Jeremiah 7:18 - Syin Chin Bible

¹⁸ Patangte in thing tomin, pasalte in meithut a, numeite in Vantung Kumpi nu a ci uh numeipathian atu in moh beang, moh em in om uh hi. Ka thin nat natu in, amate in pathian dangte tungah biakpiakna in sapittui buak si uh hi.

Jeremiah 7:18 Iomraidhean Croise

Jeremiah 19:13

Jerusalem khua a innte, Judah kumpite ii innte, a tatakin ci leang inn theampo ii khuvumte tung pan aksite atu ngimnamtui hal biakna a kipiakna innte le pathian dangte tungah biakpiakna sapittui a kibuakna munte — tua teng theampo Topheth bangza ma in a nin suak siat tu uh hi,” a ci sia amate tungah son tu in keima hong sawl hi.

1 Corinth te 10:22

Tua ahibuale Topa sia a eang pa suaksak nuam ih hi ziam? Ama sangin eite hat zaw kisa ih hi ziam?

1 Kumpite 14:9

Nang in na mai a ngamukte sangin mawna lianzawte na vawt hi. Nang in kei nong nial a, tuaciang ka thin uuk natu in milimte vawtin thik milimte na biak tu in na vawt hi.

Jeremiah 32:29

mei taw hal tu uh hi. Kei hong thin uuksak a innkhum tung a Baal atu ngimnamtui a halna le a dang pathian te atu sapittui sungsukin a biakpiakna mun ahi innte haltum tu hi.

Jeremiah 25:7

Ahihang Topa ama mama in ka thu ngai nuam ngawl nu hi hong ci hi. Tuasia luangin, noma ii milimte taw ama thin uuksak a, daan hong piakna sia noma le noma ii kivawt ahi hi.

Jeremiah 11:17

“Keima, Vaanglianbelpa Topa in Israel le Judah ka phut hi; ahihang tu in kong tuasiasak tu hi ci in ka tawng hi. Hi siatna sia amate tungah amate ma in a tungsak ahi hi, banghang ziam cile amate in khialna vawt uh hi; Baal tungah biakpiakna a piak hu in amate in kei hong thin uuksak hi,” ci hi.

Isaiah 3:8

Hi peu hi, Jerusalem sia a lal tu hi zo hi! Judah sia a lalal hi zo hi! Amate kampau theampo le a sep a vawt theampo in Topa langpan hi; amate in Pathian mama sia a langh takin selno hi.

1 Kumpite 16:2

“Nang sia bangma ahi ngawl khat hi napi ka Israel mite lampui in hong koi khi hi. Tuaciang tu in nang zongh Jeroboam bangma in mawna na vawt a, ka mite mawna sungah lampui zo ni hi. Amate ii mawnate in kei hong thin uuksak hi,

Thuhil kikna 32:21

Amate in a milimte taw ka thin hong uuksak a, Pathian tatak a hi ngawlte amate ii pathian a ci uhte taw ka etsat natu hong vawt uh hi. Tua ahikom amate thin a uuksak tu in minam a kici thawthong khat ka zangh tu hi; a mawmaw minam khat in amate ka ensansak tu hi.

Thuhil kikna 32:16

A milim biakna Topa in ensan a; a pha ngawl a sepna in Topa thin uuksak hi.

Thuhil kikna 4:19

Note in van ah na mu — ni, tha le aksi te bia tu in hong kitheam thaak ngawl natu uh kidawm tavun. Hite sia Topa na Pathian in midangte theampo tungah a biak tu in pia zo hi.

Ezekiel 20:28

Ka piak tu a kamciam ka piaksa ngam ah ka paipui hi. Mualsaangte le thingkung hing te a mu uh ciang amate in tuate theampo tungah sangaw biakpiakna pia uh hi. A sangaw meihal biakpiakna le sapittui biakpiakna te in kei hong thin uuksak hi.

Isaiah 65:11

“Ahihang kei hong nusiate, ka mual thiangtho Zion a awlmawk ngawlte, kaam thu le kaam etna in a dok Gad le Meni pathiante a bia note atu in thutuam hi tu hi.

Isaiah 65:3

Amate maizum maw in ka thin hong uuksak tan lai hi. Huan thiangthote sungah amate in doai biakpiakna te vawtin doai biaknataute tungah ngimnamtui hal uh hi.

Isaiah 57:6

Tua mun panin suangnealte la in pathiante bangin na bia uh hi. Biakpiakna in amate tungah sapittui na buak uh a antang na puak uh hi. Hi bang teng theampo diksa tu in nong um uh ziam?

Psalm Late 16:4

Pathian dang a del mihingte in amate tungah ngimna tam mama tungsak hi. Amate ii sangaw biakpiakna sungah ka kihel buatu a, amate ii pathiante ka bia buatu hi.

Jeremiah 7:17

Amate in Judah ngam khuapite sung le Jerusalem khua lampite ah bang teng vawt ci sia mu ngawl ni ziam?

Jeremiah 17:2

Na mite sia numeipathian Asherah atu in ngamsung thingkung hing theampo ii kung, mualno dawnte

Kaa late 5:13

Koma ii tangvalte sia silate bangin zawthawk thu taw an ngoaisak uh a; patangnote sia a thing puak uh khopin hoi vatut uh hi.

Ezekiel 8:17

Topa in kei tungah, “A thithei mihing awng, tua sia na mu ziam? Hi Judah mite in hi sungah na mu a kiihuai a vawt thawthongte theampo le ngamsung theampo a, a kizel ngoltol ngamtatna teng taw a lung a kim bua uh hi. Tua teng bek dom ngawlin amate Biakinn sung mama ah hong pai hamtang in tuate hong seam a, ka thin hong uuksak seseam uh hi. En in amate in thuak zawk mama ngawl tu za dongin kei hong selno hi!

Ezekiel 16:26

A lan mama na innpaam Egypt te taw na lumkhawm a, na paktatna taw kei nong thin uuksak hi.

Jeremiah 1:16

Keima in ka mite daan ka pia tu hi, banghang ziam cile amate in mawna khialna vawt zo uh hi; amate in kei hong nusia zo uh a, pathian dangte tungah biakpiakna pia in, milim vawtin bia uh hi.

Jeremiah 44:4

Ka naseam kamsaangte note kungah tatsat ngawlin kong paisak a, amate in ka ngaimawk a lauhuai, hi na sia na vawt ngawl natu in note hong son uh hi.

Ezekiel 8:16

Tua ahikom ama in Biakinnpi suum, a sungnung ah hong paipui hi. Tua mun thiangtho tumna nai, biaknatau le kongzin kilaklaw ah pasal kul le nga khawng a om hi. Amate in biakmun thiangtho sia nungngat in, nisuana sang nga in kunsuk a, nisuak sia bia uh hi.