Jeremiah 42:2 - Syin Chin Bible

² “Kong nget uh sia hong vawtsak ta'n! Topa ih Pathian tungah kote atu in thu hong ngetsak ta'n. A nungta lai kote theampo atu in thu hong ngetsak ta'n. Khatvei lai in mihing tam mama ka hi uh a; tu ahile nangma nong mu bangin mihing tawmno bek ma ka taang lai uh hi.

Jeremiah 42:2 Iomraidhean Croise

1 Kumpite 13:6

Kumpipa Jeroboam in kamsaangpa munah, “Ka khut hong damsak natu in Topa na Pathian tungah nong hesuak na in thu hong ngetsak ta'n!” ci hi. Kamsaang pa in Topa tungah thu a nget le kumpipa baan dam hi.

Psalm Late 119:170

Kong thungetna hong ngai ta'n a, na kamciamsa om bangin hong hun ta'n!

Pusuana 8:28

Kumpipa in, “A khuala mama na ah pai bua po le uh te, sennealngam sungah Topa na Pathian bia tu in kong paisak tu hi. Kei atu in thu hong ngetsak tavun,” ci hi.

Pusuana 9:28

Topa tungah thungen vun! Hi vanto le ngialkiate kicing zo hi. Note paisak tu in kamciam kong pia a; hi lai ah no om tu kul nawn ngawl hi,” ci hi.

Isaiah 1:15

“Thungen in na khutte na lapto ciang note kong en buatu hi. Bang zata thu na ngen ta uh zongin kong ngai buatu hi, banghang ziam cile na khutte chi taw kituam hi.

Isaiah 1:9

Vaanglianbelpa, Topa in mi pawlkhat hong nungtasak lai buathong le, Sodom le Gomorrah bang keakma in Jerusalem kilalsak siat zo tu hi.

Isaiah 37:4

Assyria kumpilianpa in a ulianbel pa sia a nungta Pathian nunau tu in paisak zo hi. Hi bang nunaunate Topa na Pathian in za tahen a, nunauna kampaute daan pia tahen. Tua ahiciang a nungta lai ih mite atu in Pathian tungah thungen vun,” ci hi.

Isaiah 42:20

Israel awng, nang in tam mama na mu zo hi, ahihang nang atu in bang khiakna nei ziam? Na khuazaak natu in bil na nei hi, ahihang bang tatak na za ziam?” ci hi.

Jeremiah 15:11

Topa awng, nangma ii na pha takin ka seam bua le, ka ngalte ngim nga a natna satna a thuak laitakin amate taangin nangma tungah hesuakna ka ngetsak buale amate ii hong haamsiatnate theampo taangtung tahen. (

Jeremiah 2:27

Thingkung khat sia ka pa hi, suangtum khat sia ka nu hi a cite — no teng na mai uh zum tu hi. Keima kung hong zuan ngawl a puapial na hi uh kom hi thu piang tu hi. Ahihang ngimna na thuak uh ciang hong hun tu in hong pai ta'n ci in nong ngen uh hi.

Jeremiah 21:2

“Nong hesuakna taw ko atu in Topa hong paupuisak ta'n, banghang ziam cile Babylon kumpipa Nebuchadnezzar le a ngalkaphonpi in khuapi uumci hi. Topa in ama ii nalamdang laknate khat ko atu in hong vawt tahen a, Nebuchadnezzar nungkin kik natu zawthawk thu zangh tahen,”

Jeremiah 36:7

Topa in a lauhuai thin uukna le a thinsona taw hi mihingte tawng zo ahikom amate in Topa tungah thu ngenin, a tatsiatnate panin kikheal thei tha tu uh hi.”

Jeremiah 37:20

Tu in Kumpipa awng, ka thu son nong ngai natu le kong nget sia nong vawtsak natu in hesuak kong ngen hi. Nong hesuakna in Jonathan ii inn thong sungah hong puak kik heak in. Nong puak kik ahile, tua munah thi takpi tu khi hi,” ka ci hi.

Jeremiah 37:3

Ih minam luangin Topa ih Pathian tungah keima sia thungen tu hong sawl tu in, Zedekiah kumpipa in Shelemiah ii tapa Jehucal le Maaseiah ii tapa thiampi Zephaniah hong paisak hi.

Jeremiah 38:14

Khatvei ciang in Zedekiah kumpipa in Biakinnpi tumna a thumna sia ah hong sam a, ama in “Thu khat kong dongh tu a, thumaan sia hong son siat lete ka oai hi,” hong ci hi.

Jeremiah 40:15

Tua zawkciang Johanan in ama tungah, “Keima hong paisak ta'n a Ishmael hong thatsak ta'n, tua hile a that sia pa kuama in he ngawl tu hi. Banghangin ama in nang hong suam thei thong tu ziam? Nang hong kisuam le tua in na kiim ah hong kikhawm Jew mite theampo kithethaangsak tu a, Judah ngam ah a taanglai mite theampo ii tungah tuasiatna thengsak tu hi,” ci ku hi.

Jeremiah 42:20

na pai uh ahile thithei natu dongin a khial na hi tu uh hi. Noma atu in Topa ih Pathian tungah thungetsak tu in nong sawl uh a, ama ii hong thupiak theampo seam tu in kamciam nong pia uh hi.

Kaa late 1:1

Khatvei lai in mihing taw a kidim Jerusalem khuapi bangza in ngamkhing ziam! Leitung ii khatvei a zatak ngei sia tu in meingongnu khat taw kibang hi; khuapi teng po pan a tuanngenbel sia sila dinmun ah taak zo hi.

Ezekiel 12:16

Amate sungah tawmno khat sia ngal kidona, kialpi le natnate pan ka luhaisak tu hi, tuasia ciangin, tua mun minamte sungah amate in a ngamtatnate sia bangza in thasiathuai ci sia phawk tu a, Kei Topa ka hi hunlam hong tel tu uh hi,” hong ci hi.

Hosea 8:10

Ahihang tu in amate ka khawmtua tu a, daan ka pia tu hi. Assyria kumpilianpa in amate a nencip ciang, hai ngawlin bot sa in kilep vadel tu uh hi.

Thiampite 26:22

Note sungah a kiitakhuai ngamsate kong puak tu a, na tate, na ngannote hong thalupsakin, note tawm bek taanglai in na lampite uh kinusia tu hi.

Amos 7:2

Ka mukholna sungah khaumawte in ngam sungah a hing theampo netum a, tuasia ciang keima in, “Vaanglianpipa Topa awng, na mite mawna maisak in! Bangbangin amate nungta zo tu ziam? Amate tawm mama a, thazawm uh hi!” ka ci hi.

Matthew 24:22

Ahihang Pathian in a ni sia khiamsuk zo hi; tua hi buale kuama a suakta buatu hi. Ahitazong a tealtuam mihingte atu in Pathian in a ni khiam tu hi.

Sawltakte 8:24

Simon in Peter le John tungah, “Tu a nong ci teng kei tungah hong tun ngawl natu, nong hesuakna in Topa tungah thu hong ngetsak tavun,” ci hi.

Thuhil kikna 28:62

Van ah aksi za in tam napi, Topa na Pathian thu na nit ngawl hu in, tawm bek nungta tu nu hi.

Thuhil kikna 28:63

Note hong lapsaang na le hong punsak na thu ah Topa a lungkim bangma in, note hong mot natu le hong lalsak natu thu zongh ah ama lungkim veve tu hi. Na laak tu uh ngam pan note hong kilongkeak tu hi.

Thuhil kikna 4:27

Minam dangte sungah Topa in hong thethaang tu a, no tawm bek na suakta tu uh hi.

James 5:16

Tua ahikom, na mawna uh sia khat le khat tungah kipualaak vun a, khat le khat thu na kingetsak vun, tua hile hong damsak tu hi. Mipha thumaan thutang khat ii thungetna in vaang nei hi.

1 Samuel 12:19

tuaciang Samuel munah, “Topa awng, nong hesuakna in, ka thi ngawl natu Topa na Pathian tungah thu hong ngetsak ta'n. Tu in koma mawna dangte tungsia ah kumpipa khat ka ngetna ah maw zo ka hi uh hunlam ka phawk uh hi,” ci uh hi.

1 Samuel 12:23

Kei ka hile note atu thunget nawn ngawlna taw ama tungah mawna ka vawt ngawl natu Topa in thu hong pia hi. No vawt tu a pha le a maan thute kong hil zaw tu hi.

1 Samuel 7:8

tuaciang Samuel munah, “Philistine te kung pan hong hut natu Topa ih Pathian tungah thu ngen tawntung in,” ci uh hi.