Jeremiah 44:2 - Syin Chin Bible

² Vaanglianbelpa Topa Israel ii Pathian in, “Jerusalem khuapi tung le Judah ngam khuapi dangte theampo ii tungah suksiatna ka thetsak sia noma mama in na mu zo uh hi. Tua khuapite sia tu dong ma in siacip lai a, kuama teang ngawl hi,

Jeremiah 44:2 Iomraidhean Croise

2 Kumpite 21:13

Samaria daan ka piak bang le Israel kumpipa Ahab le a suan a paalte ka vawt bangin Jerusalem daan ka pia tu hi. Jerusalem sia a mite bo dongin ka nawt siat tu a, a kinawt thiang a khup lam a kikoi pakan khat bangin ka vawt tu hi.

Pusuana 19:4

“Keima, Topa in Egypt te tungah ka vawtte le muvanlai in a note a tha tungah a puak bangin note hi munah kong puak mu nu hi.

Isaiah 24:12

Khuapi sia siacip in, a kongpite kisaat tham zo hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Jeremiah 25:11

Hi ngam buppi a siathamin kinusia tu a, a ngamkhing mun suak tu hi, a kiim ah minamte in kum sawmsali sung tawntung Babylon kumpipa ii na seam tu uh hi.

Jeremiah 34:22

Keima in thu ka pia tu a, hi khuapi ah amate hong heak kik tu uh hi. Amate in tua khuapi simin la tu a, mei taw haltham tu uh hi. Keima in Judah ngam khuate sia kuama ii teen ngawlna sennealngam khat bang ka suaksak tu hi. Keima, Topa in ka son zo hi,” hong ci hi.

Jeremiah 4:7

Tawpi khat in a bukna mun pan hong pai bangin, ngamte a siasak tu khat hong kuan zo hi. Judah susia tu in ama hong pai hi. Judah ngam khuapite a siacip in kinusia tu a, kuama teang ngawl tu hi.

Jeremiah 44:22

Tuni mama in na ngam uh sia a lalcip sa in om a, a sungah kuama teang ngawl hi. Na seksolna uh le a sia na vawtna uhte Topa in thuak zo nawn ngawl ahikom na ngam uh sia a lipkhaphuai mun suak a mihingte in a min sia kihaamsiatna in nei uh hi.

Jeremiah 44:23

Topa ii hong thupiakte theampo ni ngawlin ama tungah na maw uh hang le milim pathian dangte tungah biakpiakna na piak uh hu in hi bang tuasiatna no tungah hong theng hi,” ka ci hi.

Jeremiah 7:34

Tua ngam sia sennealngam suak tu hi. Judah ngam khuapite sung le Jerusalem khua lampite tungah thinnopna le lungdamna awte le mopoai lungdamna awte ka bosak tu hi.

Jeremiah 8:3

Hi a ngilo minam sung pan a nungta lai sun, ka thethaangna munah a teang teng in a nuntak tu sangin thi nuam zaw tu uh hi. Kei Vaanglianbelpa Topa in ka son zo hi,” ci hi.

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Kaa late 1:1

Khatvei lai in mihing taw a kidim Jerusalem khuapi bangza in ngamkhing ziam! Leitung ii khatvei a zatak ngei sia tu in meingongnu khat taw kibang hi; khuapi teng po pan a tuanngenbel sia sila dinmun ah taak zo hi.

Kaa late 1:16

“Tua hu in ka mittangte thitui taw kidim leet hi. Kuama in hong heeneam thei ngawl a; kuama in hong hanthawn thei ngawl hi. Ngalte in hong zothal a; ka mite in bangma nei nawn ngawl uh hi.

Kaa late 5:18

Zion Mual sia ngamkhing ngamdai in kinusia ahikom tua a kisia sa munte ah ngam uite vak hi.

Daniel 9:12

Kote tung le kote hong ukte tungah kong vawt tu hi nong ci sa bangma in nong vawt hi. Leitung a om khuapi dang khat po sangin Jerusalem khuapi sia a nasia zaw in daan na pia a,

Thiampite 26:31

na khuapite ka lalcipsak tu a, na biakna munte siasak in, na sangaw biakpiaknate kong saang buatu hi.

Thiampite 26:43

Ahizong hi leitang, a tawlngak hithet thei natu in a ngammite in a masabel in ngam le lei a taisat kul hi, ka thukham le ka thupiakte nial ahikom amate daan ka piak kul hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Zechariah 1:6

Na taanghpupite tungah ka naseam kamsaangte tungtawnin thupiaknate le kidop natu thute ka pia hi, ahihang amate in tuate thusim ngawl a, a ngamtatna taw a kizui in ngimna thuak uh hi. Tuasia ciang amate kisiik kikin, keima, a Vaanglianbelpa Topa in amate taw a kiphu bang le ka sep tu tatak a ka khensat bangin daan ka piak hunlam hong tel uh hi,’ ” cisak hi.

Thuhil kikna 29:2

Moses in Israel mite theampo sam khawmin amate tungah, “Topa ii Egypt kumpipa, a uliante tung le a ngam bup ah a vawt nate noma ma in mu nu hi.

Joshua 23:3

Noma hu in hi minam teng tungah Topa na Pathian ii a sep a vawt theampo na mu zo uh hi. Topa na Pathian sia no atu in ngal do hi.