Jeremiah 5:10 - Syin Chin Bible

¹⁰ Ka mite ii sapithuante ah a nguite saattan tu in ngalte ka paisak tu hi, ahihang a vekpi in ka susiasak buatu hi. A baakte heu in ka sawl tu hi, banghang ziam cile a baakte sia kei aa hi ngawl hi.

Jeremiah 5:10 Iomraidhean Croise

2 Khangtaanghthu 12:4

Ama in kulh taw a ki uum Judah khuapite la in Jerusalem khua dong nawk hi.

2 Khangtaanghthu 36:17

Tua ahiciang Topa in amate sim tu in Babylon kumpipa paisak hi. Kumpipa in Judah tangvalte Biakinnpi sung ngawngawn ah thatlum hi. Kumpipa in a moi a haam, numei pasal, a ciina a ciidam ci doi ngawlin kuama hesuak ngawl hi. Pathian in amate a vekpi ma ama tungah aap hi.

Jeremiah 2:21

A ci phabel sung pan deiteal sapitkung khat taw kibangin nang kong suan zo hi. Ahihang bang suak zo ni ziam en in! A muatcip, kimanna nei ngawl sapitkung taw na kibang hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 30:11

Note kungah kong pai tu a kong ngum tu hi. Kong thethaangna ngammite theampo ka susia tu a, ahihang no kong susia buatu hi. Daan thuak ngawlin no kong omsak buatu hi; ahihang daan kong piak ciang, a kilawm in kong pia tu hi. Keima, Topa in ka son zo hi,” ci hi.

Jeremiah 39:8

Tua hun sung ma in Babylon te in kumpi inn le mipite ii innte haltum a Jerusalem khua luphungte sutham uh hi.

Jeremiah 4:27

( Topa in leitung buppi duisung ngampa suak tu hi ci hi, ahihang siacipsak ngawl tu hi.)

Jeremiah 46:28

Note kungah kong pai tu a kong ngum tu hi. Note kong thethaang na ngam theampo ka susia tu a, ahihang no kong susia buatu hi. Daan piak ngawlin note kong tha thong buatu hi; ahihang a kilawm za in daan kong pia tu hi. Keima, Topa in ka son zo hi,” ci hi.

Jeremiah 5:11

Israel mite le Judah mite in kei hong leeheak cip zo uh hi. Topa keima in ka son zo hi,” ci in dongh hi.

Jeremiah 5:18

Topa in, “Ahihang tuasia hun ciang ngawngawn zongin ka mite ka susia cip siat buatu hi.

Jeremiah 5:9

Hi thute hangin amate daan pia ngawl, hi bang minam tungah phula ngawl tu khi ziam?

Ezekiel 12:16

Amate sungah tawmno khat sia ngal kidona, kialpi le natnate pan ka luhaisak tu hi, tuasia ciangin, tua mun minamte sungah amate in a ngamtatnate sia bangza in thasiathuai ci sia phawk tu a, Kei Topa ka hi hunlam hong tel tu uh hi,” hong ci hi.

Ezekiel 14:17

“Tua ahibuale, tua ngam ah ngal ka thengsak thei tu a, tuaciang mihingte le ngannote a kibangin ka maaimot natu in a susia thei ngalhiamte ka puak tu hi.

Hosea 1:9

Topa in Hosea mun ah, “A min ‘Ka mi hi ngawl’ (Lo-Ammi ) ci in phuak in, banghang ziam cile Israel mite sia ka mi hi ngawl a, tuaciang kei sia amate ii Pathian ka hi bua hi,” ci hi.

Amos 9:8

Keima, Vaanglianpipa Topa in, hi a maw a khial Israel kumpi ngam ka encik nginge a, lei mai panin ka susia tu hi. Ahihang Jacob suan le paalte theampo ka susia buatu hi.

Matthew 22:7

Kumpipa thin uuk mama ahikom a ngalkapte paisak a, mihing that te thatlum in a khuapi halthapsak hi.