Jeremiah 47:3 - Syin Chin Bible

³ Amate in, siphu khuasuan ngingte, siphu ngalleang ngingte, a mui ngingte za tu uh hi. Nute pate sia a tate en kik tu in hong heak kik ngawl tu uh a; amate ii khutte a pangh ah kaai suk niingniang tu hi.

Jeremiah 47:3 Iomraidhean Croise

Isaiah 5:28

Amate thaltangte hiam a, a thalte kaa tawm tu bekin eal pinpen uh hi. A siphu peangcinte thausuang bangin sak a, a muite suumpei bangin pei hi.

Jeremiah 46:9

Siphute a pai natu le siphu ngalleangte a mui a pei natu thupia vun! Ngalkapte kuansak vun: Ethiopia le Libya pan lum toaite le, Lydia mi thalkaap thiamte kuansak vun’ ci hi,” a ci hi.

Jeremiah 50:42

Amate in a thal le namsaute toai uh hi; Amate sia ngilo a ngual hesuakna nei ngawl uh hi. A siphute tung a to uh ciang, tuipi hawk bangin nging hi. Babylon sim tu in amate kithoai uh hi.

Jeremiah 8:16

Dan khuapi sungah ih ngalte hong theng zo uh hi; a siphute ii a naak thin uh ih za hi. A siphute a haam uh ciang ngam buppi liing hi. Ih ngam le ih ngamsung a, a om na theampo, ih khuapi le khua mite theampo susia tu in ih ngalte hong pai zo uh hi.”

Ezekiel 23:24

Amate in siphu ngalleang le vanh puakna leangte kengin ngalkaphonpi khat taw saksang pan hong sim tu uh hi. Lum le thik lukhu taw kidalin nang hong kiim uum tu hi. Nang sia amate tungah kong aap tu a, amate ii thukham te taw thu hong khen tu hi.

Nahum 2:4

Lampite kaantanin siphu ngalleangte tai kheukho a, khuapi khawlmunte kaantan in kinuntaw kawkoai hi. Amate mei lomsawm det te bangin taang vazak a, khualeng bangin peak kawkoai hi.

Nahum 2:8

A cimhtham tui cimna khat pan tuiluang bangin Nineveh pan mihingte taikeak uh hi! “Tawlnga vun! Tawlnga vun!” ci in khuapi pan aw nging hi — ahizong kuama heak kik ngawl hi.

Thupualaakna 9:9

A awm uh sia thik awmdalna taw a kibangte taw kituam hi, tuaciang a thaphil nging aw in ngal kidona sungah a tai siphu ngalleang tam mamate ii ngin taw kibang hi.

Thukhente 5:22

Tua zawkciang siphute hong kinuntaw uh a, a peangcinte taw lei tuan uh hi.