Jeremiah 42:3 - Syin Chin Bible

³ Kote pai natu lampi le ko ii sep tu nate Topa ih Pathian in hong lak natu in thu hong ngetsak ta'n,” hong ci uh hi.

Jeremiah 42:3 Iomraidhean Croise

1 Kumpite 8:36

vantung pan na ngai in. Kumpipa le Israel mite ii mawna khialna te, na maisak in. A maan bang a ngamtat natu amate na hil in. Tuaciang, Oh Topa, na mite ii a tawntung a neisa tu in na piak hi na leitang tungah nguatui na puak in.

Ezra 8:21

A kitotawm Ahava Tuiluam hui ah ka vekpi uh in antang in kote ii Pathian mai ah kiniamkhiak a, ka khualhawna uh ah hong lampui in, koma, ka tate uh le ka neisa theampo taw hong kep natu ama tungah hesuak ngen tu in ka sawl hi.

Psalm Late 27:11

Topa awng, nong sepsak nop thute, hong hil ta'n, Ngal tam mama ka nei hu in, a ngammuanhuai lampi ah lam hong pui ta'n.

Psalm Late 86:11

Seam a nong oaite hong hil ta'n, Topa awng, thumaan takin na thu kong ni tu hi; a kicing kipiakna taw, na na ka sep natu hong hil ta'n.

Paunakte 3:6

Na sep na vawt theampo sungah Topa phawk in, tua hile ama in a maan lampi hong lak tu hi.

Isaiah 2:3

tuaciang a mihingte in, “Topa ii mual, Israel te ii Pathian Biakinnpi ah kaato tawng. Ama in ih sep tu a dei sia ih sep thei natu in hong hil tu hi; ama tealsa lampite ih tawn tu hi. Banghang ziam cile Jerusalem pan Topa ii hilcianna hong pai tu a; Zion panin ama in a mihingte tungah thu son tu hi,” a ci tu hi.

Jeremiah 6:16

Topa in a mite tungah, “Lamkaa bom ah dingin khuadak vun. Taangh lampite le a phabel lam sia koisung ziam ci in dongh vun. Tuasia tawn vun, tua hile thinnuamin na om tu uh hi,” ci hi. Ahihang amate in, “Hi ngawl hi, ko tawn ngawl tu khu hi!” ci hi.

Micah 4:2

tuaciang a mite in, “Topa ii mual, Israel ii Pathian Biakinnpi ah kaato tawng. Banghang ziam cile seam a hong oaite ama in hong hil tu hi; ama tealsa lampi ih zui tu hi. Banghang ziam cile Topa hilcianna in Jerusalem pan hong pai hi; ama in Zion panin a mite paupui hi,” ci tu hi.

Thuhil kikna 5:26

A nungta Pathian ii meikuang sung pan a paupuina a zaak zawkciang a nungta mihing om ngei na ziam?

Thuhil kikna 5:29

Amate in hi bangin phawk tawntung thong le pha hi! Amate le a suan a paalte, a ma vangin a daupai thei tawntung natu in, keima hong zakta tawntungin ka thupiak theampo hong zui pole pha hi.