Jeremiah 7:10 - Syin Chin Bible

¹⁰ Hi ka huasaakte na vawt uh a, tua zawkciang ka Biakinnpi sungah pai in, keima mai ah na ding uh a, ‘Ei ngammuang zo hing!’ na ci uh hi.

Jeremiah 7:10 Iomraidhean Croise

1 Kumpite 9:3

Topa in ama munah, “Na thungetna hong za zo khi hi. A tawntungin kei hong kibiak natu in na sak, hi Biakinnpi koituam khi hi. Ka encik tu a ka keamcing tawntung tu hi.

2 Kumpite 21:4

Ama in Topa ii ama a kibiak natu mun hi a ci Biakinnpi sungah doai sepna taute sa hi.

2 Khangtaanghthu 33:4

Topa ii ama a tawntungin a kibiak natu mun a cina Biakinnpi sungah ama in doai biaknataute vawt hi.

2 Khangtaanghthu 33:7

Ama in Topa Biakinnpi sungah milim khat koi a, tua mun in Pathian ii David le a tapa Solomon tungah, “Hi lai Jerusalem khua sung, hi Biakinnpi sung sia keima hong kibiak natu in, Israel minam sawm le niite ii ngamsung theampo panin ka tealna mun ahi hi.

Paunakte 15:8

Mihing phate thunget ciang Topa lungkim hi; ahihang mihing seksolte hong paipui sa ngaw biakpiaknate ensan hi.

Isaiah 48:2

Tuaciang a thiangtho khuapi ah a teang mite ka hi uh a, Israel te ii Pathian ahi Vaanglianbelpa Topa a suangte ka hi uh hi ci in, na kiphasak lalai uh hi.

Jeremiah 32:34

Kei hong biak natu a, a kisa Biakinnpi sungah amate in a kiihuai milimte ngawngawn koi a, ninsak zo uh hi.

Jeremiah 34:15

Tu nung hiat ma in na thin na kheal uh a, ka diksakte nong seam uh hi. Na vekpi ma in Israel na mipuite sia suataksak tu na thukim uh a, keima hong kibiakna Biakinnpi sung ka mai ah thuciamna khat na vawt uh hi.

Jeremiah 44:9

Judah ngam khuate sung le Jerusalem khua lampi tungah na taanghpupite, Judah kumpite le a zite, noma le na zite ii a sia theampo na vawt uh sia mangil zo nu ziam?

Jeremiah 7:11

Ka Biakinnpi sia misuamte, inn phuulte bukna in ngaisun nu ziam? Keima in na vawt uhte kong mu zo hi.

Jeremiah 7:14

Tua ahikom, Shiloh tungah ka vawt bangin note ii muan, hi keima ii Biakinnpi tungah ka vawt tu hi. Na taanghpupite uh le noma kong piaksa hi mun tungah Shiloh tungah ka vawt bang keak ma in ka vawt tu hi.

Jeremiah 7:30

“Judah mite in thusia khat vawt zo uh hi. Amate in ka huasaak a milimte ka Biakinnpi sungah koi in ka Biakinnpi ninsak uh hi.

Ezekiel 20:39

Vaanglianpipa Topa in, “Tu in no Israel mite awng, noma lungkim babangin om vun! Na milimte ma bia tan tavun. Ahihang kidawm tavun a, hisia zawkciang ka thu nong nit uh kul tu a, na milim biakpiaknate taw ka min thiangtho na daisak uh kheal tu nu hi.

Ezekiel 23:29

Tuaciang amate in nang hong ensan ahikom, na thalaw sa theampo hong laaksak tu a, tuaciang na puan hong suutsakin pumpi zuak khat bangin hong pholaak tu hi. Na sikvilna le na pumpi zuakna in

Ezekiel 23:37

Amate in palngul mawna le mihing thana vawt zo hi — palngul mawna sia milimte taw vawt a, kei a tu a hin tapate thatlum hi. Ka tapate milim biakpiakna in hong neisak hi.

Ezekiel 23:39

Ka tate milim biakpiakna in a thalup ni mama in ka Biakinnpi ah hong pai in ninsak uh hi!

Ezekiel 33:25

“Keima, Vaanglianpipa Topa ii ci teng amate son in: A chi thai ngawl lai sa na ne uh hi. Milimte na bia uh hi. Mihing na that uh hi. Hi leitang sia koma neisa hi ci in, bang in hong ngaisunsak ziam?

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Ezekiel 5:11

“Tua ahikom keima in a nungta Pathian ka hi bangma in — hisia in Vaanglianpipa Topa ii kammal hi — nangma in ka Biakinnpi sia, a sia le a kiihuai ngamtatnate theampo taw ninsak na hikomin, hong hesuak ngawlin kong saatvawk tu hi.

Daniel 9:18

Oh Pathian awng, ko thuson hong ngai ta'n; ko hong en ta'n a, ka ngim thuakna uh le na min a pu khuapi ii thuaknate hong mu ta'n. Ko ii sepna a maan hang hi ngawlin, nangma ii hesuakna suangin thu kong ngen uh hi.

Hosea 6:9

Thiampite sia mihing khat suam nuamin a pang phalak honkhat taw kibang hi. A thiangtho mun Shechem paina lampi tung ngawngawn ah amate in mihing that uh hi. Tuaciang amate in hi siatna theampo vawt kaltang uh hi!

Amos 4:5

Paisuak vun a, Pathian tungah lungdamkona in na anluumte pia vun a, na piak thua uh biakpiaknate tungtaang ah kisuangtaak vun! Hisia in na sep thanop uhte nam ahi hi.

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Malachi 3:15

Ih mu bangma mihing kiphasak teng ma in a lungdam hi. Mi siate sia nuamsa bek ngawlin a ngamtat siatnate taw Pathian thin sauna ze et napi, bangma tat tuan ngawl hi,’ ” na ci uh hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

John 13:18

“Na vekpi atu ka sonna hi ngawl hi; ka teal sate keima in ka he hi. Ahihang laithiangtho sungah, ‘Kei taw ankuang uumkhawmpa in kei hong langpan hi,’ a ci sia a tun kul tu hi.

John 18:28

Zing tuungin Jesus sia Caiaphas ii inn pan ngamuk mangpa kumpi inn ah kipaipui hi. Jew thuneite in kumpi inn sungsang ah a tum bua uh hi, banghang ziam cile Paisan Poai anneak thei natu in amate zeksa vai in a thiangtho in om nuam uh hi.