Jeremiah 7:4 - Syin Chin Bible

⁴ ‘Ei ngammuang zo hing! Hisia Topa ii Biakinnpi ahi hi, hisia Topa ii Biakinnpi ahi hi, hisia Topa ii Biakinnpi ahi hi!’ a ci tua theamna kammalte um nawn heak vun.

Jeremiah 7:4 Iomraidhean Croise

1 Kumpite 9:7

tuasia ciang ka Israel mite sia ka piaksa ngam panin ka heam tu hi. Kei hong kibiak natu in ka koituam sa, hi Biakinnpi zongh ka nusia tu hi. Mun theampo pan mihingte in Israel sia nunau tu a, simmaw tu hi.

Isaiah 48:2

Tuaciang a thiangtho khuapi ah a teang mite ka hi uh a, Israel te ii Pathian ahi Vaanglianbelpa Topa a suangte ka hi uh hi ci in, na kiphasak lalai uh hi.

Isaiah 59:4

Thukhenzum ah na kaa uh hangin note sang pan thumaanna na nei bua uh hi. Thu na zaw natu in leilot thu na suang uh hi. Ngualdang nat natu na tup uh bang na seam uh hi.

Isaiah 66:1

Topa in, “Vantung sia ka tokhum hi a, leitung sia ka peang ngakna ahi hi. Tua ahiciang a koibang inn sa tu a, a koibang mun sia ka teen natu mun ahi ziam?

Jeremiah 28:15

Tua zawkciang Hananiah tungah hi thu ka son zawkciang, “Ngai in, Hananiah awng! Nang sia Topa ii hong sawl na hi bua hi. Hi mite leilot thu na umsak hi.

Jeremiah 29:23

Hi bangin a thuak tu uh ma ahi hi, banghang ziam cile amate in a lauhuai mawna khialnate — palngul mawna vawtin Topa ii min suangin leilot thute son uh hi. Hi thu sia Topa ii dei ngawl ahi hi; ama in amate ii vawt theampo he a, ama sia a langpan tetti khat ahi hi. Topa in ci zo hi,” ci in ki at hi.

Jeremiah 29:31

Shemaiah ii thu taw kisai in Babylon ah thongtaakte theampo tungah hi thu puak in ci in kei hong sawl hi: “Keima, Topa in, Shemaiah le a suan a paalte theampo daan ka pia tu hi. Ama in ka sawl ngawl bulin kamsaang khat bangin no tungah thu hong son in leilot thute no hong umsak uh hi. Ama in no sungah suan le paal nei ngawl tu hi. Ama sia ka mite atu in a pha ka vawt tu nate a mu tu in nungta ngawl tu hi, banghang ziam cile ka mite ii hong langpan natu in ama in sawl hi. Keima, Topa in ka ci zo hi.”

Jeremiah 6:14

Ka mite ii liamna mate sia a vuntham bak bang bekin amate in ngaisun uh hi. Pha siat ngawl napi, ‘Pha siat hi,’ ci uh hi.

Jeremiah 7:14

Tua ahikom, Shiloh tungah ka vawt bangin note ii muan, hi keima ii Biakinnpi tungah ka vawt tu hi. Na taanghpupite uh le noma kong piaksa hi mun tungah Shiloh tungah ka vawt bang keak ma in ka vawt tu hi.

Ezekiel 13:19

Mangtaang tang tawm le anluum tawm na nga natu in, ka mite mai ah hong maimawlsak nu hi. Thi tu a, a kilawm ngawl mihingte na thatlum uh a, nungta tu a kilawm ngawl mihingte na nungtasak uh hi. Tua ahikomin, ka mite tungah leilot thu na son uh a, amate in no hong um uh hi.”

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Zephaniah 3:11

Tua hun ciang, kei nong langpan huvau in no ka mite in na maizum tu kul nawn ngawl tu uh hi. A kiphasak le a kisathei theampo ka heam tu a, ka mual thiangtho tungah kei nong do kik ngei nawn buatu uh hi.

Luke 3:8

Na mawna uh pan na kisiik kikna uh kilanghsak vun. Tuaciangin Abraham sia kote ii taanghpupi hi ci in, noma tetek sungah na kici tuan heak vun. Kei kong cina pan, Pathian in suangtum hite zongh la in, Abraham suan le paal in vawt thei hi!