Jeremiah 49:1 - Syin Chin Bible

¹ Ammon thu Topa in hi bangin son hi: “Israel pasalte koisungah om ziam? A ngam a hung tu kuama om ngawl ziam? Banghangin Gad minamte ii ngam sia Molech pathian a bia mihingte in lasakin tua munah teangsak ziam?

Jeremiah 49:1 Iomraidhean Croise

Pianciilna 19:38

A tanu nozaw zongh in tapa khat nei a, Benammi ci in min phuak hi. Ama in tu hun a Ammon te pianna taanghpupi ahi hi.

2 Kumpite 10:33

Jordan ii nisuana Aroer khuapi thangsang Arnon Ngun hui dong zo hi — tuasung ah Gilead le Bashan ngamkhen te, Gad, Reuben le Nisuana Manasseh te ii teenna teng kihel hi.

2 Kumpite 24:2

Topa in Babylon te, Syria te, Moab te le Ammon te ii ngalkapte ngalsim tu in Judah ah paisak a, Jehoiakim langpanin Topa in a naseam a kamsaangte tungtawnin ka vawt tu hi a ci bangin Judah lalsak tu in kuan uh hi.

2 Khangtaanghthu 20:1

Tawmvei zawkciangin Moab le Ammon ngalkaphonpite in amate pawlpui Meun te taw Judah ngam sim uh hi.

2 Khangtaanghthu 20:23

Ammon te le Moab te in Edom ngalkaphonpite simin a suksiat cip zawkciang amate le amate nasia takin kisim uh hi.

Nehemiah 2:19

Sanballat, Tobiah le Arab mi Geshem in sep tu ka ngealna te a zaak uh ciang amate in hong nuisan a, “Bang teng sep sawm nu ziam, kumpilianpa langpan tu nu ziam?” hong ci uh hi.

Nehemiah 4:7

Jerusalem luphung cian kik a kingaih mama na thu le luphung hawngvangte a kihukna thute Sanballat, Tobiah le Arabia mite, Ammon mite le Ashdod mite in a zaak uh ciang a thin uuk mama uh hi.

Psalm Late 83:7

Gebal, Ammon le Amalek mite, Philistia le Tyre mite ahi uh hi.

Psalm Late 9:6

Ngalte sia a tawntungin bo siat zo hi, a khuapite na lalthamsak zo a, amate kimangil cip zo hi.

Jeremiah 12:14

Topa in, “Israel ka mite tungah ka piaksa ngam a siasak Israel ii ngam paamte thu taw kisai son tu thu pawlkhat ka nei hi. Keima in tua mi seksolte sia a kizunglok keak thingkung khat bangin amate ii ngam panin ka la keak tu a, amate khut sung pan Judah mite ka suatak tu hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 27:3

Tuaciang Jerusalem khua ah Zedekiah kumpipa taw kimu tu a hong pai tongciinte tungtawnin Edom, Moab, Ammon, Tyre, le Sidon kumpite tungah thu khat puak tu in Topa in keima hong sawl hi.

Jeremiah 48:1

Vaanglianbelpa Topa in Moab ngam taw kisai hi bangin ci hi: “Nebo khua mite hesuak vun — a khua kisusia hi! Kiriathaim khua kila zo a, a kulh lianpi kipheltham zo hi, a mite maizum kingasak zo hi;

Jeremiah 49:23

Topa in Damascus ii thu hi bangin son hi: “Hamath le Arpad khuapite sungah a teang mihingte sia thusia a zaak uh manin patau a, thinngimin om uh hi. A patauna te tuipi bangin amate tungah kiliim a, thim om thei ngawl uh hi.

Jeremiah 49:28

Babylon kumpipa Nebuchadnezzar ii a zaw Kedar minam le Hazor ii uk ngamkhennote taw kisai in Topa ii cina pan: “Kedar mite sim vun a, nisuana sangah a om minam sia susia vun!

Jeremiah 49:7

Vaanglianbelpa Topa in Edom te ii thu hi bangin son hi: “Edom mite in a thumaan a khen thei na sia bosua zo ziam? Ngaisutna a pia theite in a vawt tu bangin son thei nawn ngawl ziam? A pilna theampo bosua zo ziam?

Ezekiel 21:25

“Nang a seksol a thiangtho ngawl Israel ngam ukpa awng, na ni, a khakbel daan na khak ni sia hong pai hi.

Ezekiel 25:1

Topa in kei hong paupui hi.

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Thuhil kikna 2:19

Tuasia ciang note in Lot ii suan le paalte ahi Ammon te ii ngam nai na theng tu uh hi. Amate ngim pia heak vun, amate tungah ngal zongh phuang heak vun, banghang ziam cile amate ka piaksa ngam bangma note kong pia buatu hi’ hong ci hi,” ci hi. (

Thuhil kikna 23:3

“Ammon te ahibuale Moab te — ahibuale amate ii suan le paalte khat pawpo a khang sawmna dong keak ahizong — Topa ii mite sungah kihel thei ngawl tu hi.

Thuhil kikna 23:4

Amate in Egypt pan na pusua uh lai in lampi ah an le tui hong pia nuam ngawl a, note hong haamsiat tu in Mesopotamia ngam Pethor khuapi pan Beor tapa Balaam cial uh hi.