Jeremiah 6:6 - Syin Chin Bible

⁶ Vaanglianbelpa Topa in Jerusalem uumci natu in thing kungte phukin leivumte a vawt natu in hi kumpite thupia hi. Ama in, “Keima in hi khuapi daan ka pia tu hi, banghang ziam cile hi khuapi sia kizawthawkna taw kidim hi,” ci hi.

Jeremiah 6:6 Iomraidhean Croise

Isaiah 37:33

“Tuaciang hi thu sia Assyria kumpilianpa taw kisai Topa ii sonsa ahi hi: ‘Ama in hi khuapi sung tum ngawl tu a, thaltang khat taw zong kap ngawl tu hi. Lum toai ngalkapte kuama khuapi nai ah pai ngawl tu a, a kiim ah ngalnan natu kulh kivawt ngawl tu hi.

Jeremiah 20:8

Thu ka son simin, ka au keak kul a, “Ngoltolna! Kisuksiatna!” ci in ka au hi. Topa awng, nangma thupuak ka thansak hu in a tawntungin simmawk vawtna le zawnsakna ka thuak hi.

Jeremiah 22:17

Ahihang nang sia nangma kaangsung tu bek na mu thei hi; a mawbaang ngawlte na thatlum a na mite nasia takin na zawthawk vawt hi. Topa in ci zo hi.

Jeremiah 32:24

“Babylon te in khuapi a laak natu in khuapi kiimkot ah leivum ciangin uumci a, tuaciang sim uh hi. Ngal, kialpi le natna in hi khuapi sia amate ii khut sung thengsak tu hi. Na son sate theampo a taangtun na mu thei hi.

Jeremiah 32:31

Hi khua mite in khuapi a sak ni pan kipan ka thin hong uuksak a hong thangsiasak hi. Tua khuapi sia suksiat tu in ka khensat zo hi,

Jeremiah 33:4

Keima, Topa, Israel ii Pathian in Jerusalem innte le Judah kumpi inn sia ngalte in kiim uum a, a sim hu in siatham tu hi ka ci hi.

Jeremiah 39:1

Zedekiah ii Judah kumpi a sua zawk a kum kuana, a tha sawm tha in Babylon kumpipa Nebuchadnezzar sia a ngalkap buppi taw hong pai in Jerusalem sim hi.

Jeremiah 5:29

“Tua ahikom, keima Topa in, hi thute hangin amate daan ka pia tu hi; hi minam tungah phu ka la tu hi.

Jeremiah 5:9

Hi thute hangin amate daan pia ngawl, hi bang minam tungah phula ngawl tu khi ziam?

Ezekiel 4:2

Tuaciang Jerusalem khuapi a ki uumci na lim lak natu in, kanhte, leiciante, ngiaphual te le kulh sukthapna moltumte a kiimkot ah koi in.

Ezekiel 5:5

Vaanglianpipa Topa in, “Jerusalem en in, Ama sia leitung bup ii laizang ah ka koi a, a dang ngamte sia a kiimkot ah om hi.

Daniel 11:15

Tua ahikom Syria kumpipa in kulh taw a ki uum khuapi khat uumci in la tu hi. Egypt ngalkapte in ngal do suak ngawl tu hi; amate sung pan a hatbel te ngawngawn zongh in thahatna a kicing nei ngawl tu hi.

Zephaniah 3:1

A mite a zothaw, tatsia in ngalphuang nuam Jerusalem khuapi a lal hi zo hi.

Luke 19:43

Hun khat hong theng tu a, na ngalte in na kiimkot panin phung leecian bangin hong uumci tu a, hong khakcip in, mun theampo panin hong sim tu hi.