Jeremiah 48:10 - Syin Chin Bible

¹⁰ (A thin theampo taw To pa ii na a seam ngawl pa sia haamsiat vun! Mihing a vaattan ngawl, a that ngawl pa haamsiat vun!)

Jeremiah 48:10 Iomraidhean Croise

1 Kumpite 20:39

Kumpipa hong kaantan ciang kamsaang pa in biakpui a, “Kumpipa awng, ngal ka do laitakin ngalkap khat in a ngal mat khat kei kungah hong paipui a, ‘Hi sia pa cing in; a suakta napo le na nuntakna taw lul tu ni hi, tua ahibuale zong ngunntang tulthum liau tu ni hi,’ hong ci hi.

1 Kumpite 20:40

Ahihang vai dang taw komla ka hikom tua pa suakta hi” ci hi. Kumpipa in, “Nangma le nangma thu kikhen ni hi, daan na thuak kul tu hi,’ ci in zo hi.

1 Kumpite 20:42

Tuasia ciang kamsaangpa in kumpipa munah, “Hi sia Topa ii kammal hi: ‘Thalup tu in kong thupiak pa suaktasak na hikom nangma in na nuntakna taw lul tu ni hi, tuaciang ama ii ngalkaphonpi na suataksak hu in nangma ngalkaphonpi kisusia tu hi,’ ” ci hi.

2 Kumpite 13:19

Hi sia in Elisha thin uuksak a, ama in kumpipa munah, “Nga vei lukvei bang na saat tu hi ve, tua hile Syria te zo siat tu ve teh, tu in amate thumvei bekma zo tu ni hi,” ci hi.

Jeremiah 11:3

hi thuciamna a zui ngawl mi sim ii tungah Israel te ii Topa Pathian keima in haamsiatna ka tunsak sia son in.

Jeremiah 47:6

‘Topa ii Namsau awng! Bang tanvei vaat lai tu ni ziam? Na paai zuan kik in a, tua munah om in tawlnga in!’ ci in na au uh hi.

Jeremiah 47:7

Ahihang a sep tu nasep ka piaksa ahiciang, bangbangin tawlnga thei tu ziam? Ashkelon le tuipi hui ah a teang mite sim tu in thu ka pia zo hi,” ci hi.

Jeremiah 50:25

Ka ngalhiamte koina mun ka hong zo hi, ka thin uuk in tua ngalhiamte ka pusua keak zo hi, banghang ziam cile Keima, Vaanglianpipa Topa, Vaanglianbelpa in Babylon ah nasep tu ka nei hang ahi hi.

Jeremiah 50:27

A ngalkapte theampo that vun! Amate mon vun! Babylon mite a lal a hi uh hi! Amate daan piak tu hun hong theng zo hi!” ci hi.

Joshua 10:19

ahihang noma tatak tua munah om heak vun; ngalte zuizen vun a, a nungsang pan sim vun; a khuapite ah thengsak kik heak vun! Topa na Pathian in amate tungah noma zawna hong pia zo hi,” ci hi.

Thukhente 5:23

Topa ii vantunglalang in, “Meroz tomlaw in” ci hi, “Tomlaw vun, tua munah a teangte tomlaw vun. Amate sia Topa hu tu in hong pai bua a, ama atu ngalkapte bangin ngal sim tu hong pai ngawl hi,” ci hi.

1 Samuel 15:3

Kuan ta'n a, Amalek te a neisa theampo uh taw a vekpi in susia cip in. Na khat zongh khoaikhe heak in: pasal, numei, patang le nausen; a khui, a tuu, a kalaoh le a laate thatlum siat in,” ci hi.

1 Samuel 15:9

Ahihang Saul le a mite in Agag ii nuntakna sia khoaikhe a, tuaciang a tuu le a khui a phabel teng, khuino le tuuno a phabel teng le na a pha theampo khe in, a man nei ngawl le a mannung ngawl teng bek susia uh hi.