Jeremiah 41:1 - Syin Chin Bible

¹ Tua kum a tha sali tha in, kumpi innkuan sung pan le kumpipa ii a ulianbelte sung pan khat ahi, Elishama ii tupa, Nethaniah ii tapa Ishmael sia mihing sawm taw Mizpah ah Gedaliah taw kimu tu in pai uh hi. Amate teng an a neakkhop laitakin,

Jeremiah 41:1 Iomraidhean Croise

2 Samuel 3:27

Hebron ah Abner hong thet ciangin, Joab in ama nguak taw thu son tubangin kongpi ah a tuamin paipui a, tua munah a ngil pan naam taw hol hi. Tuabangin Abner sia kisuamlum hi, banghang ziam cile ama in Joab ii suapuipa Asahel thalupsak hi.

2 Kumpite 11:1

Kumpipa Ahaziah ii nu Athaliah in a tapa ii kisuamlupna a zaak po ciang kumpipa innkuan pui theampo thalup natu thupia hi.

2 Kumpite 25:22

Babylon kumpipa Nebuchadnezzar in Shaphan ii tupa, Ahikam ii tapa Gedaliah sia Judah ngamuk mangpa in koi hi, tuaciang Babylon ah a kipaipui ngawlte uksak hi.

2 Kumpite 25:25

Ahihang tua kum sung a tha salina ciang, kumpi innkuan sung pan khat zongh ahi, Elishama ii tupa, Nethaniah ii tapa Ishmael sia Mizpah ah mihing sawm taw pai a, Gedaliah simin thatlum uh hi. Ama taw tualai ah a om Israel mite le Babylon te zongh that hi.

2 Khangtaanghthu 22:10

Ahaziah kumpipa ii nu Athaliah in a tapa a kithalupsak sia a heak po ciang Judah kumpi innkuanpui theampo a kithalup natu in thupia hi.

Psalm Late 109:5

Amate in kei tungah phatna sia siatna taw, itna sia etsatna taw hong thuk kik hi.

Psalm Late 41:9

Ka lawm phabel, ka muanbel, ka ankuang uumpui sia ngawngawn in kei hong langpan hi.

Paunakte 13:10

Kisak theina in ngim ngana simngawl bangma dang a piangsak bua hi. Ngaisutna ngetna in ciim zawkna hi.

Paunakte 27:4

Thin uukna sia tatkha a, lalna piangsak thei hi, ahihang ki eenna sia bangma taw kiteengat thei ngawl hi.

Jeremiah 36:12

Tuaciang Micaiah sia kumpi inn sung thuzeakpipa ii zum inndoi ah ulian theampo kikhop laitakin pai hi. Zum thu zeakpipa Elishama, Shemaiah ii tapa Delaiah, Achbor ii tapa Elnathan, Shaphan ii tapa Gemariah, Hananiah ii tapa Zedekiah le a dang uliante theampo tua munah om uh hi.

Jeremiah 36:20

Uliante in tua laizial sia zum thuzeakpa, Elishama ii inndoi sungah koi in, kumpipa zum ah pai in tua munah a thu a vekpi in kumpipa tungah ko uh hi.

Jeremiah 39:14

kumpi innhuang sung panin kei hong la uh hi. Amate in Shaphan ii tupa, Ahikam ii tapa Gedaliah kungah, keima inn ah ngam muang takin hong thet natu le pha tak hong kep tu in hong aap uh hi. Tuabangin tua mun ah om mite sungah ka teang hi.

Jeremiah 40:13

Hisia zawkciang a tum nuam ngawl Johanan le ngalkapte ii lampuite sia Mizpah khua Gedaliah kungah pai in,

Jeremiah 40:5

Bangma zo kik ngawl a ka om ciang, Nebuzaradan in, “Babylon kumpipa ii Judah ngam khuate uk tu in a koi ngamkhen ukpa Shaphan ii tupa, Ahikam ii tapa Gedaliah ii kungah pai kik ta'n. Ama taw om ta'n a, a mite sungah teang thei ni hi, tua ahibuale na pai nopna mun po ah pai thei ni hi,” hong ci hi. Tua zawkciang ama in letsong khat le nguai an hong henin ka pai nopna ah hong paisak hi.

Jeremiah 40:6

Mizpah ah Gedaliah taw om tu in ka pai a, ngam sungah a taanglai mite sungah ka teang hi.

Jeremiah 40:7

Judah ngalkapmang pawlkhatte le ngalkapte sia a ngalte khut sungah tum ngawl uh hi. Babylon kumpipa in Gedaliah sia ngamkhen ukpa tu in koi zo a, Babylon ah a kipaipui ngawl theampo — ngamsung pan a zawngbel mite teng uk tu in a kikoina thu amate in za uh hi.

Jeremiah 40:8

Tuasia ciang Nathaniah ii tapa Ishmael, Kareah ii tapa Johanan, Tanhumeth ii tapa Seraiah, Netophah pan Ephai ii tapate le Maacah pan Jezaniah sia a mite taw Mizpah khua ah a om Gedaliah kungah pai uh hi.

Ezekiel 17:13

Ama in kumpipa innkuanpuite khat la in, thukimna khat vawt a, ama ii tungah a thumaan tu in kiciamsak hi. Ama in mi thupite luangkhaam tu in ciapui hi,

John 13:18

“Na vekpi atu ka sonna hi ngawl hi; ka teal sate keima in ka he hi. Ahihang laithiangtho sungah, ‘Kei taw ankuang uumkhawmpa in kei hong langpan hi,’ a ci sia a tun kul tu hi.