Jeremiah 6:3 - Syin Chin Bible

³ kumpite in a ngalkap honte uh taw tua munah ngiaphual saat tu uh hi. Amate in khuapi kiimkot ah a puanbukte uh sa in, a uuk na tek po ah ngiak tu uh hi.

Jeremiah 6:3 Iomraidhean Croise

2 Kumpite 24:2

Topa in Babylon te, Syria te, Moab te le Ammon te ii ngalkapte ngalsim tu in Judah ah paisak a, Jehoiakim langpanin Topa in a naseam a kamsaangte tungtawnin ka vawt tu hi a ci bangin Judah lalsak tu in kuan uh hi.

Jeremiah 12:10

Hong uk ngamdangmi tam mama in ka sapithuan siasak uh hi, amate in ka lote tuanhcil zo uh hi; a dei huai ka leitang sennealngam suaksak uh hi.

Nahum 3:18

Assyria kumpilianpa awng, na ngamuk mangte thi uh hi, na kumpi uliante a tawntung mutthip uh hi! Na mite mualtung tengah kithethaang a, a inn ah a ciapui kik tu kuama om ngawl hi.

Luke 19:43

Hun khat hong theng tu a, na ngalte in na kiimkot panin phung leecian bangin hong uumci tu a, hong khakcip in, mun theampo panin hong sim tu hi.