Jeremiah 5:1 - Syin Chin Bible

¹ Jerusalem mite awng, na lamdungte zui in tai vun! Na kiim na paam khuadakin en vun! Noma tatak ma na mu vun. Vanh zuakna munte zong vun! A maan a ngamta le Pathian tungah thumaan tu a hanciam mihing khat na mu thei uh ziam? Na mu thei uh ahile Topa in Jerusalem ii mawna maisak tu hi.

Jeremiah 5:1 Iomraidhean Croise

1 Kumpite 19:10

Ama in, “Topa Pathian Vaanglianbelpa awng, nangma ii na — nangma bekma ii na hong sepsak tawntung khi hi. Ahihang Israel mite in nang taw a thuciamna paltan in, na biaknataute baltham a, na kamsaangte thatlum siat hi. Keima bekma taanglai khi hi — tuaciang amate in kei hong that nuam in hanciam uh hi!” ci in zo hi.

2 Khangtaanghthu 16:9

Topa in ama tungah thumaanna a neite tungah thahatna pia nuam in leitung buppi encik nginge hi. Na mawmawt ngamtatna hu in tu pan kipan ngal do tawntung tu ni hi,” ci hi.

Psalm Late 12:1

Topa awng, ko hong hu ta'n. Mipha khat zongh kikhe nawn ngawl hi; mihing thumaante kimu zo nawn ngawl hi.

Psalm Late 14:2

Mihing khat po a ciim a om ziam, ama a bia khat po a om ziam ci in, Topa in vantung panin mihingte ensuk hi.

Psalm Late 14:3

Ahihang amate lampial siat zo uh hi; amate a kibangin sia siat hi. A maan a ngamta khat zongh om ngawl, khat beak zongh om ngawl hi.

Psalm Late 94:16

Mihing seksolte langpanin kei atu akua ding ziam? Siatna a vawtte langpanin kei sangah akua hong pang ziam?

Paunakte 20:6

Mihing theampo in bangza thumaanin citak khi ziam ci thei tek uh hi, ahihang tuabang ahi takpi mihing ih mu zo tu ziam!

Paunakte 23:23

Thumaan thutak, ciimna, sintheina le khua ngaisut theina, hite sia a man piak taak a, ahizong na zuak tu in manpha lei hi.

Paunakte 8:3

Khuapi sung tumna mun, kongpite hui ah ama in hi bangin au hi:

Solomon ii La 3:2

Khuapi sungah ka vavak a, a lamliante le a lamzinte kaantan in, ka it ka ngaino ka zong hi, ahizong ka mu zo bua hi.

Isaiah 59:4

Thukhenzum ah na kaa uh hangin note sang pan thumaanna na nei bua uh hi. Thu na zaw natu in leilot thu na suang uh hi. Ngualdang nat natu na tup uh bang na seam uh hi.

Jeremiah 2:29

Na phunna uh sia a bang hi kabel ziam? Banghangin kei hong langpan nu ziam?

Jeremiah 44:15

Tuaciang a zite in pathian dangte tungah biakpiakna a nei hunlam a he pasal theampo le tua munah a ding numei theampo a kipan Egypt ngam thang sangah a teang Israel te — tua mihonpi in — keima tungah,

Jeremiah 8:6

Pha tak ma in ka ngai hi, ahihang thumaan na son bua uh hi. Na seksolna uh hu in khat zongh na khuangai bua uh hi; ‘Bang khialna vawt ka na khi ziam’ ci in khat zongh in na dongh bua uh hi. Siphu khat ngal sim tu a nawtai bangin, a kuama theampo a uuk bang po ngamta tan uh hi.

Jeremiah 9:2

Ka mite taisan thei in sennealngam sungah om natu mun khat nei leng ka uuk hi. Amate sia a thu maan ngawl vive, ngual a leeheak honkhat hi uh hi.

Jeremiah 9:7

Tua ahikom Vaanglianbelpa Topa in, “Ka mite leisung sumpiang bangin ka thiangsak tu a, ka sittel tu hi. Ka mite in a sia vawt zo a — amate bang law tuan thei tu khi ziam?

Ezekiel 22:30

Keima in ka thin uukna taw ka suksiat ciang kulh a vawt zo tu, kulh a cipna munah ding a, amate ngam a hu zo tu khat ka zong hi, ahizong kuama ka mu zo bua hi.

Ezekiel 9:9

Pathian in, “Israel le Judah mite in a lauhuai mama mawna khialnate nei uh hi. Amate in ngamsung theampo ah mihing that a, Jerusalem sia khialna lian taw kidimsak hi. Amate in Keima Topa in amate ngam nusia zo a, amate mu ngawl hi hong ci hi.

Daniel 12:4

Ama in kei tungah, “Daniel awng, tu in leitung bo dong tua laibu khup in a, a tungah tazeik tum in. Tua hun sungin, mihing tam mama in bang thu piang ziam ci thu a heak nopna taw hanciam thawthong tu uh hi,” hong ci hi.

Joel 2:9

Tuate in khuapi bulu a; a luphungte kaantan uh hi; tuate inn tungah kaato in ngutate bangin khelkite pan tum uh hi.

Amos 8:12

Mihingte sia Tuipi Thi pan Mediterranean ah, tuaciang saksang pan nisuana sangah vakvai tu uh hi. Amate in mun theampo ah Topa ii thupuak kammal khat kan tu ahihang mu ngawl tu uh hi.

Zechariah 2:4

A masa sia in a dang khat sia munah, “Zia sung a pikhau toai khangmoipa kungah va tai ta'n a, Jerusalem ah mihing le ngannote tam leilam tu ahiciang luphung taw uum tu in lian lei tu hi.

Luke 14:21

Naseampa a topa kungah pai kik a, hi thu teng son hi. A topa thin uuk mama a, a naseampa munah, ‘A manlang in khua sung lam theampo ah va pai ta'n a, a zawngte, a koncipte, mittawte, le peangbaite hong ciapui ta'n,’ ci hi.

2 Thessalonica te 2:10

tuaciangin a lal tu teng tungah a seksol theamna namcin zangh tu hi. Amate lal tu hi, banghang ziam cile amate a kihutna tu thumaan thutak sia a saang bua uh a, a it bua uh hi.