Jeremiah 47:2 - Syin Chin Bible

² Ama in: “En in! Sak sangah tui khang a, nguntui pawm bangin luang tu hi. Tua tuite in leitung le a tungah a om na theampo, khuapite le a sungah a teang mihingte khuum tu hi. Mihingte in hu ngenin au tu uh a; lei tungah om theampo in nasia takin kap tu hi.

Jeremiah 47:2 Iomraidhean Croise

Psalm Late 24:1

Simleitung le a sungah a om theampo sia Topa neisa ahi hi; leitung le a tungah a teang theampo sia ama aa ahi hi.

Psalm Late 50:12

“Ka ngil a kial le nang tungah an kong ngen buatu hi, banghang ziam cile leitung le a sungah om na theampo sia keima neisa ahi hi.

Psalm Late 96:11

Lei le van awng, lungdam vun! Tuipi awng, na sungah a om nuntakna nei teng taw hawk vun;

Psalm Late 98:7

Tuipi awng, na sungah nuntakna nei teng taw hawk vun; leitung awng, na tungah a teang theampo taw lasa vun!

Isaiah 14:31

No Philistine khuapi theampo awng, huna ngenin kapin au vun! Na vekpi uh in lauthawngin om vun! Saksang pan ngalkapte hong paina leivui khu sia meei bang hi a — tua ngalkaphon sungah a lauthauh khat zongh om ngawl hi.

Isaiah 15:8

Moab ii ngamngi theampo ah kaana awnging kiza hi. Eglaim le Beerelim khuate ah kaana aw kiza hi.

Isaiah 22:1

Hisia in Mukholna Kuam taw kisai thupuak ahi hi. Bang thu piang ziam? Banghangin khua mite theampo in innkhum tungah poai vawtin om uh ziam?

Isaiah 28:17

Thutang khenna sia inn tawdap atu in a teena khau hi a, thumaanna sia a thikbawk khaukhai hi tu hi,” ci hi. Ngialtang le vuipi in na belh na suan leilot thute theampo seamkeak tu a, tuikhangte in na ngam muanna bosak tu hi.

Isaiah 59:19

Ni suana pan nitumna dongah a teang mite theampo in ama le a vaangletna lian sia kiita tu uh hi. Ama in nguntui pawm bang le, vuipi bangin hong pai tu hi.

Jeremiah 1:14

Topa in kei tungah, “Hi ngam sungah a teang mihingte theampo tungah saksang panin tuiso bangin siatna hong tung tu hi,

Jeremiah 46:12

Minamte theampo in na maizumna za zo a; na kaana mihing theampo in za zo hi. Ngalkapte khat le khat kituan tha a, a nii in lei ah puk uh hi.

Jeremiah 46:13

Babylon kumpipa Nebuchadnezzar sia Egypt sim tu in hong pai ciang, Topa in kei hong paupui hi. Ama in,

Jeremiah 46:20

Egypt ngam sia saksang panin hong leang thataa ii a pe khuipui limci khat taw kibang hi.

Jeremiah 46:24

Egypt mite sia maizum ngasak a; saksang mite in amate zothal uh hi. Keima, Topa in ka son zo hi,” hong ci hi.

Jeremiah 48:39

Moab ngam kitamhtham zo hi! Kap vun! Moab kimaimawlsak zo hi. Moab kisiacip zo a, a kiim a paam minamte theampo in nuisan uh hi. Keima, Topa in ka son zo hi,” ci hi.

Jeremiah 6:22

Topa in, “Saksang ngam khat panin mite hong pai hi; a khuala na pan a thahat ngam khat sia ngal sim tu in kithawthoai hi.

Jeremiah 8:16

Dan khuapi sungah ih ngalte hong theng zo uh hi; a siphute ii a naak thin uh ih za hi. A siphute a haam uh ciang ngam buppi liing hi. Ih ngam le ih ngamsung a, a om na theampo, ih khuapi le khua mite theampo susia tu in ih ngalte hong pai zo uh hi.”

Daniel 11:22

Ama a nalh pawpo, Pathian ii Thiampi Lianbel ahi keak zong kinil keakin, kibosak tu hi.

Nahum 1:8

Tuipawm lian khat bangin a ngalte sucip a; ama a nalhte thina thuaksak hi.

1 Corinth te 10:26

Banghang ziam cile laithiangtho in, “Leitung le a sungah a om na theampo sia Topa ii neisa ahi hi,” ci hi.

1 Corinth te 10:28

Ahihang khat po in, “Hi an sia milim a kipia an hi,” hong cile, tua an sia hong sonpa le ama ii thinsung ngaisutna na khualna taw ne heak vun —

James 5:1

Tu in, no sumhaute awng, hong ngai tavun! No tungah hong tung tu ngimna haksatnate huvau kapin mau vun!

Thupualaakna 17:1

Khawbeam sali a nei vantunglalangte sali sung pan khat kei kungah hong pai in, “Hong pai ta'n, a minthang pumpi zuak nu, ngun tam mama hui ah a kisaat khuapi sia bangbangin daan kipia tu ziam, ci in kong lak tu hi.

Thupualaakna 17:15

Vantunglalang in hi bangin hong ci si hi, “Pumpi zuak nu ii a tung a to laitak na mu tuite sia ngamte, mihingte, minamte le kampaute ahi hi.