Jeremiah 5:5 - Syin Chin Bible

⁵ Mihingte kungah vaangletna taw ka pai tu a, amate taw thu ka son tu hi. A tatakin ci leang amate in a Pathian ii a kat sia he takpi a, amate ii a sep tu, Topa deina sia he uh hi,” ci in ka ngaisun hi. Ahihang amate theampo in Topa ii thuneina nialin, a thu ni nuam ngawl uh hi.

Jeremiah 5:5 Iomraidhean Croise

2 Khangtaanghthu 36:14

Tua banah Judah lampuite, thiampite le mipite in a kiim ah a om minamte ii mawna khialnate zui in milim bia uh hi, tuabangin amate in Topa mama ii a thiansak Biakinnpi ninsak uh hi.

Pusuana 32:25

Aaron in a mite uk zawk pang ngawl a omsak sia le, a ngalte mai ah a mawmaw bangin a omsakna thu Moses in mu hi.

Isaiah 1:23

Na lampuite sia ngual leedote le ngutate ii lawmte veu hi a; amate in letsong le sumngukte saang tawntung uh hi. Amate in tangate, zumkong maangkong ah panpui ngeingawl a, meingongte ii a thusun ngai ngeingawl uh hi.

Jeremiah 2:20

Vaanglianpipa Topa in, “Israel awng, nidang lai pekin ka thuneina nong nial hi; ka thu ni ngawlin nong bia bua hi. Mual saangna theampo tung le thingkung hing theampo nuai ah ta nei theina pathiante na bia hi.

Jeremiah 2:31

Israel mite awng, ka kampauna hong ngai tavun. Kei sia note atu in sennealngam khat bang ka hi ngei ziam, khuazing le a lauhuai ngam khat bang ka hi ngei ziam? Tua ahile, banghangin, ka uk bang po in ka ngamta tu uh a, nang kung kong zuan ngei nawn buatu uh hi na ci thei uh ziam?

Jeremiah 30:14

Na itte theampo in no hong mangil zo a; amate in no hong awlmaw nawn ngawl hi. Keima in note sia ngal khat bangin kong sim a, na mawnate tam a, na seksolna uh lian ahikom na daan thuak uh nasia mama hi.

Jeremiah 6:13

A kuama po, a lian a no in a thumaan ngawlin sum zon tu hanciam uh hi; kamsaangte le thiampite ngawngawn zongh in mite theam uh hi.

Jeremiah 8:7

Stork vacimliante ngawngawn in a heak kik tu hun he uh hi; vakhute, pialpiate le vaphitte in mun dangah a tai tu hun he uh hi. Ahihang ka mite awng, no kong ukna thukhamte na he bua uh hi.

Jeremiah 9:3

Amate sia leilot thu son tu in kinging tawntung uh hi; thumaanna taw sangin thumaan ngawlna taw ngam uk zaw uh hi. Topa in, “Ka mite in thusia khat zawkciang khat vawtin kei sia a Pathian bang zongh in hong sim bua uh hi,” ci hi.

Ezekiel 11:2

Pathian in kei tungah, “A thithei mihing awng, hi pasalte in a sia vawt tu ngaisutna tupna nei a, khuapi sungah ngaisutna pha ngawl a pia uh hi.

Amos 4:1

A thaneamte vawtsia a, mizawngte a nengniam, na pasalte ii zuhang hong piak tan tu a ngen, pha takin a kivaak, Bashan a khuipuite bangin a thau, no, Samaria numeite awng, hi thu ngai vun!

Amos 6:1

Samaria ah ngammuang kisate le Zion ah nuntakna ol a sate — hi Israel ngamlian sung a, ngual ii hu hong kingetna, no lampui uliante atu in bangza in lauhuai ziam!

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Malachi 2:7

Pathian a maan bang a heak takpi natu in hilna sia thiampite vaipuak ahi hi. Mite in amate kungah pai in ka deina a sin kul hi, banghang ziam cile amate sia Vaanglianbelpa Topa ii kamtaite ahi uh hi.

Luke 18:24

Jesus in a khuangai mama na a mu ciangin, “Sumhaute ii Pathian Ngam sungah a tum tu bangza in haksa ziam!

Luke 19:14

Tu in a ngammite in ama ensan uh a, kamtaite in delsak a, ‘Ko hisia pa ka kumpi tu in dei ngawl khu hi,’ cisak uh hi.