Jeremiah 48:2 - Syin Chin Bible

² Moab ngam ii a hoina teng bo zo hi. Ngalte in Heshbon la zo a, Moab minamte suksiat tu sawm ku uh hi. Madmen khua kithimsak tu a; ngalkaphonpi in tuanhcil tu uh hi.

Jeremiah 48:2 Iomraidhean Croise

Isaiah 15:1

Hisia sia Moab taw kisai thupuak khat ahi hi. Zan khat thu in Ar le Kir khuapite kilalcipsak a, Moab ngam thim dide hi.

Isaiah 15:5

Ka thin takpi taw Moab atu in ka kap hi! Mihingte Zoar khua le Eglath Shelishiyah ah tai zo uh hi. Pawlkhat te Luhith paina lampi ah kap kawmin paito uh a; pawlkhat ahile Horonaim khua ah suakta a, khuangai in ngamlum siasua uh hi.

Isaiah 16:14

Tu in Topa in, “Kum thum a cin lianin Moab ii hauna letnate mangthang tu a, a mite tam mama sung pan amate tawm bek nungta lai in, thazawm tu uh hi,” ci hi.

Isaiah 25:10

Topa in Zion Mual dal tu hi, ahihang nganhing eak sungah taangphawte a kitotcil bangin Moab mite kituanhcil tu hi.

Jeremiah 25:15

Topa Israel ii Pathian in keima tungah, “Hi lai ah ka thin uukna taw a kidim sapittui hai khat om hi. Kong paisakna minamte theampo kungah tua hai paipui in tua hai sung pan amate in nesak in.

Jeremiah 25:17

Tuasia ciang tua hai sia Topa ii khut tung panin ka la a, Topa hong sawlna minamte theampo tungah pia in tua hai sung panin ka nesak hi.

Jeremiah 31:36

Leitung paizia a kip lai theampo in, Israel sia minam khat in om tu hi ci in, kamciam pia hi.

Jeremiah 33:24

“Ka tealsa innkuan nii, Israel le Judah te sia keima in niil zo hi ci a mihingte ii a son na phawk ziam? Tua ahikom amate in ka mite nomu a minam khat in ngaisun nawn ngawl uh hi.

Jeremiah 46:28

Note kungah kong pai tu a kong ngum tu hi. Note kong thethaang na ngam theampo ka susia tu a, ahihang no kong susia buatu hi. Daan piak ngawlin note kong tha thong buatu hi; ahihang a kilawm za in daan kong pia tu hi. Keima, Topa in ka son zo hi,” ci hi.

Jeremiah 48:17

A nai ah a teangte le a minthanna a he mihingte theampo awng, Tua ngam atu in khuangai vun. ‘A nasia mama a ngamukna vaang bo zo a, a minthanna le a vaangletna om nawn ngawl hi,’ ci vun.

Jeremiah 48:42

Moab sia kisusia tu a, minam khat suak zo nawn ngawl tu hi, banghang ziam cile ama in kei hong langpan hi.

Jeremiah 48:45

A cimaw ngaltaite in Sihon kumpipa ii khatvei a uk ngei na Heshbon khuapi sungah bel natu zong in hanciam uh hi, ahihang tua khuapi sia mei in kaanghtum hi. Ngalsim a kin Moab mite ii ngamngi sang teng le mualsaangte sia mei in kaanghtham zo hi.

Jeremiah 49:3

Heshbon mihingte awng, au in kap vun! Ai sia kisiasak zo hi! Rabbah numeite awng khuangai in kap vun! Khau-ip puan silhin kap vun! Lungmangin tai kawkoai vun. Na pathian Molech sia a thiampite le a kumpi tapate taw saltaang tu in kipaipui tu hi.

Jeremiah 49:37

Amate a that nuam a ngalte Elam mite in ka kiitasak tu hi. Ka thin uuk mama na taw in Elam mite ka susia tu a, ka lalcipsak dongin amate a do tu in ngalkaphonpi ka puak tu hi.

Mi Simna 32:37

Reuben namte in Heshbon, Elealeh, Kiriathaim,