Jeremiah 48:8 - Syin Chin Bible

⁸ Khua khat beak zongh suksiatna pan suakta ngawl tu a; mualkuam le zaangtam zong kisiasak khawm tu hi. Keima, Topa in ka ci zo hi.

Jeremiah 48:8 Iomraidhean Croise

Jeremiah 15:8

Tuipi hui ah sennealte sangin note ngam sungah meingong tamzaw hi. Na tangvalte uh a khan saan laitakin ka that a, a nute in ka thuaksak hi. Thakhat thu in amate tungah thin natna le launa ka thengsak hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 48:18

No, Dibon khua ah a teangte awng, na minphatna mun panin hong tuaksuk tavun a leivui sungah hong to tavun; Moab a siasak pa sia hi sungah om a, a kulhte siacip in nusia zo hi.

Jeremiah 51:56

Amate Babylon susia tu in hong pai zo hi; a ngalkapte kiman a, a thalte kithiaktan hi. A ngilote daan a pia sia Pathian Keima ka hi a, a kiphu bangin Babylon daan ka pia tu hi.

Jeremiah 6:26

Topa in a mite tungah, “Khuangai in, Khau-ip puan silhin vut sungah kilumliik vun. Tapa khat a nei sun sia in a thi san hu in thitui luang in kap vun, banghang ziam cile no hong susia tu hong pai pa in thakhat thu in hong sim tu hi.

Ezekiel 25:9

Moab ii ngamngi a cing khuapite ngual in ka simsak tu a, khuapi phabel teng — Beth Jeshimoth, Baal Meon le Kiriathaim te ngawngawn kihel tu uh hi.

Joshua 13:17

Tuasia sungah Heshbon le mual zaangtam tung a om khuapite: Dibon, Bamoth Baal, Beth Baalmeon,

Joshua 13:21

Heshbon pan a uk Amor te kumpipa Sihon kumpi ngam bup le mual zaangtam a om khuapite kihel hi. Moses in ama zo a, Midian a ukte: Evi, Rekem, Zur, Hur le Reba te zongh zo hi. Amate theampo in Kumpipa Sihon atu in ngam uk uh hi.

Joshua 13:9

Amate ii ngam sia Aroer (Arnon Kuam ii kiil ah a om) le tua kuam ii laizang a om khuapi dong zai a, Medeba pan Dibon dong mual zaangtam theampo kihel hi.