Jeremiah 47:5 - Syin Chin Bible

⁵ Gaza mite tungah heena lian theng zo a, Ashkelon ii mite dai dide in om uh hi. Philistia mi a om laiteng bang tanvei kap tu uh ziam?

Jeremiah 47:5 Iomraidhean Croise

1 Kumpite 18:28

Tua ahikom kamsaangte in nging zaw lai in thu hong ngen in, amate ii zeksa ngeina om bangin naamte, naamzumte taw amate le amate chisan a luan dongin ki at uh hi.

Isaiah 15:2

Dibon khua mihingte a thiangtho biakna mun mual tungah kap tu in kaato uh hi. Nebo le Medeba khuapite tungtaang ah khuangai in Moab khua mite nasia takin kap uh hi; a khuangai hu in a samte le a khamulte meet uh hi.

Jeremiah 16:1

Topa in hi bangin kei hong paupui leleau hi.

Jeremiah 16:6

Hi ngam ah a hau le a zawngte thi tu uh a, kuama in amate phum ngawlin, kaa ngawl tu hi. A khuangaina a lak natu in kuama in ama le ama nam taw ki at ngawl tu a, a sam uh meet ngawl tu hi.

Jeremiah 41:5

Shechem, Shiloh le Samaria panin mihing sawmliat hong theng uh hi. Amate sia a khamul uh meetin a puan uh eaukeak in, amate le amate tetek kiliamsua ngawp uh hi. Amate in Biakinnpi ah piak tu in antang le paaknamtui keng uh hi.

Jeremiah 47:1

Egypt kumpipa in Gaza khua a sim ma in Philistia mite taw kisai in Topa in keima tungah thu hong son hi.

Jeremiah 47:4

Philistia suksiat tu hun, Tyre le Sidon pan a, a nga sun hunate theampo khatan tu hun hong theng zo hi. Keima, Topa in Crete tuikulh pan a hong pai Philistia te theampo ka susia tu hi.

Jeremiah 48:37

Amate a vekpi a sam le a khamulte meet uh hi. Amate a vekpi in a khut ki at uh a, mi simin khau-ip puan silh hi.

Ezekiel 25:16

Tua ahikom Philistine ka sim tu a ka maaimot tu hi, ci in ka taangko hi. Philistine Zaangtam ah a nungta lai theampo ka lalcipsak tu hi.

Ezekiel 7:18

Amate in khau-ip puan silhin liing ngawp tu uh hi. A lute uh kimeet tol tu a, kimaizumsak tu hi.

Thiampite 19:28

ahibuale noma le noma thulkawng sun ahibuale na taksa kiliamsua heak vun. Keima in Topa ka hi hi.

Thiampite 21:5

“Thiampi peuma khuangaina lakna in a sam mun khat zongh meet ngawl tu a, a khamul zongh tan ngawlin, a ci tung kiliamsua ngawl tu hi.

Micah 1:16

Judah mite awng, na it patangnote atu in khuangai in na sam uh meet vun. Vaciik bangin lutolin om vun, banghang ziam cile na patangnote sia ngamdang ah salin no kung pan kila tu hi.

Mark 5:5

Sun le zan in thaan kawm le mualtung kaantan in vak a, cik-au in ama le ama suanghiam taw ki at bul hi.

Thuhil kikna 14:1

“Note sia Topa na Pathian ii mite na hi uh hi. Tua hi a, mithi na kaa uh ciang midangte ii vawt bangin, na pumpi noma le noma ki at heak vun a, na mai samte meet heak vun.

Thukhente 1:18

Topa in Judah mite hu a, amate in a neisa tu in mualtung ngam la uh hi. Ahihang amate in Gaza, Ashkelon, ahibuale Ekron le a kiim a ngamte a la bua uh hi. Hi mite tuipi hui ah teangin thik siphu ngalleang nei ahikom Judah mite in a nawtkeak zo bua uh hi.