Jeremiah 6:11 - Syin Chin Bible

¹¹ Amate ii tungah na thin uukna sia keima sung zongh ah meisa bang hi a, Topa awng, ka thuak zo nawn bua hi,” ci in ka zo hi. Tuaciang Topa in, keima tungah, “Ka thin uuk nate lampi ah om patangte tung le tangvalte kikhopna munah buak in. A pasalte le a zite kila tu a, a huai mama te ngawngawn zongh kikhe ngawl tu hi.

Jeremiah 6:11 Iomraidhean Croise

Isaiah 40:30

Khangmoite ngawngawn a tha uh kiam hi; tangvalte a tha uh bo in puk thei hi.

Jeremiah 15:17

Keima in midangte taw nui khawmin ngualnop hun ka zangh bua hi. Nong thupiak ka nitna in keima nguakin ka om a, thin uukna taw ka kidim hi.

Jeremiah 15:6

No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 18:21

Ahihang tu in Topa awng, a tate ngilkial in pukthisak in; amate ngal sungah thalup thuaksak in. Nupite a pasalte le a tate in thi sansak in; pasalte sia natna taw thisak in, tangvalte ngal kisimna ah thalup thuaksak in.

Jeremiah 20:9

Ahihang, “Topa ka mangil tu a ama min suangin thu ka son nawn buatu hi,” ka ci ciangin, na thupuak sia mei bangin ka sung tawngh ah kuang hi. Ka hi thei za iip tu ka hanciam hangin, ka iip zo nawn bua hi.

Jeremiah 5:9

Hi thute hangin amate daan pia ngawl, hi bang minam tungah phula ngawl tu khi ziam?

Jeremiah 7:20

Tua ahikom Vaanglianpipa Topa keima in, hi Biakinnpi tungah ka thin uuk mama na sia ka buak tu hi. Mihingte le nganhingte, tuaciang thingkungte le ankungte tung ngawngawn zongh ah a kibangin ka thin uuk tu hi. Ka thin uukna sia kuama sukmit thei ngawl meikuang bang hi tu hi.

Jeremiah 9:20

Keima in, “Topa thu ngai vun, no numeite awng, a kammalte nadon vun. Na tanute sia kaa tu dan hil vun a, na lawmte sia mithi vuina lasak zia hil vun.

Jeremiah 9:21

Thina sia ih khelkite tawnin hong pai a, ih kumpi inn sung hong tum hi; Thina in lampite ah patangte le sumbukte ah tangvalte vaatlum hi.

Kaa late 1:15

“Topa in ka ngalkap thahatbelte theampo nuisan lel a; Ama in ka tangvalte a lalsak tu in ngalkaphonpi khat puak hi. Sapit ngoaina sungah sapitngate kingoai thap bangin ka mite ama in sucip hi.

Kaa late 2:21

A moi a haam a kibangin lampi ah thi uh hi. Ngalte in ngaknu le tangval teng namsau taw thatlum uh hi. Na thin uuk ni in hesuak ngawlin amate na thatlum hi.

Ezekiel 24:21

no Israel te tungah hi kam vaithak son tu in hong sawl hi: Note in Biakinnpi ii a kip a khona sia kiphatsak pui nu hi. Mu nuamin a en tu na pai uh hi, ahizong, Topa in Biakinnpi sia minpaansak tu hi. Tuaciang Jerusalem ah na nusiat na innkuanpui khangmoite ngal sungah kithat tu hi.

Ezekiel 3:14

Topa ii vaangletna sia ka tungah thahatna lianpi taw hong theng a, tuaciang ama thaa in kei hong paipui ciangin dik ka sa bua a ka thin a uuk hi.

Ezekiel 3:3

Ama in, “A thithei mihing awng, kong piak hi laizial sia ne in; tua taw na ngil vasak in,” hong ci hi. Ka neak ciang, khuaitui bangin thum hi.

Ezekiel 9:6

Pasal huaite, tangvalte, ngaknute, nute le patangte thatlum siat vun. Ahihang a talki tungah tepteena a om pawpote thutha heak vun. Hi lai ka Biakinnpi panin pan vun,” a ci ka za hi. Tua ahikom amate in tua Biakinnpi ah a ding lampuite panin pan uh hi.

Micah 3:8

Ahihang kei ka hile Topa in a thaa le a vaangletna taw hong dim a, thukhaikim heak theina le Israel mite tungah amate mawna khialna teng son ngam natu hanna hong pia hi.

Luke 17:34

A maan takin kong ci ciang, tua zanin mihing nii lupna tungah a lumkhawmte: khat kila tu a, khat sia kinusia tu hi.

Sawltakte 17:16

Silas le Timothy ngakin, a om laitak Paul in Athens khua ah milim biakna a dim in om a mu ciangin Paul sia nasia takin a thinkiam hi.

Sawltakte 18:5

Macedonia pan Silas le Timothy a thet ciang, Paul in hunbit in thuhilna zangh a, Jesus sia Messiah hi ci in Jew te tungah tetti pang hi.

Sawltakte 4:20

Banghang ziam cile ka mu sa uh, ka zaaksa uh thute son ngawlin, ka om thei buatu uh hi,” ci uh hi.

Thupualaakna 16:1

Vantunglalang salite tungah biakinn panin awnging tatak khat in: “Pai tavun a, Pathian thin uukna khawbeam salite leitung ah sungsuk tavun!” a ci ka za hi.