Jeremiah 49:3 - Syin Chin Bible

³ Heshbon mihingte awng, au in kap vun! Ai sia kisiasak zo hi! Rabbah numeite awng khuangai in kap vun! Khau-ip puan silhin kap vun! Lungmangin tai kawkoai vun. Na pathian Molech sia a thiampite le a kumpi tapate taw saltaang tu in kipaipui tu hi.

Jeremiah 49:3 Iomraidhean Croise

2 Samuel 11:1

Kumpipate in ngalsim veu in a kuan hun khaal kipat kik ciangin David in Joab sia a ngalkap bute le ngalkaphonpite taw kuansak hi; amate in Ammon te zo in, Rabbah khuapi uumci uh hi. Ahihang David ama sia Jerusalem ah om hi.

1 Kumpite 11:33

Hi bangin seam tu khi hi, banghang ziam cile Solomon in kei hong nial in ngamdang pathiante: Sidon te ii numeipathian Astarte;, Moab te ii pathian Chemosh; Ammon te ii pathian Molech te bia hi. Solomon in ka thu hong ni ngawl hi; ama in khialna vawt zo hi, a pa David ii a zui bangin ka thukhamte le ka thupiakte zui ngawl hi.

1 Kumpite 11:5

Ama in Sidon te ii numeipathian Astarte, tuaciang Ammon te ii a thasiathuai pathian Molech bia hi.

2 Kumpite 23:13

Josiah in Kumpipa Solomon ii saksa Jerusalem nisuana sang Olive Mual thang sangah a om a thasiathuai milim biaknataute — Sidon numeipathian Astarte, Moab pathian Chemosh, Ammon pathian Molech milim biaknate lalsak hi.

Isaiah 13:6

Na sa in kap keak vun! Vaanglianbelpa ii sukcip tu ni, Topa ni, hong nai hi.

Isaiah 14:31

No Philistine khuapi theampo awng, huna ngenin kapin au vun! Na vekpi uh in lauthawngin om vun! Saksang pan ngalkapte hong paina leivui khu sia meei bang hi a — tua ngalkaphon sungah a lauthauh khat zongh om ngawl hi.

Isaiah 15:2

Dibon khua mihingte a thiangtho biakna mun mual tungah kap tu in kaato uh hi. Nebo le Medeba khuapite tungtaang ah khuangai in Moab khua mite nasia takin kap uh hi; a khuangai hu in a samte le a khamulte meet uh hi.

Isaiah 16:7

Moab mite sia ngimna a thuak hu in kap tu uh hi. Kir Heres khuapi sungah a om lai in a neak bul uh anlimte a phaw kik uh ciangin, amate a vekpi in kap tu uh hi. A thin kiam tu uh hi.

Isaiah 23:1

Hisia in Tyre taw kisai thupuak ahi hi. Tuipi tung a pai teambaw hawlte awng, khuangai in kap vun! Teambaw tawlngakna na khuapi Tyre sia kilalsak zo hi; a innte le teambaw tawlngakna munte lalcip in om hi. Na teambawte Cyprus pan hong heak kik ciang hi thute na za uh hi.

Isaiah 23:6

No Phoenicia mite awng, he in kap vun! Na suatak natu in Spain ngam zot tu hanciam vun!

Jeremiah 4:8

Tua ahiciang khau-ip puan silh in, kapin tau vun banghang ziam cile Topa thin uukna sia Judah panin puapial ngawl lai hi.

Jeremiah 46:25

Vaanglianbelpa Topa, Israel te ii Pathian in, “Thebes te pathian Amon sia Egypt le a pathiante sia a kumpipate taw daan ka pia khawm tu hi. Egypt kumpipa le ama a muang theampo ka la tu a,

Jeremiah 48:2

Moab ngam ii a hoina teng bo zo hi. Ngalte in Heshbon la zo a, Moab minamte suksiat tu sawm ku uh hi. Madmen khua kithimsak tu a; ngalkaphonpi in tuanhcil tu uh hi.

Jeremiah 48:20

‘Moab puk zo hi, tuasia atu in kap vun; mindaina thuak hi. Moab ngam kisiatna thu sia Arnon ngundung ah taangko vun!’ ci in amate in hong zo tu uh hi.

Jeremiah 48:37

Amate a vekpi a sam le a khamulte meet uh hi. Amate a vekpi in a khut ki at uh a, mi simin khau-ip puan silh hi.

Jeremiah 48:7

“Moab awng, na hatna le na hauna na suang hi, ahihang tu in nang ngawngawn hong kizo tu a; na pathian Chemosh sia a kumpi tapate le a thiampite taw saltaang khawm tu uh hi.

Jeremiah 49:1

Ammon thu Topa in hi bangin son hi: “Israel pasalte koisungah om ziam? A ngam a hung tu kuama om ngawl ziam? Banghangin Gad minamte ii ngam sia Molech pathian a bia mihingte in lasakin tua munah teangsak ziam?

Jeremiah 51:8

Babylon sia thakhat thu pukin kisiacipsak hi! Tuasia khuangai pui vun! A liamma bawl natu in zatui la vun; dam thei lai tha tu hi.

Jeremiah 6:26

Topa in a mite tungah, “Khuangai in, Khau-ip puan silhin vut sungah kilumliik vun. Tapa khat a nei sun sia in a thi san hu in thitui luang in kap vun, banghang ziam cile no hong susia tu hong pai pa in thakhat thu in hong sim tu hi.

Amos 1:15

Amate kumpipa le a uliante saltaang in pai tu uh hi,” ci hi.

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

James 5:1

Tu in, no sumhaute awng, hong ngai tavun! No tungah hong tung tu ngimna haksatnate huvau kapin mau vun!

Joshua 7:2

Joshua in mihing pawlkhat Jericho pan Ai khua ah paisak hi, tua khuapi sia Bethel ii nisuana sangah om a, Bethaven taw kinai hi, tua munah ngam vil tu in sawl hi. Amate in a sawl teng a sep zawk uh ciang

Joshua 8:1

Topa in Joshua munah, “Ngalkapte a vekpi in keng in a, Ai khua ah va pai to tavun. Lau heak vun a thinkiam heak vun. Ai kumpipa kong zosak tu hi; a mite, a khuapi le a ngam a lei nang aa hi tu hi.

Joshua 8:28

Joshua in Ai sia haltum a, a zaancip in nusia hi. Tuni in tuabang ma in om lai hi.