Jeremiah 7:23 - Syin Chin Bible

²³ Ahihang keima in amate ii Pathian ka hi natu le amate sia keima ii mite ahi natu in ka thu a nit natu thu ka piak ma ahi hi. Tuaciang ka thupiak bangin a nuntak thei natu in amate tungah ka son hi, tua hile amate a maivang tu uh hi.

Jeremiah 7:23 Iomraidhean Croise

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Thuhil kikna 5:33

Na laak tu ngam sungah na teen suak thei natu le na nopsak tawntung thei natu in tuate theampo zui tavun.

Jeremiah 42:6

Koma dik ka sa a dik ka sa bua uh zong ama ii tungah thungetsak tu in kong sawl uh Topa, ih Pathian ii thu ka ni tu uh hi. Ama ii thu ka ni uhle ka mai uh vangin pha tu hi,” hong ci uh hi.

Hebrew te 5:9

Ama sia a cingtaak a kisuasak zawkciang, ama thu a ni theampo atu in, tawntung ngupna ii naak a suak hi.

Thuhil kikna 6:3

Israel mihingte awng, tuate ngai in zui vun! Tuasia ciang na ma uh vang tu a, ih taanghpupite Topa Pathian ii hong kamciamsa bangin a thahat minam lian na suak tu uh a, tua ngamnuam le lei phana munah na teang tu uh hi.

Thuhil kikna 30:20

Topa na Pathian it vun, a thu ni vun, ama tungah thumaan vun, tuasia ciang, na taanghpupite ahi Abraham, Isaac, le Jacob tungah piak tu a, a kamciamna ngam sungah noma le na suan na paalte khansau in na nungta tu uh hi,” ci hi.

Thuhil kikna 13:4

Topa zui in zatak vawt vun; a thu ni in a thupiakte zui vun. Ama bia in, a tungah thumaan vun.

Jeremiah 11:4

Hi thuciamna sia pummei lingh taw a kibang Egypt ngam pan amate ka paipui lai in, a taanghpupite taw ka vawt uh thuciamna ahi hi. Ka thu hong nit natu le ka thupiak theampo vawt tu in amate ka son hi. Ka thu hong ni uh le, amate sia ka mite hi tu uh a keima in amate ii Pathian ka hi tu hi ci in amate ka son hi.

Thuhil kikna 5:29

Amate in hi bangin phawk tawntung thong le pha hi! Amate le a suan a paalte, a ma vangin a daupai thei tawntung natu in, keima hong zakta tawntungin ka thupiak theampo hong zui pole pha hi.

2 Corinth te 10:5

Pathian thu heak natu hong nokkhaksak thei kiphatsakna teng ka sumit uh hi; ngaisutna a minpiang sia man in ka khumcip uh a, Christ ii thu ka nisak uh hi.

Thuhil kikna 30:2

Note le na suan na paalte in Topa kungah heak kikin, tuni a kong piak ama thupiakte na thin theampo taw na zui uh le,

Jeremiah 11:7

A taanghpupite Egypt ngam pan ka paipui lai in, ka thu hong nit natu in amate nasia takin ka hil a, tuni dong ma a kidop natu in ka hihil lai hi.

Thuhil kikna 30:8

tuni in kong piak ama thupiakte theampo na keamcing tu uh a, ama thu na ni kik tu uh hi.

Romete 16:26

Tu in ahile kamsaangte lai atna sung panin tua thumaan thutak sia a kilanghtakna ah kikoi zo hi; tuaciangin a nungta tawntung Pathian sawlna taw minam theampo in um a, a nit thei natu in amate tungah kihesak zo hi.

Thuhil kikna 4:10

Sinai mual ah Topa na Pathian ii mai ah noma dingin na om uh ni in hong kison thu hi a, ama in kei tungah, ‘Mipite ka kungah hong khawm tavun. Leitung ah a nuntak laiteng in amate in kei thu hong nit thei natu, a tate tung zongh ah tuabang ma in a hilsawn thei natu in, amate ka son tu te za le ka oai hi,’ ci in hong son thu ahi hi.

Jeremiah 31:33

Israel mite taw ka vawt tu thuciamna thak sia hi bang hi tu hi: amate sung sangah ka thukham ka koi tu a, a lungtang tungah tuate ka at tu hi. Keima in amate ii Pathian ka hi tu a, amate sia ka mite ahi tu uh hi.

Thuhil kikna 11:27

Tuni in kong piak Topa na Pathian thupiakte na zui uh le thupha khat hi a,

Thuhil kikna 5:16

“ ‘Keima Topa na Pathian ii kong thupiak bangin na nu le na pa zakta vun, tua hile na ma vang tu a, kong piak natu ngam ah khuangei mama na nungta tu uh hi.

Pusuana 16:32

Moses in, “Ama ii Egypt pan eite hong paipui ciangin sennealngam ah eite neak tu hong piak an sia ih suan ih paalte in a mu thei natu in manna pawlkhat amate atu na keam tuam tu uh hi, ci in Topa in thu hong pia hi,” ci hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.

Psalm Late 40:6

Sangaw biakpiakna le piakkhiatnate na dei bua hi; biaknatau tungah nganhing pumhal tu nong ngen bua hi, tua ahibuale zong mawnate laak keak natu in sangaw biaknate nong ngen bua hi. Tuate taangin na aw ka zaak thei natu in bil nong pia hi,

Psalm Late 81:13

Ka mite in ka pau hong ngai hen a, ka thu hong ni le ka oai mama hi!

Isaiah 3:10

Thumaan thutang mihingte lungdam tu uh a, amate atu in a pha hong piang tu hi. Amate a sepna bang zui in nuamsa thei tu uh hi.

Jeremiah 13:11

Ngoaipuan tomte in kawng ah a belh cinten bangma in Israel le Judah mite theampo in keima hong bel cinten tu ka dei hi. Hi bang a ka vawtna in amate sia ka mi a sua thei natu, hong pok thei in ka min a pataak thei natu ka deina ahi hi; ahihang amate in ka thu hong ni ngawl uh hi,” ci hi.

Jeremiah 22:3

Topa in, “Keima, Topa in thumaan le thutang na vawt vun ci in no thu kong pia hi. Theamna a thuak pa sia a theam pa ii khut sung panin dal vun. Ngamdangmite, tangate ahibuale meingongte vawtsia heak vun; hi a thiangtho munah a mawbaang ngawl mihingte that heak vun.

Jeremiah 24:7

Keima Topa ka hi hunlam heak nopna thin ka pia tu hi. Tuasia ciang amate sia ka mite hi tu a, keima in a Pathian ka hi tu hi, banghang ziam cile amate in a thin theampo taw ka kung hong zuan kik tu uh hi.

Jeremiah 38:20

Keima in, “Nang sia amate khut sungah hong ki aap ngawl tu hi. Topa ii thupuak sia na nit natu in hesuak kong ngen hi; tua hile na theampo nang atu in pha tu a, na nuntakna hong kikhoaikhe tu hi.

Zephaniah 3:2

Tua sia in Topa thu ngai ngawl a, a kiteknate zongh saang ngawl hi. Topa muang ngawlin, huna zongh ngen ngawl hi.

Zechariah 6:15

A khuala ah a teang mite hong pai tu a, Topa Biakinnpi sakkikna ah hong hu tu hi. A sakkik sia a man ciang, Vaanglianbelpa Topa in kei sia nang kungah hong paisak hunlam na he tu hi. Topa na Pathian hong thupiak teng na zui le hi thu teng theampo hong piang tu hi.

Zechariah 7:7

Hi thu in Jerusalem khangto a, mihing taw a kidim hun lai, mihing tam mamate tua khuapi kiim a om khuate sung bek ah teang ngawlin thangsang ngamkhen le nitumna sang mualpeang te zongh ah a teen hun lai pekin kamsaang masate tungtawn a, Topa ii sonsa ahi hi.

Thuhil kikna 4:40

Tuni in kong piaksa ama thukhamte theampo zui tavun, tua hile nangma le na suan na paalte theampo na nuamsa tu uh hi. Topa na Pathian ii a tawntung na lua tu in hong piakna ngam ah na teang top tu uh hi,” ci hi.

Thuhil kikna 13:5

Ahizong na saltanna Egypt pan hong suatak Topa langpan tu in hong sawl mangkhia theite ahibuale kamsaangte peuma thatlum vun. Tua bang mite sia misia hi a, noma nuntak natu a Topa ii hong thupiak nuntakna sia pan hong pialpui nuam hi. Hi siatna taw na kipeal natu in amate thalup kul tu hi.

Job 36:11

Amate in Pathian thu ni in ama atu na a seam uh le a khan tawntung thinnuam in nuamsa tu uh hi.

Psalm Late 119:3

Amate in ngamtat khial a nei ngei bua uh hi; Topa lampi a tawn uh hi.

Jeremiah 22:21

Na nopsak uh laitakin Topa in no hong paupui hi, ahihang na ngai bua uh hi. Na nuntak uh sung theampo tuabang vive hi nu hi; Topa thu na ni ngei bua uh hi.

Jeremiah 32:23

Ahihang amate in hi ngam hong theng a, ngam a nei uh ciangin na thupiak ni ngawl a, na thuhilna bangin ngamta ngawl uh hi; vawt tu a na thupiakte bang mama vawt ngawl uh hi. Tuasia hu in hi suksiatna theampo amate tungah na thengsak hi.