Jeremiah 5:9 - Syin Chin Bible

⁹ Hi thute hangin amate daan pia ngawl, hi bang minam tungah phula ngawl tu khi ziam?

Jeremiah 5:9 Iomraidhean Croise

Paunakte 6:29

Ngual zi a luppui sia tuabangza ma in lauhuai hi. Tuabang a ngamta theampo in ngimna thuak tu hi.

Isaiah 1:24

Tua ahiciang tu in, Vaanglianbelpa Topa, Israel te ii a vaanglian Pathian ii a ci bang ngai vun: “Ka ngalte ahi note tungah phu kong la tu a, note in kei ngim nong pia nawn buatu uh hi.

Isaiah 57:6

Tua mun panin suangnealte la in pathiante bangin na bia uh hi. Biakpiakna in amate tungah sapittui na buak uh a antang na puak uh hi. Hi bang teng theampo diksa tu in nong um uh ziam?

Jeremiah 23:2

Ama mihingte keamcing tu a, a kingaisun ngamukte taw kisai in Topa, Israel ii Pathian in hi bangin ci hi: “Ka mihingte nong kepcingsak bua uh hi; na thethaang zo a na hawlkeak uh hi. A sia na vawt uh hu in tu in daan kong pia tu hi.

Jeremiah 32:31

Hi khua mite in khuapi a sak ni pan kipan ka thin hong uuksak a hong thangsiasak hi. Tua khuapi sia suksiat tu in ka khensat zo hi,

Jeremiah 44:22

Tuni mama in na ngam uh sia a lalcip sa in om a, a sungah kuama teang ngawl hi. Na seksolna uh le a sia na vawtna uhte Topa in thuak zo nawn ngawl ahikom na ngam uh sia a lipkhaphuai mun suak a mihingte in a min sia kihaamsiatna in nei uh hi.

Jeremiah 5:10

Ka mite ii sapithuante ah a nguite saattan tu in ngalte ka paisak tu hi, ahihang a vekpi in ka susiasak buatu hi. A baakte heu in ka sawl tu hi, banghang ziam cile a baakte sia kei aa hi ngawl hi.

Jeremiah 5:29

“Tua ahikom, keima Topa in, hi thute hangin amate daan ka pia tu hi; hi minam tungah phu ka la tu hi.

Jeremiah 6:11

Amate ii tungah na thin uukna sia keima sung zongh ah meisa bang hi a, Topa awng, ka thuak zo nawn bua hi,” ci in ka zo hi. Tuaciang Topa in, keima tungah, “Ka thin uuk nate lampi ah om patangte tung le tangvalte kikhopna munah buak in. A pasalte le a zite kila tu a, a huai mama te ngawngawn zongh kikhe ngawl tu hi.

Jeremiah 6:6

Vaanglianbelpa Topa in Jerusalem uumci natu in thing kungte phukin leivumte a vawt natu in hi kumpite thupia hi. Ama in, “Keima in hi khuapi daan ka pia tu hi, banghang ziam cile hi khuapi sia kizawthawkna taw kidim hi,” ci hi.

Jeremiah 9:8

Amate ii leeite sia thi theina thaltangte bang ahi hi; leilot thu veu son uh hi. mi simin a innpaamte tungah kamthiam pau hi, ahihang thaang siana kam hi nginge hi.

Jeremiah 9:9

Hi thute hu in amate daan pia ngawl tu khi ziam? Hi bang minam khat tungah phula ngawl tu khi ziam? Keima Topa in ka son hi,” a ci hi.

Kaa late 3:42

“Topa awng, kote mawin, kong langpan zo uh a, nangma in nong maisak bua hi.

Kaa late 4:22

Zion in a mawna thaman pia zo a; Topa in eite saltaang in hong koi nawn ngawl tu hi. Ahihang Edom awng, Topa in nang daan hong pia tu hi; ama in na ngamtat khialnate pholaak tu hi.

Ezekiel 7:9

Nang kong khoaikhe buatu a, kong hesuak buatu hi. Keima sia Topa ka hi hunlam le nangma daan hong pia sia ka hi hunlam na heak natu in, a thasiathuai na ngamtatnate hu in daan kong pia tu hi.”

Hosea 2:13

Baal tungah ngimnamtui khat a hal ciang le a suangmanpha kizepnate taw kizeamin a lawmpate a del hun lai a kei hong makngil hu in ama daan ka pia tu hi. Topa in son zo hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Thiampite 18:25

Amate ngamtatna in ngam le lei ninsak ahikom Topa in leitang daan pia in tualai ah a teang mite leitang in nialsak hi.

Thiampite 26:25

Ih thuciamna na palsat manin daan hong pia tu in no tungah ngalpi kong thengsak tu hi. Na ngammuan natu in khuapi sung na zuan zonghin a dam maw natnate kong tungsak tu a, na ngalte na lel hamtang uh kul tu hi.

Nahum 1:2

Topa Pathian in ama a demte kuama dual ngawl hi; ama in ama a nalhte daan pia hi. A thin uukna taw amate thuk kik hi.

Thuhil kikna 32:35

Topa in amate phula in daan pia tu a; a kiamsuk tu hun hong pai tu a; a lal tu ni nai hi.

Thuhil kikna 32:43

“Minamte awng Topa ii mite pok hamtang tu nu hi — ama in ama ii mite a thatte theampo daan pia hi. Ama in a ngalte phula a, a mite mawnate maisak hi.”