Jeremiah 7:8 - Syin Chin Bible

⁸ “En vun, leilot thute um nu hi.

Jeremiah 7:8 Iomraidhean Croise

Isaiah 28:15

Note in, thina taw thuciamna khat ka vawt zo uh a, mithi khua taw thukimna khat ka nei zo uh hi, ci in na kisuangtaak uh hi. Siatna hong pai ciang, hong pial tu hi ci in na kimuang uh hi, banghang ziam cile no hong huu tu in theamna le leilot thute na suang uh hi.

Isaiah 30:10

Amate in kamsaangte a thim khipkhep natu in sawl uh hi. Amate in, “A maan sia bang ziam ci in ko hong son heak vun. Koma zaak nopte bek hong son tavun. A maan bua zong koma ii om ngei bangin hong omsak tavun.

Isaiah 59:4

Thukhenzum ah na kaa uh hangin note sang pan thumaanna na nei bua uh hi. Thu na zaw natu in leilot thu na suang uh hi. Ngualdang nat natu na tup uh bang na seam uh hi.

Jeremiah 13:25

Tusia note ii thuak tu ma ahi hi, ama in ci hi. Hisia sia noma taw kisai in ama ii a vawt tu a, a khensat sa hi, banghang ziam cile noma in ama na mangil zo uh a, pathian maan ngawlte na muang zo uh hi.

Jeremiah 23:26

Tua kamsaangte in amate phuatawm leilot thute taw ka mite bang tanvei lam khialsak tu uh ziam?

Jeremiah 23:32

Keima, Topa ii ka ci sia ngai vun! Leilot thu nguaktang ahi amate ii mangte a son kamsaangte ka langpan hi. Amate in hi mangte sonin a leilotnate le a kisaktheina uh taw in ka mite lam khialpui uh hi. Amate ka paisak bua a, thu zongh ka pia bua hi, mihingte atu in amate kimanna nei vet ngawl hi. Keima Topa in ka son zo hi,” ci hi.

Jeremiah 28:15

Tua zawkciang Hananiah tungah hi thu ka son zawkciang, “Ngai in, Hananiah awng! Nang sia Topa ii hong sawl na hi bua hi. Hi mite leilot thu na umsak hi.

Jeremiah 4:10

Tuasia ciang keima in, “Vaanglianpipa Topa awng, Jerusalem mite theam vawk zo ni hi! Kilemna om tu hi ci zo ni hi, ahihang amate ii longtawl ah namsau khat na tuuk nginge hi,” ka ci hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Jeremiah 7:4

‘Ei ngammuang zo hing! Hisia Topa ii Biakinnpi ahi hi, hisia Topa ii Biakinnpi ahi hi, hisia Topa ii Biakinnpi ahi hi!’ a ci tua theamna kammalte um nawn heak vun.

Jeremiah 8:10

Tua ahikom a lote sia ngual lo nei thak te ka pia tu a, a zite sia pasal dangte ka pia tu hi. A lian a no a vekpi in thumaan ngawlin sum vawt sawm uh hi. Kamsaangte le thiampite ngawngawn ngualtheam uh hi.