi.

Pusuana 20:3

“Keima simngawl pathian dang bia heak vun.

Isaiah 1:13

Nong paipui uh biakpiaknate kimanna nei ngawl hi. Na hal uh paaknamtui ngim ka kii hi. Thadet Poaite, Sabbath nite le biakna kikhopnate ka thuak zo bua hi; tuate a vekpi in na mawnate uh in ninsak siat hi.

Isaiah 58:2

Amate in ka pai ziate heak tu le ka thukhamte zui tu sia ka lawp uh ci in ni simin kei hong bia uh hi. Amate in kei hong biak sia nuamsa a, tuaciang a maan thukhamte ka piasak nuam uh hi ci hi,” ci in son hi.

Jeremiah 1:16

Keima in ka mite daan ka pia tu hi, banghang ziam cile amate in mawna khialna vawt zo uh hi; amate in kei hong nusia zo uh a, pathian dangte tungah biakpiakna pia in, milim vawtin bia uh hi.

Jeremiah 11:13

Judah mite in a khuapi a nei zaza ma milim pathian tam mama nei uh a, Jerusalem khua ah a teang mite in khuapi sungah om lampite za ma in a kiihuai Baal pathian biaknatau tam mama vawt uh hi.

Jeremiah 11:17

“Keima, Vaanglianbelpa Topa in Israel le Judah ka phut hi; ahihang tu in kong tuasiasak tu hi ci in ka tawng hi. Hi siatna sia amate tungah amate ma in a tungsak ahi hi, banghang ziam cile amate in khialna vawt uh hi; Baal tungah biakpiakna a piak hu in amate in kei hong thin uuksak hi,” ci hi.

Jeremiah 13:10

Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi.

Jeremiah 18:15

Ahihang ka mite in kei hong mangil zo uh a; milimte kungah ngimnamtui hal uh hi. A tot natu lampi ah lutu zo a, lamluite zui nawn ngawl hi; a kisial ngawl lamzinte tawn uh hi.

Jeremiah 19:4

Hi bangin ka vawt tu hi, banghang ziam cile mihingte in kei hong nusia zo uh a, hi mun sia pathian dangte biakpiakna taw in ninsak zo uh hi — tua pathiante sia amate, a taanghpupite, Judah kumpite ii a thu a heak ngeingawl pathiante ahi uh hi. Amate in hi mun sia a mawbaang ngawl mihingte ii chi taw kidimsak uh hi,

Jeremiah 32:29

mei taw hal tu uh hi. Kei hong thin uuksak a innkhum tung a Baal atu ngimnamtui a halna le a dang pathian te atu sapittui sungsukin a biakpiakna mun ahi innte haltum tu hi.

Jeremiah 44:3

banghang ziam cile tua khua mite in a sia vawtin ka thin hong uksak uh hi. Amate ahizong noma na hi uh zong, na taanghpupite ahizong ii biak ngeingawl pathian dangte tungah amate in biakpiakna pia in a na seam uh hi.

Jeremiah 44:8

A teang tu in na thetna uh hi Egypt ngamah, na milim biakna le a dang pathiante tungah na biakpiakna uh taw in banghangin kei hong thin uuksak nu ziam? Leitung minam theampo in no hong nunau natu le kihaamsiatna in na min a zak natu in noma le noma na kisiatsak natu bekin hisia vawt nu ziam?

Jeremiah 44:9

Judah ngam khuate sung le Jerusalem khua lampi tungah na taanghpupite, Judah kumpite le a zite, noma le na zite ii a sia theampo na vawt uh sia mangil zo nu ziam?

Jeremiah 48:35

Moab mite sia a biakna munte ah meihal biakpiaknate le a pathiante tungah a sangaw biakpiaknate a piak ngawl natu in ka khaktan tu hi. Keima, Topa in ka ci zo hi.

Jeremiah 5:2

Topa ka bia tu uh hi na ci uh hangin, na thin tatak uh taw na ci uh hi ngawl hi.

Jeremiah 5:7

Topa in, “Ka mite ii mawnate banghangin maisak tu khi ziam? Amate in kei hong nusia in pathian tatak ahi ngawlte bia zo uh hi. ka mite sia a ngilva dong ka vaak a, ahihang amate in palngul khialna vawtin pumpi kizuakte taw a hun zangh uh hi.

Jeremiah 7:6

Noma phattuam natu in ngamdangmite, tangate le meingongte zothaw nawn heak vun. Hi ngam sungah a mawbaang ngawl mite that nawn heak vun. Pathian dangte bia nawn heak vun, banghang ziam cile tua in noma hong lalsak tu hi.

Ezekiel 18:18

A pa ahile ngualtheam in, suttol a, mihing theampo tungah siatna vawt tawntung hi. Tua ahikom ama mama ii vawt mawnate hu in thi hi.

Ezekiel 20:30

Tu in Israel mite munah Vaanglianpipa Topa keima ci teng son in: banghangin na taanghpupite mawna vawt teng ma vawt hamtang in a milimte ma dedel tu nu ziam?

Ezekiel 23:39

Ka tate milim biakpiakna in a thalup ni mama in ka Biakinnpi ah hong pai in ninsak uh hi!

Ezekiel 5:11

“Tua ahikom keima in a nungta Pathian ka hi bangma in — hisia in Vaanglianpipa Topa ii kammal hi — nangma in ka Biakinnpi sia, a sia le a kiihuai ngamtatnate theampo taw ninsak na hikomin, hong hesuak ngawlin kong saatvawk tu hi.

Hosea 2:13

Baal tungah ngimnamtui khat a hal ciang le a suangmanpha kizepnate taw kizeamin a lawmpate a del hun lai a kei hong makngil hu in ama daan ka pia tu hi. Topa in son zo hi.

Hosea 6:9

Thiampite sia mihing khat suam nuamin a pang phalak honkhat taw kibang hi. A thiangtho mun Shechem paina lampi tung ngawngawn ah amate in mihing that uh hi. Tuaciang amate in hi siatna theampo vawt kaltang uh hi!

Amos 4:5

Paisuak vun a, Pathian tungah lungdamkona in na anluumte pia vun a, na piak thua uh biakpiaknate tungtaang ah kisuangtaak vun! Hisia in na sep thanop uhte nam ahi hi.

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Romete 2:2

Pathian in hi bang a ngamtate tungah thu a khen ciangin thutang taw thukhen hi ci in ka he uh hi.

Thuhil kikna 32:17

Amate in pathian tatak ahi ngawl pathiante, a taanghpupite ii a heak ngawl pathian thakte Israel te ii a thu a nit ngeingawl pathiante tungah sangaw biakpiakna vawt uh hi;

Thupualaakna 21:8

Ahihang a lauthauh, ngual leeheakte, zummawk seamte le ngual thatte, a paktatte, bum le ai toaite, milim biate, le a leilot thei theampo — a om natu sia niivei thina ahi meili le kaan sia ahi hi,” hong ci hi.

Thupualaakna 22:15

Ahihang lampialte, bum le ai toaite, a paktatte, mihing thatte, milim biate, leilot kampauna le ngamtatna taw ngualtheam theite khuapi puasia ah om tu uh hi.

Thukhente 5:8

Tuaciang ngam sungah ngal hong om hi Israel te in pathian thakte hong teal uh ciang ahi hi. Israel ngam a om pasal tul sawmli sungah, lum ahibuale tei toai akua om ziam?