Jeremiah 7:13 - Syin Chin Bible

¹³ Hi mawna khialnate theampo na vawt siat zo uh a, kong papau kong hihil hangin nong ngai bua uh hi. Kong sam ciang nong zo nuam bua uh hi.

Jeremiah 7:13 Iomraidhean Croise

Paunakte 1:24

Hong sasam khi hi, hong pai tavun ci in hong thaw khi hi, ahihang hong ngai nuam ngawl nu hi. Kei sia hong nadon nuam ngawl nu hi.

Isaiah 50:2

“Ka mite hun tu kong pai ciang banghangin ka mite in hong awlmawk ngawl ziam? Ka sap ciang amate in banghang hong zo ngawl ziam? Amate a hun tu in keima thazawm lei ka hi ziam? A sungah a om ngasate tui kisamh in a thi natu sia ka thupiakna taw in tuipi tui ka kangsak thei a, ngunte sennealngam ka suaksak thei hi.

Isaiah 65:12

Note kong sap ciang nong zo bua uh a, kong paupui ciang hong ngai ngawl na hi uh komin, thi ngamh in na thi tu uh hi. Ka thu nit ngawl tu le a sia vawt tu na teal uh hi.

Isaiah 66:4

Tua ahikom amate tungah tuasiatna — amate ii kiitak tuasiatnate ma ka thengsak tu hi — banghang ziam cile ka sap ciangin kuama in hong zo ngawl a, ka pau ciangin kuama in hong ngai ngawl uh hi. Amate in ka thu nit ngawl tu le a sia vawt tu ma teal uh hi,” ci hi.

Jeremiah 11:7

A taanghpupite Egypt ngam pan ka paipui lai in, ka thu hong nit natu in amate nasia takin ka hil a, tuni dong ma a kidop natu in ka hihil lai hi.

Jeremiah 11:8

Ahihang amate in ka thu hong ngai ngawl, hong ni ngawl uh hi. A vekpi in a ngei ma ngei in a thin uh pui a, ngilo veve uh hi. Thuciamna a zui tu in thu ka pia zo hi, ahihang hong nial uh hi. Tua ahikom thuciamna sungah a om daan theampo amate tungah ka tungsak hi,” hong ci hi.

Jeremiah 13:10

Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi.

Jeremiah 13:11

Ngoaipuan tomte in kawng ah a belh cinten bangma in Israel le Judah mite theampo in keima hong bel cinten tu ka dei hi. Hi bang a ka vawtna in amate sia ka mi a sua thei natu, hong pok thei in ka min a pataak thei natu ka deina ahi hi; ahihang amate in ka thu hong ni ngawl uh hi,” ci hi.

Jeremiah 25:3

“Amon ii tapa Josiah sia Judah kumpi a sep kum sawm le kum thumna pan kipan tuni ciang dong ma, kum kul le kum thum sung, Topa in ka tungah thu hong son zo a, ama ii a sonte hong son ngawlin ka om ngei bua hi. Ahihang bangma na nadon bua uh hi.

Jeremiah 26:5

note kungah kong paisak nithi ka naseam kamsaangte ii kammalte na nadonna uh taw ahizong, ka thu nong nit tu kisamh hi, ci in hong son zo khi hi. Amate ii a sonte na ni ngei bua uh hi.

Jeremiah 29:19

Hi thu sia amate tungah tung tu hi, banghang ziam cile amate in ka naseam kamsaangte tungtawn a ka puak tawntung ahi ka thupuak sia a nit ngawl uh hang ahi hi. Amate in ngai nuam ngawl uh hi.

Jeremiah 32:33

Amate in kei hong nungngat uh a, ka hil tawntung hi napi hong ngai nuam ngawlin he nuam ngawl uh hi.

Jeremiah 35:14

Sapittui neak ngawl natu in Jonadab ii a thupiak sia, a tu a tate in zui a, tuni ciang dong kuama in ne ngawl hi. No tungah kong sawson hangin, ka thu nong ni bua uh hi.

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 35:17

Tua ahikom tu in, Keima, Vaanglianbelpa Topa, Israel ii Pathian in no, Judah mite le Jerusalem mite tungah ka kamciamsa suksiatna theampo kong tungsak tu hi. Hi bangin note kong vawt tu hi, banghang ziam cile thu kong son ciang nong ngai bua uh a, kong sam ciang nong zo bua uh hi,” a ci teng a son tu in kei hong sawl hi.

Jeremiah 44:23

Topa ii hong thupiakte theampo ni ngawlin ama tungah na maw uh hang le milim pathian dangte tungah biakpiakna na piak uh hu in hi bang tuasiatna no tungah hong theng hi,” ka ci hi.

Jeremiah 44:4

Ka naseam kamsaangte note kungah tatsat ngawlin kong paisak a, amate in ka ngaimawk a lauhuai, hi na sia na vawt ngawl natu in note hong son uh hi.

Jeremiah 5:21

No, a ngaisun thei ngawl a nangh mi mawmawte, mit nei napi a mu thei ngawlte, bil nei napi a za thei ngawlte awng, ngai vun.

Jeremiah 6:10

Keima in, “Amate tungah kidop natu thu ka son hial zong akua in hong ngai nuam thong tu ziam? Amate a thinpui a, na thupuak ngai nuam ngawl uh hi; son tu a, nong sawlte amate nuiza bek hi.

Jeremiah 7:25

Na taanghpupite Egypt ngam pan a pusua ni pan kipan tuni ciang dong ka naseam kamsaangte kong puak tan viuveu hi.

Hosea 11:2

Ahihang ama ka sap a tam vaial ciang hong nungngat san vaial hi. Ka mite in Baal tungah sangaw biakpiakna pia hi; amate in milimte atu in ngimnamtui hal uh hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Hosea 9:17

A na ka sepsak Pathian in a mite nial tu hi, banghang ziam cile amate in a thu nangai ngawl uh hi. Amate sia minam tuatuamte kawmah a vakvaite suak tu uh hi.

Zechariah 7:13

Ka pau ciang hong ngai ngawl uh ahikom, thu hong nget uh ciang ka zo bua hi.

Matthew 23:37

“Jerusalem, Jerusalem awng! Nang in kamsaangte na thatlum a, Pathian kamtaite suangtum taw na hua hi. Akpui in aknote a thakhui nuai ah a uap bangin, bang tanvei na mihingte angvan nuam khi ziam? ahihang na oai bua hi!