Jeremiah 7:6 - Syin Chin Bible

⁶ Noma phattuam natu in ngamdangmite, tangate le meingongte zothaw nawn heak vun. Hi ngam sungah a mawbaang ngawl mite that nawn heak vun. Pathian dangte bia nawn heak vun, banghang ziam cile tua in noma hong lalsak tu hi.

Jeremiah 7:6 Iomraidhean Croise

2 Kumpite 21:6

A tapa sia meihal biakpiakna in pia hi. Ama in aisaan le mitbumna zangh in, tuaciang aisaan theite le thaa sam theite kungah thu veu dongh hi. Ama in Topa tungah nasia takin maw a, a thin uukna piangsak hi.

2 Kumpite 24:4

tuaciang, a tuan in mawnei ngawlte theampo zongh a thalup hu ahi hi. Topa in Manasseh ii tuabang ahikom in maisak zo ngawl hi.

Psalm Late 106:38

Amate in tua mawnei ngawl patangno numeinote thatlum uh a, tua kithalupnate in ngam ninsak hi.

Paunakte 23:10

Bangma hunin ngisuang luite na khiin ngei heak vun, ahibuale tangate neisa leitang na sut heak vun.

Isaiah 59:7

A sia vawt tu na tum tawntung uh a, tuasia vawt tu kaal na ngakla thei uh hi. Khialna mawna nei ngawl mite thalup tu na haisaang ngei bua uh hi. Na paina pawpo uh a sia a lalin na nusia uh a,

Jeremiah 13:10

Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi.

Jeremiah 19:4

Hi bangin ka vawt tu hi, banghang ziam cile mihingte in kei hong nusia zo uh a, hi mun sia pathian dangte biakpiakna taw in ninsak zo uh hi — tua pathiante sia amate, a taanghpupite, Judah kumpite ii a thu a heak ngeingawl pathiante ahi uh hi. Amate in hi mun sia a mawbaang ngawl mihingte ii chi taw kidimsak uh hi,

Jeremiah 2:30

Keima in no, daan kong pia hi, ahihang bangma phatuam ngawl hi; keima ii no kong puua tu nuam ngawl nu hi. Tawpi kitom khat bangin, na kamsaangte uh na thatlum zo uh hi.

Jeremiah 2:34

Na puante uh sia inn phuulte ii chisan baang ngawlin, mizawngte le mawna nei ngawlte ii chisan baang hi. “Ahihang, hi bang teng hi napi,

Jeremiah 26:15

Ahihang hi thu telcian vun: kei nong that uh le noma le hi khuapi sung mihingte sia a mawbaang ngawl mihing khat that a mawnei na tang tu uh hi, banghang ziam cile hi kidop natu thu, no tungah son tu in hong sawl pa sia Topa ahi hi,” ka ci hi.

Jeremiah 26:23

Amate in Uriah sia Jehoiakim kumpipa kungah puak kik uh hi. Kumpipa in Uriah thatlumsak in a luang sia nautaang kiphumna thaan sungah vawk hi.)

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 5:28

ankhamin thau uh hi. Amate in ngitlona lam ah ciangtan nei ngawl uh hi. Amate in tangate ii a nga tu a kilawmte pia ngawl, ahibuale a kinengcip te tungah thukhaikimna lak ngawl uh hi.

Jeremiah 7:5

“Na nuntakzia uh kheal vun a, na sep na vawt uhte tawlnga vun. Khat le khat a pha in kivawt vun.

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Kaa late 4:13

Ahihang hisia thu piang hi, banghang ziam cile a kamsaangte maw a, a thiampite in mawnei ngawl mihingte a a thisak uh hang ahi hi.

Ezekiel 18:6

Ama in Israel te ii milimte bia ngawl hi, ahibuale a kikhaam biakna munte ah a kipia sate ne ngawl hi. Ama in ngualdang khat ii zi sia zolsak ngawl hi, ahibuale numei khat a nin nei laitak ompui ngawl hi.

Ezekiel 22:7

Khuapi sungah om no mihingte in na nu na pa te na zakta bua uh hi. Ngamdangmite na theam uh a, meingongte le tangate tung pan hamphatna na zong uh hi.

Thiampite 19:33

“Noma ngam sungah hong teang ngamdangmite vawtsia heak vun.

Thiampite 25:17

Israel na mipuite theam heak in a, Topa na Pathian ii thu ni in.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Matthew 27:25

“ama ii thina hangin thuak tu a om babang koma le ka suan ka paalte tungah hong tu tahen!” ci in mipi bup in zo hi.

Matthew 27:4

“Mihing mawna nei ngawl khat a thi tu in, leeheak ka hikom ka maw zo hi!” ci hi. Amate in, “Tua thu ko taw bang kisai nawn ziam? Tua thu sia nangma taw kisai bek hi!” ci in zo kik uh hi.

Thuhil kikna 11:28

ahizong Topa na Pathian thupiakte zui ngawlin na biak ngeingawl pathian dangte na bia uh le haamsiatna khat ahi hi.

Thuhil kikna 24:17

“Ngamdangmite le tangate ii a nga tu te khaktan heak vun a; meingong nu ii puansilh sia leiba khapna in la heak vun.

Thuhil kikna 27:19

“ ‘Ngamdangmite, tangate le meingong nupite ii nga tute a khaktan pawpo tungah Pathian haamsiatna tung tahen.’ “Tuasia ciang mipi theampo in, ‘Amen!’ ci in zo tu uh hi.

Thuhil kikna 8:19

Topa na Pathian mangil heak vun, pathian dangte bia in a na seam heak vun. Tuabang na hi uh le note hong kithatlum nanak tu a hina thu tuni in kidop natu kong hil hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.