Jeremiah 7:21 - Syin Chin Bible

²¹ “Ka mite awng, biakpiakna pawlkhat sia biaknatau tungah haltumin, pawlkhat sia ne thei nu hi. Ahihang Topa keima in, a vekpi ma zong ne thei nu hi kong ci hi.

Jeremiah 7:21 Iomraidhean Croise

Psalm Late 50:8

Na sangaw biakpiaknate hu le nong piak tawntung uh meihal biakpiaknate hu in kong mawsak bua hi.

Isaiah 43:23

Nangma in tuu taw na meihal biakpiaknate kei kungah nong paipui bua hi; na biakpiakna taw kei nong zatak vawt bua hi. Biakpiaknate ngenin vanhngit kong suan bua a, ngimnamtui ngenin, thinngim kong pia bua hi.

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 6:20

Amate ii kei atu Sheba ngam panin ngimnamtui hong puak sia, ahibuale ngam khuala pan hel namtui hong puakte bangma ka awlmawk bua hi. Amate ii hong piakte ka saang buatu hi, ahibuale a biakpiaknate taw lungkim ngawl tu khi hi.

Ezekiel 33:25

“Keima, Vaanglianpipa Topa ii ci teng amate son in: A chi thai ngawl lai sa na ne uh hi. Milimte na bia uh hi. Mihing na that uh hi. Hi leitang sia koma neisa hi ci in, bang in hong ngaisunsak ziam?

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Thuhil kikna 12:27

Topa biaknatau tungah a kihaltum tu in sangaw biakpiaknate tua munah pia vun. A sa na neak tu uh sangaw biakpiakna zongh biaknatau tungah pia vun a, biaknatau tungah a chi sung vun.