Jeremiah 51:2 - Syin Chin Bible

² Vuipi in taangphaw a seamkeak bangin Babylon susia tu in ngamdangmite ka puak tu hi. Tua suksiatna ni a thet ciang, amate in mun theampo pan sim tu a, a ngam sia a kolh in nusia tu uh hi.

Jeremiah 51:2 Iomraidhean Croise

Isaiah 41:16

Amate sia vui sungah na lawn tu uh hi; vui va in amate len a, vuipi in amate thethaang tu uh hi. Tuasia ciang keima in na Pathian ka hi hu in na lungdam tu uh hi; Israel ii a thiangtho Pathian ahi keima nong pok tu uh hi.

Isaiah 43:14

Israel te ii a thiangtho Pathian, note hong ngum Topa in, “Note hong ngum tu in, Babylon a sim tu ngalkap honkhat kong puak tu hi; khuapi kongpite ka siasak tu a, a mite auna awte in kaana aw suak tu hi.

Jeremiah 15:7

Ngamsung khua sim ah taangphaw bangin vui sungah note kong lawn hi. Ka mite awng, note kong susia hi, Na ngitlo ngamtatnate uh na kheal ngawl uh hu in na tate uh ka thatlum hi.

Jeremiah 50:29

“Babylon sim tu in thalkaap thiamte son vun. Thal le thaltang a zangh thiamte theampo kuansak vun. A khuapi kiim uum vun a khat zongh suaktasak heak vun. A sep a vawt theampo thuk kik vun, midangte tungah a vawt bangin a tungah vawt vun, banghang ziam cile a kiphatsakna taw diang in Israel ii a Thiangtho Pa, hong langpan hi.

Jeremiah 50:32

A kiphasak na ngam sia lutu in puk tu a, kuama in nang hong phongto ngawl tu hi. Na khuapite ka hal tu a, a kiim ah a om theampo kaanghtum tu hi,” ci hi.

Ezekiel 5:12

Na mite sung pan khen thum sua khen khat sia khuapi sungah natna taw le ngilkialna taw in thi tu hi; a dang khen thum sua khen khat sia khuapi pua sangah namsau taw kisaatvawk tu hi; tuaciang a khakbel khen thum sua khen khat sia hui sungah ka thethaang tu a, namsau taw ka zuizen tu hi.

Matthew 3:12

Ama in taangkheaplaw a khut sungah toai zo hi. Zungtaangte hong kheap tu a taangtang teng taangsaal sungah khawmtua in, taangsi taangvai teng a mit ngeingawl meikuang sungah hal tu hi,” ci hi.