Jeremiah 48:12 - Syin Chin Bible

¹² “Tua ahiciang tu in sapittui bang a Moab mite a sungkeak tu in mihingte ka paisak hun hong theng tu hi. Amate in a sapit beal hawmsak tu a, tua zawkciang sutham tu uh hi.

Jeremiah 48:12 Iomraidhean Croise

Psalm Late 2:9

Nangma in amate thikmol taw na veltham tu a, leibeal tam bek bangin amate na sutham tu hi.

Isaiah 16:2

Amate in Arnon Ngun vaalbo tung pan ngak a, vacimte a bu uh pan a kinawkeak ciang a ci a law a heak ngawl bangin vak kawkoai uh hi.

Isaiah 30:14

Zan niknek ahikom meikhuk sung pan meikam lua tham natu ahizong, tuikuang sung pan tui sua tham natu ahizong a bek lian zongh a om ngawl leibeal khat bangin nang hong kitamhthamsak tu hi” ci hi.

Jeremiah 14:3

Sumhau mite in a naseamte tui toai tu in sawl a; amate tuikhukte ah a pai uh le, tui om ngawlin a bealhawm nguak taw heak kik uh hi. Thinkiam lungmangin, amate in a mai uh seal hi.

Jeremiah 19:10

Tuaciang keima taw a paikhawm mihingte mai san ah thambeal saattham tu in Topa in keima hong sawl hi.

Jeremiah 25:34

No lampuite awng, kap vun, ka mite a cing a keamte awng, a ngingin kap vun! Tau in leivui sungah liik vun. Note hong kithalup tu hun hong theng zo a, tuutalte bangin note hong kisem tu hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 48:11

Topa in, “Moab sia thin muangin om tawntung a, ngamdang ah sal kitangsak ngeingawl hi. Ama sia beal khat pan beal khat sungah a kisung ngeingawl a omcing sapittui taw kibang hi. A ngim lal ngeingawlin lim tawntung hi.

Jeremiah 48:13

Tuasia ciang Israel mite ii up le muan Bethel pathian a upkhialna pan a maan mu uh a, a thinkiam bangma in Moab mite zongh, Chemosh a pathian huvau in a thinkiam uh hi.

Jeremiah 48:15

Moab le a khuapite kisiasak zo a; a tangval a taktaibel teng kithatlum zo hi. Keima sia kumpipa, Vaanglianbelpa Topa ka hi hi, tuaciang keima in ka ci zo hi.

Jeremiah 48:38

Moab ngamsung innkhum theampo le taangpi khawlmun theampo ah khuangaina ci ngawl bangma dang om ngawl hi, banghang ziam cile kuama dei ngawl thambeal khat bangin Moab ka sutham zo hi.

Jeremiah 48:8

Khua khat beak zongh suksiatna pan suakta ngawl tu a; mualkuam le zaangtam zong kisiasak khawm tu hi. Keima, Topa in ka ci zo hi.

Nahum 2:2

(A ngalte ii sutol ma hun lai bangin Topa in Israel mite ii a minthanna pia kik dektak hi.)