Jeremiah 4:8 - Syin Chin Bible

⁸ Tua ahiciang khau-ip puan silh in, kapin tau vun banghang ziam cile Topa thin uukna sia Judah panin puapial ngawl lai hi.

Jeremiah 4:8 Iomraidhean Croise

Psalm Late 78:49

Thina vantung mite bangin hong pai ama ii thin uukna le thinsona a buaksukna taw ama in nasia takin amate thinngimna pia hi.

Isaiah 10:4

Note ngal kisimna sungah hong kithatlum tu hi, ahibuale zong thongtaakte bangin hong kikai keak tu hi. Tuabang ngawngawn taw zongh in Topa thin uukna thai ngawl lai tu a; daan pia tu in a khut kivaan lai tu hi.

Isaiah 13:6

Na sa in kap keak vun! Vaanglianbelpa ii sukcip tu ni, Topa ni, hong nai hi.

Isaiah 22:12

Tuaciang Vaanglianpipa Topa, Vaanglianbelpa in a kap tu a mau tu le sam meettol in, khau-ip puan silh tu in note hong sam hi.

Isaiah 32:11

Thinngimna le nei ngawlin, nuntak ol in na nungta uh hi; ahihang tu in, patau in liing vun! Na puante suutkeak vun a na kawngah puansia lom sawm vun.

Isaiah 5:25

Topa sia a mite tungah thin uukin amate daan pia tu in a khut vaan zo hi. Mualte liing tu a, mithi luangte ninteak bangin lampi tungah kinusia tu hi. Tuasia ngawngawn zong Topa thin uukna thai zo ngawl lai tu a, daan pia tu in a khut vaan lai tu hi.

Isaiah 9:12

Nisuana sang pan Syria le nitumna sang pan Philistia in Israel valhtum tu in a kam uh kaa zo hi. Tuabangza ngawngawn zongin Topa thin uukna thaisak zo ngawl a; daan pia tu in a khut vaan lai hi.

Isaiah 9:17

Tua ahiciang Topa in tangvalte khat zongh suaktasak ngawl tu a, meingongte le tangate khat zongh hesuak ngawl tu hi, banghang ziam cile mihing theampo in Pathian sel a, seksol in kamsia nawno pau uh hi. Tua hang zongin Topa thin uukna thai zo ngawl a, daan pia tu in a khut kivaan lai tu hi.

Isaiah 9:21

Manasseh mihingte le Ephraim mihingte khat le khat kisim a, tuaciang amate in Judah sim khawm uh hi. Tuabangza ngawngawn zongin Topa thin uukna thaisak zo ngawlin; daan pia tu in a khut kivavaan lai hi.

Jeremiah 25:34

No lampuite awng, kap vun, ka mite a cing a keamte awng, a ngingin kap vun! Tau in leivui sungah liik vun. Note hong kithalup tu hun hong theng zo a, tuutalte bangin note hong kisem tu hi.

Jeremiah 48:20

‘Moab puk zo hi, tuasia atu in kap vun; mindaina thuak hi. Moab ngam kisiatna thu sia Arnon ngundung ah taangko vun!’ ci in amate in hong zo tu uh hi.

Jeremiah 6:26

Topa in a mite tungah, “Khuangai in, Khau-ip puan silhin vut sungah kilumliik vun. Tapa khat a nei sun sia in a thi san hu in thitui luang in kap vun, banghang ziam cile no hong susia tu hong pai pa in thakhat thu in hong sim tu hi.

Kaa late 1:12

“Kei hong en ka ven!” ci in ama kaantan in a pai theampo tungah ko hi. “Kei nat bangin kuama in a na thuak ngeingawl hi. Topa in a thin uuk laitak hong thuaksak natna a hi hi.

Ezekiel 21:12

Thasiatna taw au in, a thithei mihing awng; hi namsau sia keima mite tung le Israel lampuite tungah a kizangh tu ahi hi. A taanglai ka mite theampo taw cipin amate kithatlum tu hi. Thinkiam in na awm beang in!

Ezekiel 30:2

Ama in, “A thithei mihing awng, kamsaang in a, Keima Vaanglianpipa Topa ii ci teng taangko in. Hi kammalte au in son in: A lauhuai ni hong tung tu hi!

Joel 1:13

No, biaknatau ah naseam thiampite awng, khau-ip puan silhin kap vun! Biakinnpi sungah tumin, zankhuateak khuangai vun! Na Pathian na piak tu uh antang, ahibuale sapittui om ngawl hi.

Amos 8:10

Na poaipite mithi vuinate ka suaksak tu a, na lungdamna late sia heena, kaanate taw ka laih tu hi. Na lu uh a tolin meetsak in, khau-ip puan kong silhsak tu hi, tapa khat bek a nei sun thi a, a nu le a pa a kaa bangin kong kapsak tu hi. Tua ni sia a tawp dongin thuak hak tu hi.

Micah 1:16

Judah mite awng, na it patangnote atu in khuangai in na sam uh meet vun. Vaciik bangin lutolin om vun, banghang ziam cile na patangnote sia ngamdang ah salin no kung pan kila tu hi.

Mi Simna 25:4

Moses tungah, “Israel lampui theampo sam in a, ka thu nong nitna in suntangin amate thatlum siat in, tua hile a mite tungah ka thin uuk nawn ngawl tu hi,” ci hi.