Jeremiah 5:6 - Syin Chin Bible

⁶ Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.

Jeremiah 5:6 Iomraidhean Croise

2 Khangtaanghthu 36:14

Tua banah Judah lampuite, thiampite le mipite in a kiim ah a om minamte ii mawna khialnate zui in milim bia uh hi, tuabangin amate in Topa mama ii a thiansak Biakinnpi ninsak uh hi.

Ezra 10:10

Thiampi Ezra dingto in amate tungah, “Note in upna na nei bua uh a, ngamdang zi na nei uh manin, Israel tungah khialna na tungsak uh hi.

Ezra 9:6

Keima in, “Pathian awng, na mai ah vandak in ka om tu ka maizum lei hi. Ka mawna uh sia ka lu sang in a saang zawin kiciang a; vantungte a dong tu za in saang hi.

Job 10:16

Zawna khat pawpo nei lei leng zong, tawpi khat taw kibangin nong vai hi; hong liamsua tu in nalamdang laknate ngawngawn na vawt hi.

Psalm Late 104:20

Nangma in zan na vawt a, khuazing sungah ngamsa theampo pusuak hi.

Psalm Late 80:13

ngalhte in siikcil a, ngamsate in an in nei hi.

Isaiah 1:23

Na lampuite sia ngual leedote le ngutate ii lawmte veu hi a; amate in letsong le sumngukte saang tawntung uh hi. Amate in tangate, zumkong maangkong ah panpui ngeingawl a, meingongte ii a thusun ngai ngeingawl uh hi.

Isaiah 59:12

“Topa awng, nang tungah khialna lian kong vawt uh tam mama hi. Ko ii mawna khialnate in kote hong kawk hi. Tuate pha takin ka he siat uh hi.

Jeremiah 14:7

Ka mite in kei hong oksan in, ‘Ka mawnate uh in ko maw hong suan ahitazong, Topa awng, nong kamciamsa bangma in kote hong hu ta'n. Kote in nang kung pan tamvei ma ka puapial zo uh a; nang tungah kong maw zo uh hi.

Jeremiah 2:15

Amate in tawpi bangin ama hawk san uh hi; amate in ama ngam sennealngam suaksak zo hi, a khuate siasak zo a, kinusia cip zo hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 2:31

Israel mite awng, ka kampauna hong ngai tavun. Kei sia note atu in sennealngam khat bang ka hi ngei ziam, khuazing le a lauhuai ngam khat bang ka hi ngei ziam? Tua ahile, banghangin, ka uk bang po in ka ngamta tu uh a, nang kung kong zuan ngei nawn buatu uh hi na ci thei uh ziam?

Jeremiah 25:38

Tawpi khat in akua a nusiat bangin Topa in a mite nusia zo hi. A lauhuai ngal kidona le Topa ii a kiitakhuai thin uukna in hi ngam sennealngam suaksak zo hi.

Jeremiah 30:14

Na itte theampo in no hong mangil zo a; amate in no hong awlmaw nawn ngawl hi. Keima in note sia ngal khat bangin kong sim a, na mawnate tam a, na seksolna uh lian ahikom na daan thuak uh nasia mama hi.

Jeremiah 30:15

Na liammate hangin phuphun nawn heak vun; Na kibawl thei buatu hi. Na mawnate tam a, na seksolna uh lian ahikom hi bangin daan kong pia hi.

Jeremiah 4:7

Tawpi khat in a bukna mun pan hong pai bangin, ngamte a siasak tu khat hong kuan zo hi. Judah susia tu in ama hong pai hi. Judah ngam khuapite a siacip in kinusia tu a, kuama teang ngawl tu hi.

Jeremiah 49:19

Tawpi in ngam tawnghtol sung pan hong pusuak a, lopa hingna Jordan ngundung zui in a pai bangin, keima kong pai tu a, Edom mite a ngam uh panin thakhat thu in ka taikeaksak tu hi. Tuasia ciang keima ii teal lampuipa in ngam uk tu hi. Kei taw kitee ngat thei tu akua om ziam? Akua in kei hong thato ngam tu ziam? Kei hong nalh zo tu ukpa akua om ziam?

Jeremiah 8:5

Tua ahile, ka mite awng, banghang kei kung pan puapial in hong heak kik nawn ngawl nu ziam? Na milimte uh ma len lingleng in hong heak kik nuam ngawl nu hi.

Jeremiah 8:7

Stork vacimliante ngawngawn in a heak kik tu hun he uh hi; vakhute, pialpiate le vaphitte in mun dangah a tai tu hun he uh hi. Ahihang ka mite awng, no kong ukna thukhamte na he bua uh hi.

Kaa late 1:5

A ngalte in ama zo a; amate khutnuai ah koi hi. A khialna tam mamate hangin Topa in ngim thuaksak hi; A tate kipummat in kipaipui hi.

Ezekiel 16:25

Na mealphatnate buan na noai zo hi. Hong pai pawpo kungah nangma le nangma na ki aap a, ni simin pumpi zuak khat na hi vaial hi.

Ezekiel 22:27

Kumpi zum ulian te sia nganhing a mat sate a laaitham ngia te taw kibang uh hi. A hau natu in amate in mihing that uh hi.

Ezekiel 23:19

Ama sia a khai zaw seseam pumpi zuak khat hong suak a, a ngaknutno lai Egypt ngam ah pumpi zuak ahi bangma in om suak hi.

Daniel 7:4

A masabel sia tawpi taw kibang a, ahizong muvanlai khat bangin tha nei hi. Ka et laitakin a thate tong hi. Tua nganhing sia kilaamto in mihing bangin kidingtosak hi. Tuaciang ama sia mihing ngaisutna kipia hi.

Daniel 7:6

Ka et laitakin nganhing khat kilangh hi. Tuasia pawlbeam taw kibang a, ahizong a nungzaang ah vacim tha taw a kibang tha li om in lutang li nei hi. Thu nei tuak khat in kimu hi.

Hosea 5:14

Keima in tawpi khat bangin Israel le Judah mite ka sim tu hi. Keima mama in amate ka balneen tu a ka nusia tu hi. Amate ka kaikeak ciang kuama in hun zo ngawl tu hi.

Habakkuk 1:8

“A siphute pawlbeam sangin manlang zaw a, ngia ngilkialte sangin kiitakhuai zaw hi. A siphu ngalkapte ngam khuala pan hong pai a; a siphute in lei khuat uh hi. Muvanlaite suktun in a mat tute a zap bangin amate hong pai uh hi.

Zephaniah 3:3

A uliante sia tawpi hawk bang hi a; a thukhenmangte sia, duhop leih kisa in a zing ciang dong sangu khat zongh a khe ngam ngawl ngiapui ngilkialte bang ahi uh hi.

Mi Simna 32:14

Tu in, mawnei khangthak note in na pate dinmun la in, Israel tungah a nasia mama Topa thin uukna thengsak kik tu in kithoai nu hi.

Thupualaakna 13:2

Tua nganhing sia pawlbeam bang hi a, a peang sia vom peang bang hi in, a kam sia tawpi kam bang ahi hi. Ngulpui in tua nganhing tungah, ama ii vaangletna, a kumpi tokhum le a lian thuneina teng pia hi.