Jeremiah 5:7 - Syin Chin Bible

⁷ Topa in, “Ka mite ii mawnate banghangin maisak tu khi ziam? Amate in kei hong nusia in pathian tatak ahi ngawlte bia zo uh hi. ka mite sia a ngilva dong ka vaak a, ahihang amate in palngul khialna vawtin pumpi kizuakte taw a hun zangh uh hi.

Jeremiah 5:7 Iomraidhean Croise

2 Khangtaanghthu 13:9

Aaron ii suan le paal, Topa ii thiampite le Levi te na notkeak uh hi. Amate taangin a dang minamte ii vawt bangin thiampite panmun na pia uh hi. Khuital khat ahibuale tuu sali taw hong pai pawpo sia noma pathiante ii thiampi khat a suak tu in ama le ama ki aapsak thei hi.

Job 31:12

Tuasia in ka nei theampo a kuangtumsak, a lalcipsak thei, hell mei bang khat hi tu hi.

Psalm Late 50:18

Nguta na mu theampo ii lawm na hi uh a palngul mawneite taw na kipawl uh hi.

Jeremiah 12:16

Amate in khatvei lai in ka mite Baal min taw kiciam tu in a hil bangma — amate in a thin theampo uh taw ka mite ii biakna saang thei tu a, ‘Topa a nuntak bangma in’ ci in a kiciam uh le — amate zongh keima mi ma hi tu a, a ma vangin nuamsa tu uh hi.

Jeremiah 13:27

Ama ii huasaak nate na vawt uh sia ama in mu zo hi. Pa khat in a innpaampa ii zi a khialpui nop bang, ahibuale siphu tal lan khat ii anu khat a zuzui bangin doai biakna mualtung ah hikale, lo sungah hikale pathian dangte na zot uh sia ama in hong mu zo hi. Jerusalem mite awng, a lal hi nu hi! Bang hun ciangin thiangtho ngei tu nu ziam?

Jeremiah 16:11

Tuasia ciang Topa ii hi bangin a ci sia amate tungah va son ta'n hong ci hi, ‘Na taanghpupite in kei kung pan puapial a ngamdang pathiante bia in a na seam uh hi. Amate in kei hong nusia a ka hil thute ni ngawl uh hi.

Jeremiah 16:20

Mihingte in aituam pathiante vawt thei tu ziam? Vawt thei ngawl tu hi, a vawt a ahile, tuate in pathian tatak hi ngawl tu hi,” hong ci tu uh hi.

Jeremiah 2:11

Minam dangte kuama in a pathiante uh sia pathian tatak ahi ngawl hang kheal ngeingawl uh hi. Ahihang ka mite in amate vaang a pia Pathian, keima sia, amate atu bangma a vawtsak thei ngawl pathian taw hong theak zo uh hi.

Jeremiah 2:31

Israel mite awng, ka kampauna hong ngai tavun. Kei sia note atu in sennealngam khat bang ka hi ngei ziam, khuazing le a lauhuai ngam khat bang ka hi ngei ziam? Tua ahile, banghangin, ka uk bang po in ka ngamta tu uh a, nang kung kong zuan ngei nawn buatu uh hi na ci thei uh ziam?

Jeremiah 23:10

Tua ngam sia Topa tungah a thumaan ngawl mihingte taw kidim hi; amate sia a seksol nuntakna taw nungta in a vaang neina uh zangh khial uh hi. Topa ii haamsiatna hangin hi ngam sia khuangai in om a, ngamsung lonote kongaw hi.

Jeremiah 3:19

Topa in, “Israel awng, nang sia ka tapa bangin kong saang nuam a, leitung theampo sung pan a et hoibel ngamnuam khat kong pia nuam hi. Kei sia pa nong nak tu le ka kung pan na tai kik ngei nawn ngawl tu ka dei hi.

Jeremiah 3:8

Israel sia keima kung pan tai zo a, pumpi kizuak numei khat suak zo ahi hu in ama khul a, ka nawkeakna thu sia Judah zongh in mu hi. Ahihang Israel ii a thumaan ngawl a suapuinu Judah sia lau ngawl hi. Ama zongh pumpi kizuak khat suak a,

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Jeremiah 9:1

Ka lu sia tuikhuk hi hen a, ka mitte thitui ii naak khat hi le uuk ing, tua hi thong le a kithatlum ka mite atu in a sun a zanin ka kap zo tu hi.

Jeremiah 9:2

Ka mite taisan thei in sennealngam sungah om natu mun khat nei leng ka uuk hi. Amate sia a thu maan ngawl vive, ngual a leeheak honkhat hi uh hi.

Kaa late 3:42

“Topa awng, kote mawin, kong langpan zo uh a, nangma in nong maisak bua hi.

Ezekiel 22:11

Pawlkhatte in palngul mawna vawtin, a dangte in a mote ahibuale a suapuiseal numeite zol uh hi.

Hosea 11:8

“Israel awng, bangbangin hong thasua thei tu khi ziam? Bangbangin hong nusia thei tu khi ziam? Admah ka suksiat bangin hong susia ngei tu khi ziam? tua ahibuale Zeboiim tungah ka vawt ngei bangin nang hong vawt tu khi ziam? Ka lungtang in tuabang hong vawtsak ngawl tu hi! Nang kong itna sia nasia lei hi.

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Hosea 4:2

Amate in kamciamte pia a, paltan hi; amate leilot in, mihing that a, nguta in, kipalngul uh hi. Khialna liante khang a kithalupna khat zawkciang khat om hi.

Hosea 7:4

Amate a vekpi thutuum ngawlin citakna nei ngawl uh hi. Anluum em pa in anvui thau in, a em thei hun mateng anluum emna mei sawk ngawlin a mei a khep bangin a ki etsatna iip phot hi.

Thiampite 20:10

Mi khat in Israel mipui khat ii zi a khialpui le a nii in kithatlum tu hi.

Amos 8:14

Samaria milimte ahi, ‘Dan pathian min taw’ ahibuale ‘Beersheba pathian min taw’ a kiciam peuma — tua mite puk tu a, tho kik nawn ngawl tu uh hi.”

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

1 Corinth te 6:9

Mihing ngilote in Pathian Ngam lua ngawl het tu ci in he nu hi. Noma le noma kitheam heak vun; mihing a paktatte le milim a biate, palngul mawna a vawtte, pa le pa, numei le numei a khialte,

1 Corinth te 8:4

Tua ahiciang, milim biakna in a kizangh an neakna huvau ah: milim ih ci sia a om takpi ngawl khat ii taang ahi sia ih he hi; eite in Pathian khat bek om ahi hunlam ih he hi.

Galatia te 4:8

Hun bosa sungah note in Pathian na he bua uh hi, tua hu in a maan ngawl pathiante ii sila in na om uh hi.

Thuhil kikna 32:15

“Topa ii mite hau uh a, ahizong Topa leedo uh hi; amate an khamin thau uh hi. Amate in a Bitphuapa Pathian taisan uh a, a vaanglian hunpa nial uh hi.

Thuhil kikna 32:21

Amate in a milimte taw ka thin hong uuksak a, Pathian tatak a hi ngawlte amate ii pathian a ci uhte taw ka etsat natu hong vawt uh hi. Tua ahikom amate thin a uuksak tu in minam a kici thawthong khat ka zangh tu hi; a mawmaw minam khat in amate ka ensansak tu hi.

Hebrew te 13:4

Nupa kiteenna sia a kuama theampo in zatak vawt tahen a, pasalte le zite sia khat le khat tungah kithumaan hamtang tahen. Pathian in a paktatte le a kipalngulte tungah thukhen tu hi.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

Joshua 23:7

tuasia ciang note kawm ah a taanglai mite taw na kipawl buatu uh hi, amate ii pathian minte thuson in na nei buatu uh hi, ahibuale tuate ii min lo in thuciamte na vawt buatu uh a, tua pathiante bia in na kun suk buatu uh hi.